ચાંદીની કિંમતમાં ફરી મોટો કડાકો, સોનાની ચમક પણ ફિક્કી પડી! વૈશ્વિક અસ્થિરતા વચ્ચે ભારતીય બજાર ધ્રૂજયું

Silver Prices Crash Again: વૈશ્વિક બજારમાં ભારે અસ્થિરતાની અસર આજે ભારતીય બજાર પર પણ જોવા મળી છે. મંગળવારે સવારે બજાર ખુલતાની સાથે જ કિંમતી ધાતુઓના ભાવમાં મોટો ઘટાડો નોંધાયો છે. સૌથી વધુ અસર ચાંદીના ભાવ પર પડી છે. 

MCX પર સોના-ચાંદીના ભાવ( 10 ફેબ્રુઆરી સવારના ભાવ ) 

આજે 10 ફેબ્રુઆરીના રોજ બજાર ખુલ્યાના થોડા જ સમયમાં ચાંદીના ભાવમાં મોટો ઘટાડો શરૂ થયો હતો. શરૂઆતમાં ચાંદી ₹3000 જેટલી ઘટી હતી, પરંતુ જોતજોતામાં માત્ર અડધા કલાકના ગાળામાં આ ઘટાડો 5400 રૂપિયાને પાર કરી ગયો હતો. આ મોટા કડાકા બાદ ચાંદી રૂ.2,57,215 પ્રતિ કિલો પર ટ્રેડ કરી રહી હતી.

ચાંદીની પાછળ સોનાના ભાવમાં પણ ઘટાડો જોવા મળ્યો છે. સોનાના ભાવમાં અંદાજે 900 રૂપિયાનો ઘટાડો નોંધાયો છે. આ ઘટાડા સાથે સોનું 1,57,200 પ્રતિ 10 ગ્રામ પર કારોબાર કરી રહ્યું હતું.

આ પણ વાંચો: શેરબજારમાં પ્રતિકુળ વલણ છતાંય વિદેશી રોકાણમાં અમેરિકન FPIનો હિસ્સો વધીને 41%

વૈશ્વિક બજારની સ્થિતિ 

કોમેક્સ પર સોનું 0.32% ઘટીને 5,063 ડોલર/ઔંસ પર ટ્રેડ થઈ રહ્યું છે. ચાંદીમાં પણ 0.27% નો ઘટાડો નોંધાતા તે 82.01 ડોલર/ઔંસ પર પહોંચી છે.