વડોદરાથી ખેલ મહાકુંભનો રાજ્યવ્યાપી પ્રારંભ થયો

અત્રેના સમા સ્પોર્ટ્સ કોમ્પ્લેક્સ ખાતેથી મુખ્યમંત્રીએ ખેલ મહાકુંભ-૨૦૨૬નો રાજ્યવ્યાપી પ્રારંભ કરાવ્યો છે.

ખેલ મહાકુંભ-૨૦૨૫માં શ્રેષ્ઠ શાળાઓની શ્રેણીમાં નડિયાદની નોલેજ હાઈસ્કૂલ પ્રથમ ક્રમે, વડોદરાની ઊર્મિ સ્કૂલ દ્વિતીય ક્રમે અને દાહોદના દેવગઢબારિયાની એસ.આર. હાઈસ્કૂલને તૃતીય ક્રમ બદલ પુરસ્કાર એનાયત કરાયા છે. શ્રેષ્ઠ જિલ્લાઓની શ્રેણીમાં મહેસાણા ઓવરઓલ સ્ટેટ ચેમ્પિયન, ખેડા સ્ટેટ રનર્સઅપ અને અમદાવાદ સેકન્ડ રનર્સઅપ બન્યા છે, જ્યારે શ્રેષ્ઠ મ્યુનિ. કોર્પોરેશનની શ્રેણીમાં સુરત ઓવરઓલ સ્ટેટ ચેમ્પિયન, અમદાવાદ રનર્સઅપ  અને વડોદરા સેકન્ડ રનર્સઅપના સ્થાને રહ્યું છે.

મુખ્યમંત્રીએ કહ્યું કે પ્રથમ ખેલ મહાકુંભમાં ૧૬.૫ લાખ ખેલાડીઓએ ભાગ લીધો હતો, જ્યારે આ વર્ષે ૭૬ લાખથી વધુ ખેલાડીઓની ભાગીદારીની આશા છે. નાયબ મુખ્યમંત્રીએ યુવાનોને મોબાઇલ અને અન્ય ડિજિટલ માધ્યમોમાંથી સમય કાઢીને રમતના મેદાન તરફ વળવા અપીલ કરી છે.