IND vs PAK: ઓક્ટોબરના પહેલા સપ્તાહમાં ભારત-પાકિસ્તાનનો મહા મુકાબલો, જુઓ તારીખ

India vs Pakistan Cricket Match : ક્રિકેટ ચાહકો માટે ઓક્ટોબર મહિનાનું પહેલું અઠવાડિયું રોમાંચક રહેવાનું છે. એક તરફ ભારતીય મેન્સ ટીમ રવિવારે (6 ઓક્ટોબર) બાંગ્લાદેશ વિરૂદ્ધ ત્રણ T20 સીરિઝની પહેલી મેચ રમશે. બીજી તરફ દુબઈમાં ભારતનો મુકાબલો પાકિસ્તાન સાથે થશે. મહિલા T20 વર્લ્ડ કપમાં બંને દેશો વચ્ચે મેચ થશે. તેના માટે ચાહકો ઘણાં ઉત્સુક છે. તેમણે એક જ દિવસે બે બ્લોકબસ્ટર મુકાબલા જોવા મળશે.

મહિલા T20 વર્લ્ડ કપમાં ભારત-પાકિસ્તાનનો મુકાબલો 6 ઓક્ટોબર બપોરે 3:30 વાગ્યાથી શરૂ થશે. ત્યારે, મેન્સ ટીમ સાંજે 7 વાગ્યાથી બાંગ્લાદેશ વિરૂદ્ધ રમશે. બંને મેચ ઘણી રસપ્રદ રહેશે. ક્રિકેટ મેદાન હોય કે હોકી, ટેનિસ કે ફૂટબોલ... ભારત-પાકિસ્તાન વચ્ચે મુકાબલો હંમેશા ખુબ મજેદાર હોય છે અને ચાહકોને તેની લાંબા સમયથી રાહ જોવાતી હોય છે.

આઈસીસીએ લીધો મોટો નિર્ણય

આ વચ્ચે, ભારત-પાકિસ્તાન મેચને લઈને આઈસીસીએ મોટો નિર્ણય લીધો છે. તેને ઓસ્ટ્રેલિયાની એલોઇસ શેરિડન અને સાઉથ આફ્રિકાની લોરેન એજેનબેગને મેદાની અમ્પાયર નિયુક્ત કર્યા છે. વેસ્ટઈન્ડિઝની જેકલીન વિલિયમ્સ આ મહત્વની મેચની ટેલીવિઝન અમ્પાયર હશે. આઈસીસીની 3 થી 20 ઓક્ટોબર સુધી થનારી ટૂર્નામેન્ટ માટે મેચ અધિકારીઓની યાદી જાહેર કરી. આ વર્લ્ડ કપ માટે તમામ મેચ અધિકારી મહિલાઓ છે. જેમાં ત્રણ રેફરી અને 10 અમ્પાયર સામેલ છે.

ભારતની અમ્પાયર પણ યાદીમાં

ભારત તરફથી જીએસ લક્ષ્મી મેચ રેફરી, જ્યારે વૃંદા રાઠી અમ્પાયરિંગની ભૂમિકામાં હશે. ટૂર્નામેન્ટની શરૂઆત બાંગ્લાદેશ અને સ્કોટલેન્ડ વચ્ચે મેચ 3 ઓક્ટોબરે હશે. ભારતીય ટીમ 4 ઓક્ટોબરે ન્યૂઝીલેન્ડ વિરૂદ્ધ પોતાનું અભિયાન શરૂ કરશે. આ મેચમાં વિલિયમ્સ અને ઇંગ્લેન્ડની અન્ના હેરિસ મેદાની અમ્પાયર હશે જ્યારે ઓસ્ટ્રેલિયાની ક્લેયર પોલોસાક ટીવી અમ્પાયરની ભૂમિકા નિભાવશે.

20 ઓક્ટોબરે રમાશે ફાઈનલ મેચ

ભારત અને શ્રીલંકા વચ્ચે 9 ઓક્ટોબરે થનારી મેચ માટે ન્યૂઝીલેન્ડની કીમ કોટન અને એજેનબેગ મૈદાની જ્યારે ઈંગ્લેન્ડની સુજૈન રેડફર્ન ટીવી અમ્પાયર હશે. 13 ઓક્ટોબરે ઓસ્ટ્રેલિયા વિરૂદ્ધ ભારતની મેચ માટે રેડફર્ન અને કોટન મેદાન પર જ્યારે વિલિયમ્સ ત્રીજા અમ્પાયરની ભૂમિકામાં હશે. ટૂર્નામેન્ટની સેમીફાઈનલ (17 ઓક્ટોબર અને 18 ઓક્ટોબર) અને ફાઈનલ (20 ઓક્ટોબર) માટે અમ્પાયર અને મેચ રેફરીની જાહેરાત બાદમાં કરાશે.