પિતૃ પક્ષ શરૂ થતાં પહેલાં ઘરમાંથી બહાર ફેંકો આ 4 વસ્તુઓ: નહીં તો અટકી જશે આર્થિક પ્રગતિ, આવશે ગરીબી!

Pitru Paksha 2026 : હિન્દુ ધર્મમાં પિતૃ પક્ષના 16 દિવસના પવિત્ર સમયગાળાનું વિશેષ મહત્વ રહેલું છે. આ સંપૂર્ણ સમયગાળો પૂર્વજો અને પિતૃઓને સમર્પિત માનવામાં આવે છે. વૈદિક પંચાંગ અનુસાર આ વર્ષે પિતૃ પક્ષની શરૂઆત 26 સપ્ટેમ્બરથી થઈ રહી છે. આ દિવસો દરમિયાન શ્રાદ્ધ, તર્પણ અને પિંડદાન કરવામાં આવે છે. માન્યતા મુજબ આ વિધિ કરવાથી પિતૃઓ પ્રસન્ન થાય છે, ઘરમાં સુખ-સમૃદ્ધિ વધે છે અને પિતૃદોષમાંથી મુક્તિ મળે છે. વાસ્તુશાસ્ત્ર મુજબ પિતૃઓની કૃપા મેળવવા અને ઘરમાં સકારાત્મક ઊર્જા જાળવી રાખવા માટે પિતૃ પક્ષ શરૂ થતાં પહેલાં જ કેટલીક અશુભ વસ્તુઓને ઘરમાંથી દૂર કરી દેવી જોઈએ, નહીં તો પરિવારના સભ્યો પર નકારાત્મક અસર પડે છે.

1… ખંડિત મૂર્તિઓ પવિત્ર નદીમાં પધરાવી દો

વાસ્તુશાસ્ત્ર અનુસાર ઘરના મંદિરમાં તૂટેલી કે ખંડિત મૂર્તિઓ રાખવી બિલકુલ શુભ ગણાતી નથી. ઘરમાં ખંડિત મૂર્તિઓ રાખવાથી નકારાત્મક ઊર્જામાં વધારો થાય છે અને કરવામાં આવતી પૂજા-અર્ચનાનું પૂર્ણ ફળ મળતું નથી. તેથી પિતૃ પક્ષ શરૂ થાય તે પહેલાં આવી મૂર્તિઓને કોઈ પવિત્ર નદીમાં વિસર્જિત કરી દેવી જોઈએ અથવા પીપળાના ઝાડ પાસે મૂકી દેવી જોઈએ અને મંદિરમાં નવી મૂર્તિ સ્થાપિત કરવી જોઈએ.

2… બંધ કે ખરાબ ઘડિયાળ ઘરની પ્રગતિ અટકાવે છે

ઘરની દીવાલ પર લટકતી બંધ અથવા બગડેલી ઘડિયાળ દુર્ભાગ્ય અને પ્રગતિ અટકી જવાનું પ્રતીક ગણાય છે. વાસ્તુ નિયમો મુજબ ઘરમાં બંધ ઘડિયાળ રાખવાથી જીવનની ગતિ ધીમી પડી જાય છે, જેનાથી વેપાર, નોકરી અને આર્થિક ઉન્નતિમાં સતત અડચણો આવે છે. જો ઘરમાં બંધ ઘડિયાળ પડી હોય, તો તેને પિતૃ પક્ષ પહેલાં કાં તો સમારકામ કરાવીને ચાલુ કરી દેવી જોઈએ અથવા ઘરમાંથી બહાર કાઢી નાખવી જોઈએ.

3… તૂટેલા કે તિરાડવાળા વાસણો લાવે છે દરિદ્રતા

રસોડામાં કે ઘરમાં કોઈ પણ જગ્યાએ તૂટેલા, ચીરા પડેલા વાસણો રાખવા અત્યંત અશુભ માનવામાં આવે છે. વાસ્તુશાસ્ત્ર અનુસાર આવા ખરાબ વાસણોનો ઉપયોગ કરવાથી કે ઘરમાં સંગ્રહ કરવાથી દરિદ્રતા અને આર્થિક તંગી આવે છે. આવા વાસણોને તરત જ ઘરમાંથી હટાવી દેવા હિતાવહ છે.

4… ફાટેલા અને જૂના જૂતા-ચપ્પલ વધારે છે સંઘર્ષ

ઘરમાં ફાટેલા કે ઉપયોગ વગરના જૂના જૂતા-ચંપલ જમા રાખવાથી શનિદેવનો અશુભ પ્રભાવ વધે છે તેવી ધાર્મિક માન્યતા છે. આ પ્રકારની નકામી વસ્તુઓ ઘરમાં રાખવાથી પરિવારના સભ્યોને જીવનમાં સતત સંઘર્ષ અને મુશ્કેલીઓનો સામનો કરવો પડે છે, તેથી પિતૃ પક્ષના પવિત્ર દિવસો શરૂ થાય તે પહેલાં જ તેમને ઘરની બહાર કરી દેવા જોઈએ.