રક્ષાબંધને વાયદા બજારમાં તેજી, ચાંદીમાં એકઝાટકે ₹4,299નો ઉછાળો, સોનું પણ મોંઘું થયું
Summarized by AI; it may make mistakes. Check important info
Summarized by AI; it may make mistakes. Check important info
Gold and Silver MCX Price Updates : વૈશ્વિક બજારની અસરો વચ્ચે કિંમતી ધાતુઓના ભાવમાં ફરી એકવાર મોટી હલચલ જોવા મળી રહી છે. એમસીએક્સ (MCX) વાયદા બજારમાં આજે સોના અને ચાંદી બંનેમાં રિકવરી સાથે ઉછાળો નોંધાયો છે. સોનાના ભાવમાં આશરે ₹500 નો વધારો જોવા મળ્યો છે, જ્યારે ચાંદીમાં તેના દિવસના નીચલા સ્તરથી ₹4,299 સુધીનો જોરદાર ઉછાળો જોવા મળ્યો છે.
ચાંદીના ભાવની સ્થિતિ
ચાંદીનો અગાઉનો બંધ ભાવ (Prev. Close) ₹2,40,651.00 હતો. આજે તે ₹2,40,191.00 ના ભાવે ઓપન થઈ હતી. દિવસ દરમિયાન ચાંદીમાં ₹2,39,049.00 નો લો રિકોર્ડ થયા બાદ તીવ્ર સુધારા સાથે તે ₹2,44,950.00 ની હાઈ સપાટીએ પહોંચી હતી. આમ, ચાંદીએ નીચલી સપાટીથી ₹4,299 નો મોટો ઉછાળો દર્શાવ્યો છે.
સોનાના ભાવની સ્થિતિ
સોનાનો અગાઉનો બંધ ભાવ (Prev. Close) ₹1,58,996.00 હતો. સોનું આજે ₹1,58,569.00 ના ભાવે ખુલીને દિવસ દરમિયાન ₹1,57,842.00 ના નીચલા સ્તરે ગયું હતું. ત્યારબાદ તેમાં સુધારો જોવા મળ્યો હતો અને તે ₹1,59,741.00 ની હાઈ સપાટી સુધી પહોંચ્યું હતું, જે અગાઉના બંધ ભાવથી આશરે ₹500 સુધીનો વધારો દર્શાવે છે.
કિંમતોમાં વધઘટ પાછળના મુખ્ય કારણો
બજારના નિષ્ણાતોના જણાવ્યા અનુસાર, સોના-ચાંદીના ભાવમાં સતત આવી રહેલી અસ્થિરતા પાછળ વૈશ્વિક અનિશ્ચિતતાઓ મુખ્ય કારણ છે. આ ઉપરાંત, આંતરરાષ્ટ્રીય બજારમાં યુએસ ડૉલરની કિંમતોમાં મજબૂતાઈ અને બોન્ડ યીલ્ડ વધવાના કારણે કિંમતી ધાતુઓના ભાવમાં આ પ્રકારે સતત વધઘટની સ્થિતિ સર્જાઈ રહી છે.
