રૂપિયો ફરી ગગડ્યો, ડૉલર સામે 12 પૈસા ગબડીને 88.80ના નવાં તળિયે પહોંચ્યો
Summarized by AI; it may make mistakes. Check important info
Summarized by AI; it may make mistakes. Check important info
Rupee Hits Record Low Against Dollar : અમેરિકી ડૉલર સામે રૂપિયાની કિંમતમાં સતત ઘટાડો થઈ રહ્યો છે. સ્થાનિક શેરબજારોમાં ઘટાડો અને અમેરિકી ડૉલરમાં રાતોરાત આવેલી તેજીના કારણે મંગળવારે રૂપિયો 12 પૈસા ગગડીને 88.80ના પોતાના સર્વોચ્ચ નીચલા સ્તરે પહોંચી ગયો છે. આ પહેલા 30 સપ્ટેમ્બરે પણ રૂપિયો 88.80ના રેકોર્ડ નીચા સ્તરે પહોંચી ગયો હતો.
રૂપિયો ડૉલર સામે 88.73 પર ખુલ્યો હતો
ઈન્ટરબેન્ક વિદેશી મુદ્રા વિનિમય બજારમાં રૂપિયો ડૉલર સામે 88.73 પર ખુલ્યો હતો અને કારોબાર દરમિયાન તે 88.81ના નીચલા સ્તરે પહોંચી ગયો હતો. આખરે તે પાછલા બંધ ભાવ 88.68ના મુકાબલે 12 પૈસાના ઘટાડા સાથે 88.80 પર બંધ થયો હતો.
આ પણ વાંચો : GST બાદ મિડલ ક્લાસ માટે વધુ બે ગુડ ન્યૂઝ! RBI કરી શકે છે મોટી જાહેરાત
શેરમાર્કેટ પણ ડાઉન
શેરમાર્કેટની વાત કરીએ તો તેમાં નવા સપ્તાહના સતત બીજા દિવસે ઘટાડો જોવા મળ્યો. BSE સેન્સેક્સ 297 અંક તૂટીને 82,029.98ના સ્તરે બંધ થયો છે, જ્યારે NSE નિફ્ટી 81.85 અંકના નુકસાન સાથે 25,145.50 પર બંધ થયો છે.
આ પણ વાંચો : PF ખાતામાંથી હવે પૂરી રકમ ઉપાડી શકાશે પણ મિનિમમ બેલેન્સનો નિયમ ખાસ જાણી લેજો!
