વડોદરા પાસેના કામરોલ ગામે મકાનમાં આગ,ગ્રામજનોએ આગ કાબૂમાં લીધી

વડોદરા પાસેના કામરોલ ગામે આજે એક મકાનમાં આગ લાગતાં વડોદરા ફાયર બ્રિગેડની મદદ લેવામાં આવી હતી.
વડોદરા-જરોદ રોડ પરના કામરોલ ગામે ગણપતભાઇ સોમાભાઇ વસાવાના મકાનમાં આગ લાગતાં અફરાતફરી સર્જાઇ હતી. બનાવની જાણ ફાયર બ્રિગેડને કરાતાં ટીમ પહોંચી હતી.
જો કે ફાયર બ્રિગેડ પહોંચી ત્યારે ગ્રામજનોએ આગ કાબૂમાં લઇ લીધી હતી.આગ લાગવાનું કારણ શોર્ટસર્કિટ હોવાનું મનાય છે.આગને કારણે ઘરવખરીને નુકસાન થયું હતું.