નવરાત્રિ પહેલાં જ ટ્રાફિક વ્યવસ્થા ખોરવાઇઃડભોઇરોડ પર ત્રણ કિમીનો જામ

શહેરમાં નવરાત્રિ પહેલાં જ કેટલાક વિસ્તારોમાં ટ્રાફિક જામના દ્શ્યો જોવા મળ્યા હતા.વિશેષ કરીને સાંજના સમયે ચાર દરવાજા અને તેની આસપાસના ફતેપુરા, ભૂતડીઝાંપા,સલાટવાડા,ચોખંડી જેવા સ્થળોએ વાહનોની લાંબી કતારો જામતાં પોલીસ એક્શનમાં આવી હતી.

આવતીકાલથી ગરબા શરૃ થનાર છે ત્યારે ગરબા ગ્રાઉન્ડની આસપાસ આડેધડ પાર્કિંગને કારણે ટ્રાફિક વ્યવસ્થા ખોરવાય નહિ તે માટે તકેદારી રાખવી જરૃરી હોવાથી પોલીસે ગરબા આયોજકો પાસે પણ સહકાર માગ્યો છે.આવી જ રીતે મોડી સાંજે ડભોઇરોડ પર કપૂરાઇ ચોકડી તેમજ વાઘોડિયા ચોકડી વિસ્તારમાં ત્રણ કિમી સુધી ટ્રાફિક જામ થતાં અનેક લોકો એક કલાક સુધી ફસાયા હતા.