પાલિતાણાના વડીયા-માનવડને જોડતો કોઝવે વરસાદમાં ધોવાતા ભારે મુશ્કેલી

તાકીદે રોડ રિપેરીંગ કરવા લોકમાંગ

સમગ્ર રસ્તા પર મસમોટા ખાડા પડી જવાથી ૧૦ ગામના લોકોને હાલાકીનો સામનો કરવો પડે છે

પાલિતાણા - પાલિતાણાના વડીયાથી માનવડ તરફ જતા ચેકડેમની નીચે આવેલ કોઝવે વરસાદી પાણીથી ધોવાઇ જતા જર્જરીત હાલતમાં હોવાથી લોકોને ખુબ જ મુશ્કેલી પડી રહી છે.

વડીયાથી મોર્ડન સ્કૂલ અને ગારિયાધાર રોડને જોડતો માનવડવાળા રોડ હાલ વરસાદી પાણીથી ધોવાઇ ઠેર-ઠેર મોટા મોટા ખાડા પડી ગયેલ છે. આ રોડ ઉપરથી સતત નાના-મોટા વાહનો અને રાહદારીઓની અવર જવર રહે છે જેમાં વડીયા પીથલપુર, બાદલગઢ, વાળુકડ, જમણવાવ, રતનપર, રાજસ્થળી તેમજ માનવડ, રાણપરડા, ચોડા વિગેરે ગામના લોકો આ રસ્તા ઉપર અવર જવર કરે છે તેમજ માનવડ ખાતે આવેલ મોર્ડન સ્કૂલના વિદ્યાર્થીઓ પણ મોટાભાગે આજ રસ્તેથી પસાર થાય છે ત્યારે ત્વરીત આ રોડ રિપેરીંગ થાય તેવી લોકમાંગ ઉઠવા પામી છે.