મુંબઈ દિલ્હી એક્સપ્રેસ હાઈવે પર દારૂની હેરાફેરી: એકની ધરપકડ

Vadodara: મુંબઈ-દિલ્હી એક્સપ્રેસ હાઈવે પર મહારાષ્ટ્ર પાર્સિંગની એક આઈસર ટ્રકમાં વિદેશી દારૂ ભરીને લઈ જવાતો હોવાની બાતમી તાલુકા પોલીસને મળી હતી. જેના આધારે પોલીસે ગોકળપુરા ગામની સીમ પાસે વોચ ગોઠવી ટ્રકને અટકાવી તપાસ હાથ ધરી હતી. તપાસ દરમિયાન ટ્રકમાંથી વિદેશી દારૂની પેટી નંગ 344 મળી આવી હતી, જેમાં કુલ 5486 જેટલી નાની-મોટી બોટલો હતી.

પોલીસે દારૂ ઉપરાંત આઈસર ટ્રક, મોબાઈલ ફોન તથા પ્લાસ્ટિકના કેરેટ સહિત કુલ રૂ.30.48 લાખનો મુદ્દામાલ કબજે કર્યો હતો. પોલીસે વલસાડ જિલ્લાના રહેવાસી યુસુફ શેખને ઝડપી પાડી કાયદેસરની કાર્યવાહી હાથ ધરી છે. દારૂનો જથ્થો મંગાવનાર સહિત અન્ય આરોપીઓની શોધખોળ શરૂ કરવામાં આવી છે.