ગઢડાના દેરાળા ગામે મકાનમાંથી વિદેશી દારૃના ૧૮૫ ચપટાં મળ્યાં

રૃમમાં દારૃનો જથ્થો વેચાણ અર્થે છૂપાવ્યાની બાતમીના આધારે પોલીસની રેઈડ

પોલીસ પહોંચે તે પૂર્વે મકાનમાલિક બુટલેગર નાસી છૂટયો

ગઢડા -  ગઢડા તાલુકાના દેરાળા ગામે પોલીસે એક રહેણાંક મકાનમાં છાપો મારી વિલાયતી દારૃનો જથ્થો કબજે કર્યો હતો.

દેરાળા ગામે રહેતો રવુ નનકુભાઈ બોરીચા નામના શખ્સે તેના મકાનના રૃમમાં વિદેશી દારૃનો જથ્થો વેચાણ અર્થે છૂપાવ્યો હોવાની બાતમીના આધારે ગઢડા પોલીસે રેઈડ કરી તલાશી લેતા બે કાપડના થેલામાં રાખેલા અંગ્રેજી દારૃના ૧૮૫ ચપટાં મળી આવ્યા હતા. જે દારૃનો જથ્થો કબજે કરી પોલીસ પહોંચે તે પૂર્વે નાસી છૂટેલા મકાનમાલિક બુટલેગર સામે પ્રોહિ. એક્ટની જુદી-જુદી કલમ હેઠળ ગુનો દાખલ કર્યો હતો.