અમદાવાદ નણંદના ઘરે ગયેલી મહિલાના ઘરમાં ચોરી

અમદાવાદ રહેતા નણંદના ઘરે ગયેલી મહિલાના ઘરને નિશાન બનાવી ચોર ટોળકી ૧.૯૮ લાખની મતા ચોરી ગઇ હતી. જે અંગે બાપોદ પોલીસે કાર્યવાહી હાથ ધરી છે.
આજવારોડ ચામુંડાનગરમાં રહેતા ૭૫ વર્ષના લલીતાબેન દેવજીભાઇ પરમાર ગત ૨૬ મી તારીખે બપોરે ૧૨ વાગ્યે ઘરના દરવાજાને લોક મારી અમદાવાદ વટવા ખાતે નણંદના ઘરે ગયા હતા અને બે દિવસ ત્યાં જ રોકાયા હતા. તે દરમિયાન ચોર ટોળકીએ તેમના ઘરને નિશાન બનાવી લોખંડની જાળીને મારેલું તાળું તોડીને ચોરી કરી હતી.જેની જાણ થતા તેઓ ઘરે પરત આવ્યા હતા.ચોર ટોળકી ઘરમાંથી સોનાના ૬૫ ગ્રામ વજનના દાગીના, ચાંદીના દાગીના તમજ રોકડા ૫૦ હજાર ચોરી ગઇ હતી.