વડોદરાના જેતલપુર રોડ ઉપર કારમાં આગ લાગતા અફરાતફરી

Vadodara: વડોદરામાં વાહનોમાં આગ લાગવાના અવારનવાર બનાવો બનતા હોય છે ત્યારે આજે સવારે કારમાં આગ લાગવાનો વધુ એક બનાવ બનતા અફરાતફરી સર્જાઇ હતી.

જેતલપુર રોડ ઉપર કિડની હોસ્પિટલ પાસે આજે સવારે એક કારમાં બોનેટના ભાગે ધુમાડા નીકળતા લોકો ભેગા થઈ ગયા હતા અને પાણીનો મારો ચલાવ્યો હતો. પરંતુ આગ વધુ પ્રસરી હતી.

બનાવની જાણ ફાયર બ્રિગેડને કરવામાં આવતા વડીવાડી ફાયર ની ટીમ મદદ માટે આવી હતી. જોકે ત્યાર પહેલા મોટા ભાગની આગ કાબુમાં આવી ગઈ હતી અને કારની પાછળનો ભાગ બચી ગયો હતો. સારા નસીબે બનાવ બન્યો ત્યારે કારમાં કોઈ હાજર નહીં હોવાથી કોઈ જાનહાની થઈ ન હતી.