યુવતીને બ્લેકમેલ કરી દાગીના પડાવી લેનાર રિમાન્ડ પર

શરીર સંબંધનો વીડિયો ઉતારી યુવતી સાથે ફરીથી બળજબરી કરનાર આરોપીએ ૨૦ તોલા દાગીના પડાવી લીધા હતા. ગોત્રી પોલીસે આરોપીને કોર્ટમાં રજૂ કરી વધુ એક દિવસનો રિમાન્ડ મેળવ્યો છે.
મળતી માહિતી મુજબ, મૂળ રાજસ્થાનનો અને હાલમાં ગોત્રી ગોકુળનગરમાં રહેતો ૨૩ વર્ષનો વાસુદેવ જશારામ સુથાર ત્રણ વર્ષ અગાઉ એમ.એસ.યુ.માં અભ્યાસ કરતો હતો. કોેલેજમાં જ અભ્યાસ કરતી મૂળ રાજસ્થાનની યુવતી સાથે તેેણે મિત્રતા કેળવી શરીર સંબંધ બાંધી વીડિયો ઉતારી લીધો હતો. તેના આધારે આરોપીએ યુવતી સાથે ફરીથી બે વખત બળજબરી કરી હતી. તેમજ ૨૦ તોલા દાગીના પડાવી લીધા હતા. આજે તેના રિમાન્ડ પૂરા થતા પોલીસે તેને ફરીથી કોર્ટમાં રજૂ કરી વધુ એક દિવસનો રિમાન્ડ મેળવ્યો છે.