મોર્નિંગ પર નીકળેલા સિનિયર સિટીઝનના ગળામાંથી સોનાની ચેનની ચીલ ઝડપ

Vadodara Chain Snatching : વડોદરાના આજવા રોડ પર આવેલી ભાગ્ય લક્ષ્મી ટાઉનશીપમાં રહેતા અને નિવૃત્ત જીવન ગુજારતા 61 વર્ષના પ્રેમચંદ હરીશંકર યાદવ રોજ સવારે તેમના ઘરેથી કામલાનગર તળાવ ખાતે ચાલવા માટે જાય છે. 30 જુલાઈએ સવારે 6:30 વાગે તેઓ રાબેતા મુજબ મોર્નિંગ વોક માટે ગયા હતા. તે દરમિયાન બે અજાણ્યા ગઠીયાઓ ટુ વ્હીલર લઈને આવ્યા હતા અને તેમનાથી થોડી દુર ઊભી રાખી હતી. ટુ વ્હીલરની પાછળ બેઠેલો આરોપી પ્રેમચંદભાઈની પાછળ પાછળ ચાલવા લાગ્યો હતો. અચાનક તેણે પ્રેમચંદ ભાઈના ગળામાંથી સોનાની ચેન ઝૂંટવી લીધી હતી અને ટુ-વ્હીલર પર બેસીને દત્તનગર તરફ ભાગી ગયો હતો. ટુ વ્હીલર પર આવેલા આરોપીઓએ સફેદ શર્ટ અને પેન્ટ પહેર્યા હતા.