Baroda

વડોદરાના પાંચ મિત્રોની કાર પલટી જતા એકનું મોત

By GS Team
20 Oct 20261 min read
TukuTouch Logo
વડોદરાથી ભરૂચ જમવા જતા 5 મિત્રોને અકસ્માત નડ્યો હતો. મુંબઈ-દિલ્હી એક્સપ્રેસ હાઈવે પર કારેલા ગામ નજીક કાર રેલિંગ સાથે અથડાઈને પલટી ખાઈ ગઈ હતી. આ અકસ્માતમાં અહમદ ચોક્સી નામના યુવકનું કરૂણ મૃત્યુ થયું હતું. અન્ય 4 મિત્રોને ઈજા થતાં ભરૂચની હોસ્પિટલમાં દાખલ કરાયા હતા. ભરૂચ પોલીસે ગુનો નોંધી વધુ તપાસ હાથ ધરી છે.

Summarized by AI; it may make mistakes. Check important info

વડોદરાના પાંચ મિત્રોની કાર પલટી જતા એકનું મોત

વડોદરાથી ભરૃચ હોટલમાં જમવા જતા મિત્રોની કારને અકસ્મતા નડતા પાંચ પૈકી એક મિત્રનું મોત થયું છે. ભરૃચ પોલીસે આ અંગે ગુનો દાખલ કરી કાયદેસરની કાર્યવાહી હાથ ધરી છે.
માંડવી રાજપુરાની પોળમાં રહેતો અહમદ ઇમરાનભાઇ ચોક્સી તેના મિત્રો સહાન મુજમ્મીલ શેખ (રહે. ફિરદોશ એપાર્ટમેન્ટ, માંડવી) , રૈયાન અબ્દુલ સમીન મનસુરી (રહે.ખત્રી પોળ, વાડી),અનસ અકબરહુસેન શેખ (રહે. જમનાબાઇ હોસ્પિટલની સામે, માંડવી) તથા અહેમદ સફી અબાઉમર જીવાણી (રહે. દારે ઇબ્રાહીમ કોમ્પલેક્સ, ભેંસવાડા, માંડવી) ગઇકાલે રાત્રે કાર લઇને ભરૃચ હોટલમાં જમવા માટે જઇ રહ્યા હતા. અહમદ કાર ડ્રાઇવ કરતો હતો. સાંજ ે છ વાગ્યે મુંબઇ દિલ્હી એક્સપ્રેસ હાઇવે પર કારેલા ગામ નજીક રોડનું કામ ચાલતું હોઇ સેફ્ટી કોન મૂક્યા હતા. અહમદની નજર ઓચિંતા તેના પર પડતા તેણે સેફ્ટી કોનને બચાવવા જતા કાર રેલિંગ પર અથડાઇ હતી. ત્યારબાદ કાર પલટી ખાઇ જતા લોકો ભેગા થઇ ગયા હતા. અમને પાંચેયને સારવાર માટે ભરૃચ હોસ્પિટલમાં લઇ ગયા હતા. પરંતુ, અહમદનો જીવ બચી શક્યો નહતો. અહમદ પરિવારનો એક નો એક પુત્ર હતો.