વડોદરા પાસે ઉમેટા બ્રિજ પરથી નદીમાં કૂદી પડવાના બે બનાવઃફાયર બ્રિગેડની મદદ લીધી

વડોદરાના ઉમેટા બ્રિજ પરથી નદીમાં કૂદી પડવાના બે બનાવ ચર્ચામાં રહ્યા છે.જો કે બંને બનાવમાં એક પણ વ્યક્તિ હાથ લાગી નથી.
આજે બપોરના સમયે એક રિક્ષાચાલક રિક્ષા મૂકી અને ચંપલ કાઢીને બ્રિજ પરથી નીચે કૂદી પડયો હોવાનો મેસેજ મળતાં વાસણા ફાયર સ્ટેશનના ઓફિસર સુરેશ વાઘેલા ટીમ સાથે દોડી ગયા હતા.
ફાયર બ્રિગેડની ટીમે બોટ લઇ નદીમાં ત્રણ કલાક સુધી શોધખોળ કરી હતી.પરંતુ કોઇ પત્તો લાગ્યો નહતો.પોલીસ પણ આવી ગઇ હતી અન તપાસ શરૃ કરી હતી.રિક્ષા ચાલક ગોત્રી તરફનો હોવાની વિગતો ફાયર બ્રિગેડને જાણવા મળી હતી.
રાત્રિના સમયે એક બાઇક ચાલક કૂદી પડયો હોવાના બનાવને પગલે બ્રિજ પર ફરી કેટલાક લોકો ભેગા થયા હોવાનો વીડિયો વાયરલ થયો હતો,જેમાં પોલીસ પણ નજરે પડતી હતી.જો કે ફાયર બ્રિગેડને આવો કોઇ કોલ મળ્યો નથી.