વાયદા બજારમાં તેજીનો વરતારો! સોનાએ 152000 ની સપાટી કૂદાવી, ચાંદી 235000 ની નજીક

Gold and Silver Price News : ભારતીય બુલિયન માર્કેટ અને MCX (મલ્ટી કોમોડિટી એક્સચેન્જ) પર આજે સોના અને ચાંદીના ભાવમાં નોંધપાત્ર ઉછાળો જોવા મળી રહ્યો છે. વાયદા બજારમાં ખરીદીના જોરદાર ટેકાને કારણે સોનાના ભાવ 152000 ની સપાટી ક્રોસ કરી ચૂક્યા છે, જ્યારે ચાંદી પણ મજબૂત તેજી સાથે 235000 ની સપાટી તરફ ઝડપથી આગળ વધી રહી છે. માર્કેટ ઓપન થતાની સાથે જ બંને કિંમતી ધાતુઓમાં મોટી તેજી જોવા મળી છે.

ચાંદીમાં મોટો ઉછાળો

MCX પર ચાંદીના ભાવની વાત કરીએ તો, ચાંદીનો પાછલો બંધ ભાવ (Prev. Close) ₹231466.00 હતો. આજની ટ્રેડિંગ સેશનમાં ચાંદી ₹231799.00 ના ભાવે ઓપન થઈ હતી. કારોબાર દરમિયાન ચાંદીમાં ₹2719 સુધીનો જંગી ઉછાળો નોંધાયો છે, જેના કારણે ભાવ ₹234185.00 ની દિવસની ઉચ્ચતમ સપાટી (High) સુધી પહોંચી ગયા હતા.

સોનાની કિંમતો પણ વધી

બીજી તરફ, સોનાના વાયદા બજારમાં પણ તેજીનો માહોલ જળવાઈ રહ્યો છે. સોનાનો અગાઉનો બંધ ભાવ ₹151820.00 હતો, જ્યારે આજે સોનું ₹151793.00 ની સપાટી પર ઓપન થયું હતું. ઓપનિંગ બાદ ખરીદદારોની આક્રમક લેવાલીના કારણે સોનું ₹479 વધીને ₹152299.00 ની ઓલ-ટાઇમ હાઈ સપાટી ક્રોસ કરી ગયું હતું. કિંમતી ધાતુઓમાં સતત વધી રહેલી આ તેજીને કારણે રોકાણકારોમાં ભારે ઉત્સાહ જોવા મળી રહ્યો છે.