આંધ્રપ્રદેશમાં ભારતની પ્રથમ 'ક્વોન્ટમ અને એઆઈ યુનિવર્સિટી કેમ્પસ' ને મંજૂરી

આંધ્રપ્રદેશમાં અમરાવતી ખાતે ભારતની પ્રથમ સમર્પિત ક્વોન્ટમ અને આર્ટિફિશિયલ ઇન્ટેલિજન્સ (AI) યુનિવર્સિટી કેમ્પસને મંજૂરી આપવામાં આવી છે. આ પ્રોજેક્ટ કેન્દ્રીય ઇલેક્ટ્રોનિક્સ અને માહિતી પ્રૌદ્યોગિકી મંત્રાલય હેઠળની ડીમ્ડ-ટુ-બિ યુનિવર્સિટી એવા નેશનલ ઇન્સ્ટિટ્યુટ ઓફ ઇલેક્ટ્રોનિક્સ એન્ડ ઇન્ફોર્મેશન ટેક્નોલોજી (NIELIT) દ્વારા વિકસાવવામાં આવશે. 

મુખ્ય વિશેષતાઓ:

• અભ્યાસક્રમો: યુનિવર્સિટી અંડરગ્રેજ્યુએટ, પોસ્ટગ્રેજ્યુએટ, પીએચડી, ડિપ્લોમા અને એક્ઝિક્યુટિવ પ્રોગ્રામ્સ ઓફર કરશે. પ્રસ્તાવિત વિષયોમાં ક્વાન્ટમ કમ્પ્યુટિંગ, આર્ટિફિશિયલ ઇન્ટેલિજન્સ, વીએલએસઆઈ (VLSI) અને સેમિકન્ડક્ટર ફેબ્રિકેશન સામેલ છે.
• અંદાજિત ખર્ચ અને ભંડોળ: પાંચ વર્ષમાં આ પ્રોજેક્ટનો અંદાજિત ખર્ચ ₹730.70 કરોડ છે. MeitY દ્વારા આ પ્રોજેક્ટ માટે 100% સહાયક અનુદાન પૂરું પાડવામાં આવશે.
• ક્ષમતા: આ કેમ્પસ 1.25 લાખ ચોરસ ફૂટનું ક્વોન્ટમ રિસર્ચ, ઇનોવેશન અને ઇન્ક્યુબેશન બ્લોક તેમજ સોલાર સંચાલિત નેટ ઝીરો ફીચર્સ અને 500 બેડની રહેણાંક ક્ષમતા ધરાવતું આયોજન કરાયું છે.
• સ્થળ અને શરૂઆત: કાયમી કેમ્પસ અમરાવતીમાં આયોજિત છે, જ્યારે શૈક્ષણિક કાર્યક્રમો સપ્ટેમ્બર 2026થી ગુંટૂરની આચાર્ય નાગાર્જુન યુનિવર્સિટી ખાતે શરૂ થશે.

પરીક્ષાલક્ષી પ્રશ્ન: 

પ્રશ્ન 1: ભારતની પ્રથમ સમર્પિત ક્વોન્ટમ અને Aઆર્ટિફિશિયલ ઇન્ટેલિજન્સ યુનિવર્સિટી કેમ્પસ ક્યાં સ્થાપવાની મંજૂરી આપવામાં આવી છે?

(A) વિશાખાપટ્ટનમ

(B) અમરાવતી

(C) હૈદરાબાદ

(D) બેંગલુરુ