તાઈવાન બાદ દક્ષિણ કોરિયાએ ભારતને પછાડ્યું: AI અને આ બે કંપનીઓના જોરે બન્યું છઠ્ઠું સૌથી મોટું શેર માર્કેટ

South Korea Surpasses India In Market Cap: વૈશ્વિક શેરબજારના આંકડાઓમાં મોટો ફેરફાર જોવા મળ્યો છે. તાઈવાન બાદ હવે દક્ષિણ કોરિયાએ પણ માર્કેટ કેપની રેસમાં ભારતને પાછળ છોડી દીધું છે. આર્ટિફિશિયલ ઈન્ટેલિજન્સ (AI) કંપનીઓના શેરમાં આવેલી તોફાની તેજીના કારણે દક્ષિણ કોરિયા હવે વિશ્વનું છઠ્ઠું સૌથી મોટું ઈક્વિટી માર્કેટ બની ગયું છે.

શું કહે છે બ્લૂમબર્ગનો રિપોર્ટ?

બ્લૂમબર્ગના અહેવાલ મુજબ, દક્ષિણ કોરિયાની લિસ્ટેડ કંપનીઓનું કુલ માર્કેટ કેપિટલાઈઝેશન આ વર્ષે 86 ટકાના ઉછાળા સાથે 5 ટ્રિલિયન ડોલરના આંકડાને સ્પર્શી ગયું છે. બીજી તરફ, ભારતીય બજારની માર્કેટ કેપ ઘટીને 4.8 ટ્રિલિયન ડોલર પર આવી ગઈ છે. 

ટોચના ઈક્વિટી માર્કેટ્સનું લિસ્ટ: 

1. અમેરિકા

2. ચીન

3. જાપાન

4. હોંગકોંગ

5. તાઈવાન

6. દક્ષિણ કોરિયા

બે કંપનીઓની કમાલ અને AIનો જાદૂ

દક્ષિણ કોરિયાના શેરબજારમાં આવેલા આ ઉછાળા પાછળ બે જાયન્ટ કંપનીઓ જવાબદાર છે, સેમસંગ ઈલેક્ટ્રોનિક્સ અને SK Hynix Inc. આ બંને કંપનીઓએ તાજેતરમાં 1 ટ્રિલિયન ડોલર ક્લબમાં એન્ટ્રી કરી છે. હાલ સેમસંગનું માર્કેટ કેપ $1.535 ટ્રિલિયન અને SK Hynix નું માર્કેટ કેપ $1.089 ટ્રિલિયન નોંધાયું છે. 

ભારત કેમ પાછળ રહ્યું?

ભારતની જીડીપી દક્ષિણ કોરિયા કરતા ઘણી મોટી હોવા છતાં માર્કેટ કેપમાં ભારત પાછળ છે. આના મુખ્ય કારણો નીચે મુજબ છે:

રૂપિયામાં ઘટાડો: ભારતીય રૂપિયાના મૂલ્યમાં આવેલો ઘટાડો.

વિદેશી રોકાણકારો: વિદેશી રોકાણકારો દ્વારા મોટા પાયે વેચાણ (Selling).

AI કંપનીઓનો અભાવ: ભારતીય બજારમાં આર્ટિફિશિયલ ઈન્ટેલિજન્સ સાથે સીધી રીતે જોડાયેલી કંપનીઓની અછત.