પિતાએ મોબાઇલ લઇ લેતા પુત્રીનો આપઘાત

શહેરના પૂર્વ વિસ્તારમાં રહેતી ૧૭ વર્ષની કિશોરી પાસેથી પિતાએ મોબાઇલ લઇ લેતા આવેશમાં આવીને તેણે ત્રીજા માળેથી નીચે પડતું મૂકીને આપઘાત કરી લીધો હતો.
પોલીસ સૂત્રો દ્વારા મળતી માહિતી મુજબ, પૂર્વ વિસ્તારમાં રહેતી ૧૭ વર્ષની કિશોરી ધો.૧૨ માં અભ્યાસ કરે છે. પ્રેમી યુવક સાથેની તેની વાતચીત તેના પરિવારના ધ્યાને આવી હતી.જેથી,પિતાએ તેનો મોબાઇલ ફોન લઇ લીધો હતો. મોબાઇલ ફોન પરત માગવા છતાં પિતાએ મોબાઇલ ફોન નહીં આપતા પુત્રીએ ત્રીજા માળેથી નીચે કૂદીને જીવન ટૂંકાવી દીધું હતું. જે અંગે પાણીગેટ પોલીસે કાયદેસરની કાર્યવાહી હાથ ધરી છે.