માંજલપુરમાં લારી ચલાવતા ફેરિયાએ પ્રૌઢ પર જીવલેણ હુમલો કર્યો

Vadodara Crime : વડોદરાના માંજલપુરમાં શાકભાજીની ફેરી કરતા શખ્સને લારી જોઇને ચલાવવાનું કહેનાર પ્રૌઢ પર લાકડાથી હુમલો કરતા ગંભીર ઇજા થઇ હતી.
માંજલપુર ભવાનીનગરમાં રહેતા રવિન્દ્રભાઇ હરિભાઇ ગાડે પોરની એક કંપનીમાં નોકરી કરે છે. માંજલપુર પોલીસ સ્ટેશનમાં તેમણે ફરિયાદ નોંધાવી જણાવ્યું છે કે, ગત 23 મી તારીખે સવારે હું માંજલપુર અલવાનાકા વિસ્તારમાં શાકભાજી ખરીદવા ગયો હતો. ત્યાંથી ઘરે પરત આવતો હતો. તે દરમિયાન સાડા અગિયાર વાગ્યે રોડ પર સામેથી આવતા એક લારી ચાલક પ્રેમદાસ રૂપલાલ ગૌતમ (રહે. ભૈરવનગર, માંજલપુર, મૂળ રહે. યુ.પી.) ની લારીનું એક વ્હીલ મારા પગ પર ચઢી જતા મેં તેને લારી સંભાળીને ચલાવવાનું કહ્યું હતું. તે મનેગાળો બોલાવ લાગ્યો હતો. હું તેને સમજાવવા જતા તેણે આવેશમાં આવી જાનથી મારી નાખવાના ઇરાદે લાકડાના પાટિયા વડે માથામાં ત્રણથી ચાર ફટકા મારી દીધા હતા. મને ગંભીર ઇજા થતા મારો દીકરો મને સારવાર માટે હોસ્પિટલમાં લઇ ગયો હતો.