IPL ફાઈનલ અગાઉ જ ઓરેન્જ કેપ વિજેતાનું નામ ફાઈનલ! હવે તેની આજુબાજુ પણ કોઈ નથી

IPL Orange Cap: IPLની આ સીઝનમાં હવે માત્ર એક જ મેચ બાકી છે. ફાઈનલ મેચ 3 જૂને અમદાવાદના નરેન્દ્ર મોદી સ્ટેડિયમમાં રમાશે. આ દિવસે પંજાબ કિંગ્સ અને RCB વચ્ચે ટાઈટલ માટેની ટક્કર થશે. ખાસ વાત એ છે કે, બેંગ્લુરુ અને પંજાબ બંને અત્યાર સુધી એક પણ વખત ટ્રોફી નથી જીતી, તેથી જે પણ ટીમ જીતેશે, તેના માટે આ પ્રથમ ટ્રોફી હશે. આ વચ્ચે હવે ફાઈનલ માટે ભલે હજુ થોડા કલાકો બાકી છે, પરંતુ ઓરેન્જ કેપનો નિર્ણય લગભગ થઈ ગયો છે. હવે તેમાં કોઈ ખાસ ફેરફાર નહીં થશે.

IPL સીઝનમાં સાઈ સુદર્શન સૌથી વધુ રન બનાવનાર ખેલાડી

આ IPL સીઝનમાં સાઈ સુદર્શન સૌથી વધુ રન બનાવનાર ખેલાડી છે. તેણે 15 મેચમાં 759 રન બનાવ્યા છે. તેની એવરેજ 54થી વધુ રહી છે. સાઈ સુદર્શને આ વર્ષે એક સદી અને છ અડધી સદી ફટકારી છે. હવે સાઈ અને તેની ટીમ ગુજરાત ટાઈટન્સની રમત તો સમાપ્ત થઈ ચૂકી છે, પરંતુ હવે કોઈ તેને ઓરેન્જ કેપ માટે પછાડી ન શકે. આ લિસ્ટમાં બીજા નંબર પર મુંબઈ ઈન્ડિયન્સનો સૂર્યકુમાર યાદવ છે. તેણે આ વર્ષે 16 મેચમાં 717 રન બનાવ્યા છે.

સૂર્યકુમાર યાદવ બીજા નંબર પર

સૂર્યકુમાર યાદવે 65ની એવરેજથી રન બનાવ્યા છે અને તેના નામે પાંચ અડધી સદી છે. ખાસ વાત એ છે કે, સૂર્યકુમાર યાદવ આ વર્ષે એક પણ વખત 25 થી ઓછા સ્કોર પર આઉટ નથી થયો નથી, આ પણ સૂર્યાએ બનાવેલો રેકોર્ડ છે. હવે મુંબઈ ઈન્ડિયન્સ પણ પંજાબ સામે હાર્યા બાદ આ વર્ષની ટુર્નામેન્ટમાંથી બહાર થઈ ગઈ છે, તેથી સૂર્યાના રનમાં કોઈ વધારો નહીં થશે.

આ પણ વાંચો: IPL 2025 Final: RCBના પક્ષમાં બન્યો ગજબ સંયોગ! 14માંથી 11 વખત આવી ટીમ જ જીતી છે IPL ટ્રોફી

વિરાટ કોહલીને ઓરેન્જ કેપ જીતવા માટે આટલા રન જોઈએ

આ યાદીમાં શુભમન ગિલ ત્રીજા નંબર પર છે, તેણે 15 મેચમાં 650 રન બનાવ્યા છે. આ માટે મિશેલ માર્શ ચોથા નંબર પર છે, તેણે 13 મેચમાં 627 રન બનાવ્યા છે. વિરાટ કોહલીનું નામ 5મા નંબર પર છે. તેણે અત્યાર સુધી 14 મેચમાં 614 રન બનાવ્યા છે. વિરાટ કોહલી હવે ફાઈનલમાં રમતો જોવા મળશે, પરંતુ નંબર વન પર પહોંચવા માટે તેને ઘણા રનની જરૂર પડશે. વિરાટ કોહલીએ ફાઈનલમાં 146 રનની ઈનિંગ રમવી પડશે, તો જ તે નંબર વન બની શકશે. જોકે કોહલી આ કરી શકે છે, પરંતુ તે આટલી લાંબી ઈનિંગ રમી શકશે તેવી શક્યતા ઓછી છે. આવી સ્થિતિમાં એવું માનવું જોઈએ કે ઓરેન્જ કેપની રેસમાં સાઈ સુદર્શન નંબર વન પર ફિનિશ કરશે.