દિવાળીના તહેવારોમાં ફટાકડાને કારણે આગના અડધો ડઝન બનાવ

દિવાળીના તહેવારો દરમિયાન આગ લાગવાના બનાવો સતત બનતા હોય છે ત્યારે સાવચેતી રાખવી ખૂબ જરૃરી છે.છેલ્લા ચોવીસ કલાકમાં જુદીજુદી જગ્યાએ ઝાડીઓમાં આગ લાગવાના અડધો ડઝન બનાવ બનતાં ફાયર બ્રિગેડની મદદ લેવામાં આવી હતી.
દિવાળીમાં ધૂમ દારૃખાનું ફૂટતું હોવાથી આગ લાગવાના બનાવોમાં વધારો થતો હોય છે.આજે બપોરે નવલખી કમ્પાઉન્ડમાં ઝાડીઓમાં આગ લાગતાં ચારેબાજુ ધુમાડા છવાયા હતા.આવી જ રીતે સનફાર્મા રોડ પર એક ખેતરમાં આગ લાગી હતી.
જ્યારે,બગીખાના પાસે કચરાના ઢગલામાં તેમજ મકરપુરા રેલવે લાઇન પાસે પણ કચરાના ઢગલામાં આગ લાગવાના બનાવ બન્યા હતા.ભાયલી રોડ પર અક્ષર પેરેડાઇઝ પાસે અને સમા-સાવલી રોડ પર પણ આવી જ રીતે આગ લાગવાના બનાવો બનતાં ફાયર બ્રિગેડના જવાનોને દોડધામ કરવી પડી હતી.