Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ચાઈલ્ડકેર- મૌલિક બક્ષી

બાળકને એન્ટીબાયોટીક : આટલું જાણો

વારંવાર દવા બદલવાનો આગ્રહ દર્દીએ કે ડૉકટરે રાખવો અયોગ્ય છે. સારવાર દરમ્યાન આડઅસર માટે ડોકટરી માર્ગદર્શન જરૃરી છે

એન્ટીબાયોટીક એટલે ? : તે એક દવા છે. તેને એન્ટીમાઇકોબાયલ પણ કહેવાય. જે દવા જીવાણુઓની વિરૃધ્ધ - એન્ટી કામ કરે છે, તેને એન્ટીબાયોટીક કહેવામાં આવે છે. જીવાણુઓ વાયરસ, બેકટેરીયા, ફૂગ કે પ્રજીવોના સ્વરૃપમાં હોય.

મુખ્યત્વે બેકટેરીયાને મારવામાં વપરાતી દવાઓ એન્ટીબાયોટીક છે. તેની બનાવટ પણ જીવાણુઓના પધ્ધતિસરના 'એક્ઝટ્રેકશન'થી બને. તમે ઘણીવાર એન્ટીબાયોટીકના નામ સાંભળ્યા હશે. અલગ અલગ બેકટેરીયા માટે અસરકારક એવી અલગ એન્ટીબાયોટીક્સ હોય અથવા તો એક જ એન્ટીબાયોટીક એક કરતા વધારે બેકટેરીયા માટે અસરકારક હોઇ શકે.

આ દવાઓ પીવાની દવા, પાવડરમાં પાણી નાંખવાની દવા કે કેપ્સ્યુલ કે ઈંજેક્શનના સ્વરૃપે હોય, બધાની અસર સરખી જ હોય પરંતુ જ્યારે બાળક ગંભીર હોય કે દવા ટકતી ન હોય ત્યારે ઈંજેકશન સ્નાયુમાં અથવા નસમાં આપવામાં આવે છે. મોટાભાગે ૫થી ૧૦ દિવસનો કોર્સ હોય. ખાસ રોગોમાં મહિનાઓ સુધી એન્ટીબાયોટીક અપાતી હોય છે.

એન્ટીબાયોટીક ફાયદાકારક છે ? : શું તમે જાણો છો એન્ટીબાયોટીક્સ દર્દીની જીવનદાતા છે. વર્તમાન સમયમાં અસરકારક દવાઓને પરિણામે અસાધ્ય એવા રોગો સંપૂર્ણ મટી જઇ શકે છે. યોગ્ય એન્ટીબાયોટીકના ઉપયોગથી બાળકોનો મૃત્યુ દર ઘટી રહ્યો છે. તમારા ડૉકટર રોગને આધારિત એન્ટીબાયોટીકનો નિર્ણય લેશે. યોગ્ય દવા, માત્રા પધ્ધતિ અને સમય અત્યંત જરૃરી છે. તેનો કોર્સ પૂરો કરવો જ જોઇએ.

આ દવાઓ ડૉકટરી દેખરેખ સાથે જ અપાવી જોઇએ. દવા ખરીદતા તેની એક્સપાયરીની તારીખ અને માત્રા ચેક કરી લેજો. કેટલીક દવાઓ ફ્રીઝમાં રાખવી પડે. પાવડર વાળી દવાઓ બનાવ્યા પછી ૫ દિવસમાં પૂરી કરવી. પડી રહેલી દવાઓ વાપરવી નહીં. દવા બાટલી હલાવીને જ આપવી, ઓગળી જાય તેવી ગોળીઓ ચમચીમાં લઇ તેમાં જ ઓગાળી દેવાય. દવાના સ્વાદને ઢાંકવા તેમાં ગળપણ ઉમેરી શકાય.

કેટલીક પરિસ્થિતિમાં એન્ટીબાયોટીક બદલવી પડે કે ડોઝ વધારવો પડે. જીવાણુના 'કલ્ચર'ના અભ્યાસ પછી કઇ એન્ટીબાયોટીક સારી રહેશે તેની માહિતી મેળવી લોહી કે પેશાબનો કલ્ચર ટેસ્ટ કરાવી શકાય. સંપૂર્ણ વૈજ્ઞાાનિક પધ્ધતિએ વપરાતી એન્ટીબાયોટીક દર્દીને આશીર્વાદ રૃપ છે.

ક્યારે નુકશાનકારક ? : બિન જરૃરી વારંવાર જાતે જ લીધેલી. ડૉકટરી દેખરેખ વગર લીધેલી દવા નુકશાન કરશે. રોગ મટતા ધીરજ રાખજો. વારંવાર દવા બદલવાનો આગ્રહ દર્દીએ કે ડૉકટરે રાખવો અયોગ્ય છે.

સારવાર દરમ્યાન આડઅસર માટે ડોકટરી માર્ગદર્શન જરૃરી છે. જે માટે દાકતરી તપાસ તો ક્યારેક ટેસ્ટ કરાવવા પડે. અધુરો કોર્સ મૂકવો કે ડોઝ બદલવો દવાની આડઅસર વધશે. દવાઓ ભૂખ્યા પેટે ન લેવી. બાળકોને એકબીજાની દવા ડોકટરને પૂછ્યા વગર ન આપવી. આડઅસર જણાય તો તરત જ ડોકટરને જણાવો.

આ સમયે દવા ચાલુ રાખવી નુકશાન કરી શકે, જે એન્ટીબાયોટીકનું રીએકશન આવ્યું હોય તે ફરીથી ન લેવી તેની નોંધ રાખવી જરૃરી છે. નાના નવજાત કે નબળા બાળકોને તથા કીડની અને લીવરના રોગો વાળા બાળકોને ખૂબ સાવચેતી રાખવી પડે. અયોગ્ય, બિન પધ્ધતિસર અને બિન વૈજ્ઞાાનિક રીતે વપરાયેલી એન્ટીબાયોટીક બાળકને શાપરૃપ છે.

તા. ૧૩ થી ૧૭ નવેમ્બર WHO દ્વારા 'વિશ્વ એન્ટીબાયોટીક્સ જાગૃતિ સપ્તાહ' ઉજવાઇ રહ્યો છે. ત્યારે ચાલો, આપણે એન્ટીબાયોટીક વિષેની સમજણ પ્રસરાવીએ.
 


For more update please like on Facebook and follow us on twitter

http://bit.ly/Gujaratsamachar

https://twitter.com/gujratsamachar

 

Post Comments