તરસાલીમાં યુવકની હત્યા કરનાર બે આરોપીને રિમાન્ડ

તરસાલી રિંગરોડ પર બે દિવસ પહેલા યુવક પર ચાકૂના ઘા ઝીંકી હત્યા કરવાના ગુનામાં પકડાયેલા બે આરોપીઓને પોલીસે કોર્ટમાં રજૂ કરી ત્રણ દિવસના રિમાન્ડ મેળવ્યા છે.
બે દિવસ પહેલા તરસાલી સોમા તળાવ રોડ પર મેહુલ ભરતસિંહ દરબારની ચાકૂના ઘા ઝીંકી હત્યા કરવામાં આવી હતી. આ ગુનામાં મકરપુરા પી.આઇ.એ.એમ.ગોહિલે બે આરોપી માનવ ઉર્ફે કાંચો વીરબહાદુર ગોરખા, ઉં.વ.૨૩ (રહે. નવીનગરી, કલ્યાણનગર, કારેલીબાગ) તથા પદમ ઉર્ફે ડાન્સર ગોપાલભાઇ સોની, ઉં.વ.૩૧ (રહે. અમરશ્રદ્ધા સોસાયટીની પાછળ આવેલા વુડાના મકાનમાં) ની ધરપકડ કરી હતી. બંને આરોપીઓેને કોર્ટ સમક્ષ રજૂ કરી પોલીસે રિમાન્ડ માગતા જણાવ્યું હતું કે, અન્ય આરોપીઓને પકડવાના બાકી છે. હત્યામંા વપરાયેલુ હથિયાર અને વાહન કબજે કરવાના બાકી છે. અન્ય કોઇ આરોપીની સંડોવણી છે કે કેમ, તેની તપાસ કરવાની બાકી છે. આરોપી પદમ સામે અગાઉ મારામારી, દારૃ અને જાહેરનામા ભંગના ગુનાઓ દાખલ થયા છે.