દિલ્હીના ઉપહાર સિનેમા કેસના દોષિત ગોપાલ અંસલની તિહારમાં શરણાગતિ

- સુપ્રીમે વધુ સમય ન ફાળવ્યો

- ૧૯૯૮માં ઉપહાર સિનેમાની આગમાં ૫૯ જણાના મોત થતા સિનેમાના માલિક અંસલ બંધુઓ દોષિત

(પીટીઆઈ) નવી દિલ્હી, તા. 20 માર્ચ, 2017, સોમવાર

દિલ્હીના ૧૯૯૭માં થયેલા ઉપહાર સિનેમાની આગના બનાવમાં સિનેમાના માલિક ગોપાલ અંસલને સજા થયા બાદ સુપ્રીમ કોર્ટે શરણે થવા આદેશ કર્યો હતો. સુપ્રીમ કોર્ટે તેને વધુ સમય ફાળવવાનો ઈનકાર કર્યા બાદ ગોપાલ અંસલ આજે તિહાર જેલમાં શરણે ઔઆવ્યો હતો.

સુપ્રીમ કોર્ટના જસ્ટિસ એહરની બનેલી બેંચે દિલ્હીના એસ્ટેટ બેરનની અરજી નકારી કાઢી હતી. તેણે રાષ્ટ્રપતિ સમક્ષ દયાની અરજી કરી હોવાની દલીલ કરી હતી. તિહાર જેલના સત્તાવાળાએ જણાવ્યા મુજબ ગોપાલ અંસલ આજે સાંજે તિહાર જેલમાં હાજર થયો હતો. તેને જેલની હોસ્પિટલમાં રખાયો હતો.

ઉલ્લેખનીય છે કે ગોપાલ અંસલના ભાઈ સુશીલ અંસલે ભોગવેલી જેલને કેદ ગણીને મુક્ત કરાયો હતો. ગોપાલ અંસલે પણ તેના ભાઈની જેમ માગણી કરી હતી પરંતુ સુપ્રીમે તે ફગાવી હતી. આ કેસમાં ૬૯ વર્ષીય ગોપાલે ચાર મહિના જેલમાં વિતાવ્યા હતા. ઉપહાર સિનેમાની આગમાં ૫૯ લોકોના મોત થયા હતા અને ૧૦૦ ઘાયલ થયા હતા.

ફેબુ્રઆરીની નવ તારીખે જસ્ટિસ ગોગોઈની બેંચે સુશિલ મોદીને વૃદ્ધત્વના કારણે મુક્ત કર્યો હતો. બંને ભાઈઓ ઉપર રૃપિયા ૩૦ કરોડનો દંડ પણ ફટકાર્યો હતો. ગોપાલ અંસલને હાઈકોર્ટે કરેલી જેલની સજામાં બે વર્ષનો ઘટાડો કર્યો હતો અને તેને તિહાર જેલમાં હાજર થવા ફરમાન કર્યું હતું.