મોંઘવારીમાં રાહત: કોમર્શિયલ ગેસ સિલિન્ડરના ભાવમાં ઘટાડો

LPG Price Cut: આજથી દેશમાં એલપીજી સિલિન્ડરના ભાવમાં ફેરફાર લાગુ થયો છે. તેલ કંપનીઓએ માત્ર 19 કિલોગ્રામવાળા કોમર્શિયલ સિલિન્ડરના ભાવમાં ઘટાડો કર્યો છે. ગેસ સિલિન્ડરના ભાવમાં ₹5નો ઘટાડો થયો છે, જે 1 નવેમ્બર, 2025 એટલે કે આજથી અમલમાં છે. 

ઇન્ડિયન ઓઇલ કોર્પોરેશન લિ. (IOCL) અનુસાર, દિલ્હીમાં 19 કિલોગ્રામવાળા કોમર્શિયલ એલપીજી સિલિન્ડરની સુધારેલી કિંમત ₹1590.50 થઈ ગઈ છે, જે અગાઉ ₹1595.50 હતી. જોકે, 14.2 કિલોગ્રામવાળા રસોઈ ગેસ સિલિન્ડરની કિંમત પર કોઈ અસર થઈ નથી.

તમારા શહેરમાં કેટલો ભાવ?

આ પહેલા કોમર્શિયલ એલપીજી સિલિન્ડરની કિંમતમાં છેલ્લો બદલાવ ઓક્ટોબરમાં થયો હતો. ઓક્ટોબરમાં 19 કિલોગ્રામવાળા સિલિન્ડરની કિંમતમાં ₹15નો વધારો કરવામાં આવ્યો હતો. જોકે, હવે ₹5 ઓછા કરવામાં આવ્યા છે. આ ઘટાડા પછી 1 નવેમ્બરથી કોમર્શિયલ LPGની નવી કિંમત આ મુજબ હશે:

LPG સિલિન્ડરની કિંમતમાં છેલ્લીવાર 8 એપ્રિલ બદલાવ કરવામાં હતો

14.2 કિલોના LPG સિલિન્ડરની કિંમતમાં છેલ્લીવાર 8 એપ્રિલ, 2025ના રોજ બદલાવ થયો હતો અને ત્યારથી લઈને અત્યાર સુધી તેમાં કોઈ પરિવર્તન કરવામાં આવ્યું નથી. ફક્ત કોમર્શિયલ ગેસના ભાવમાં જ બદલાવ થયો છે.

આ પણ વાંચો: ગુજરાતી મૂળના CEOએ 50 કરોડ ડૉલરનું કૌભાંડ આચર્યું ? બ્લેકરૉકની કંપનીમાં ગોટાળો કર્યાનો આક્ષેપ

હવાઈ ફ્યુલ (ATF)ના ભાવમાં પણ ફેરફાર

LPG સિલિન્ડરની સાથે જ એટીએફ (ATF - Aviation Turbine Fuel)ના ભાવમાં પણ બદલાવ થયો છે. IOCLની વેબસાઇટ મુજબ, ડોમેસ્ટિક રન (ઘરેલુ ઉડાન) માટે દિલ્હીમાં હવાઈ ફ્યુલનો ભાવ ₹94,543.02 પ્રતિ કિલોલીટર છે. એ જ રીતે, ઇન્ટરનેશનલ રન (આંતરરાષ્ટ્રીય ઉડાન) માટે દિલ્હીમાં હવાઈ ફ્યુલનો ભાવ $817.01 પ્રતિ કિલોલીટર છે.