આવતીકાલે શેરબજાર વધશે કે ગગડશે ? આ 4 મોટા પરિબળો નક્કી કરશે બજારની દિશા
Summarized by AI; it may make mistakes. Check important info
Summarized by AI; it may make mistakes. Check important info
Stock Market Prediction Next Week 2026: ગત સપ્તાહ દરમિયાન ભારતીય શેરબજારમાં ભારે ઉતાર-ચઢાવ જોવા મળ્યો હતો. જેમાં બંને મુખ્ય ઇન્ડેક્સ સેન્સેક્સ અને નિફ્ટી ઘટાડા સાથે બંધ રહ્યા હતા. સપ્તાહ દરમિયાન BSE સેન્સેક્સ 194 પોઇન્ટ અને NSE નિફ્ટી 64 પોઇન્ટ તૂટ્યો હતો. જ્યારે સેન્સેક્સની ટોપ-10 માંથી 6 કંપનીઓને મોટું નુકસાન વેઠવું પડ્યું હતું. હવે સોમવારથી શરૂ થઈ રહેલા નવા સપ્તાહમાં શેરબજારની ચાલ કેવી રહેશે, તે કોઈ એક નહીં પણ ઘણા મહત્વના સ્થાનિક અને વૈશ્વિક પરિબળો પર નિર્ભર કરશે. ચાલો જાણીએ એવા 4 મોટા ફેક્ટર્સ વિશે જે આગામી દિવસોમાં બજારની દિશા નક્કી કરશે.
US-Iran યુદ્ધ અને હોર્મુઝ સ્ટ્રેટ વિવાદ
વૈશ્વિક સ્તરે વધી રહેલી સૈન્ય તંગદિલીની અસર આગામી સપ્તાહે પણ બજાર પર જોવા મળી શકે છે. અમેરિકા અને ઇરાન વચ્ચે ચાલી રહેલા ભયાનક યુદ્ધના કારણે વૈશ્વિક ચિંતા વધી છે. વિશ્વની કુલ તેલ જરૂરિયાતના 20% સપ્લાય માટે સૌથી મહત્વપૂર્ણ ગણાતા હોર્મુઝ સ્ટ્રેટને ફરીથી બંધ કરવામાં આવી શકે છે તેવા અહેવાલો શેરબજારના સેન્ટિમેન્ટ પર નકારાત્મક અસર પાડી શકે છે.
ક્રૂડ ઓઇલની કિંમતો
મિડલ ઈસ્ટમાં વધી રહેલા તણાવની સીધી અસર ક્રૂડ ઓઇલની કિંમતો પર પડી રહી છે. હાલ આંતરરાષ્ટ્રીય બજારમાં બ્રેન્ટ ક્રૂડ 76 ડોલર પ્રતિ બેરલ, WTI ક્રૂડ 71 ડોલર પ્રતિ બેરલ અને મર્બન ક્રૂડ પણ 71 ડોલરની આસપાસ ટ્રેડ થઈ રહ્યું છે. જો આ યુદ્ધ લાંબુ ચાલશે અને ક્રૂડ ઓઇલના ભાવમાં મોટો ઉછાળો આવશે, તો તે વૈશ્વિક સ્તરે મોંઘવારીનું જોખમ વધારશે, જે શેરબજાર માટે મોટો ઝટકો સાબિત થઈ શકે છે.
કંપનીઓના ત્રિમાસિક પરિણામો
શેરબજારની આંતરિક ચાલ પર કોર્પોરેટ કમાણીની મોટી અસર જોવા મળશે. નાણાકીય વર્ષ 2026-27 (FY27) ના પ્રથમ ત્રિમાસિક ગાળા (Q1) ના અર્નિંગ રિપોર્ટ્સ આવવાના શરૂ થઈ ગયા છે. નિષ્ણાતોના જણાવ્યા અનુસાર, કંપનીઓના રિઝલ્ટ અને તેના પર મેનેજમેન્ટની કોમેન્ટ્રી બજારની ચાલ નક્કી કરવામાં મોટી ભૂમિકા ભજવશે. આગામી સપ્તાહે એચસીએલ ટેક (HCL Tech), ટેક મહિન્દ્રા, યુનિયન બેંક અને ફેડરલ બેંક જેવી દિગ્ગજ કંપનીઓના પરિણામો જાહેર થવાના છે.
એફપીઆઈ (FPI) ની ધમાકેદાર વાપસી
ગ્લોબલ ટેન્શનની વચ્ચે ભારતીય બજાર માટે એક સારા સમાચાર વિદેશી પોર્ટફોલિયો રોકાણકારો (FPIs) તરફથી આવ્યા છે. છેલ્લા 4 મહિનાથી ભારતીય બજારમાં સતત વેચવાલી કર્યા બાદ, વિદેશી રોકાણકારો જુલાઈ મહિનામાં અત્યાર સુધીમાં 15,157 કરોડ રૂપિયાથી વધુની ખરીદી કરીને પરત ફર્યા છે. એફપીઆઈની આ વાપસી બજારને નીચે જતા રોકવામાં મહત્વનો ટેકો આપી શકે છે.
મોંઘવારીના આંકડા અને મોનસૂન પર પણ નજર
આ 4 મોટા ફેક્ટર્સ ઉપરાંત, રોકાણકારોની નજર આગામી સપ્તાહે જાહેર થનારા રિટેલ મોંઘવારી દર (CPI) અને જથ્થાબંધ મોંઘવારી દર (WPI) ના આંકડા પર પણ રહેશે. આ સાથે જ દેશભરમાં મોનસૂનની પ્રગતિ અને ભારતના વિદેશી હૂંડિયામણ ભંડાર (Forex Reserve) માં થતા ફેરફારો પણ બજારના ટ્રેન્ડ માટે ફોકસમાં રહેશે.
