<img src="https://static.gujaratsamachar.com/content_image/content_image_43d11841-4395-4634-88b8-ba31ade23cd8.jpeg" data-filename="pension.jpg"> (પ્રતિનિધિ તરફથી) અમદાવાદ,શુક્રવાર&nbsp; &nbsp; &nbsp;&nbsp; કેન્દ્ર સરકારના ૨૦૨૫-૨૬ના વર્ષના બજેટમાં કરદાતાની રૃા. ૧૨.૭૫ લાખની આવક વેરા મુક્ત કરી દેવામાં આવી હોવાથી&nbsp; ૯૦ ટકાથી વધુ સિનિયર સિટીઝન વેરો ભરવાની જવાબદારીમાંથી બહાર આવી જવાની સંભાવના હોવાથી તેમને બેન્ક વ્યાજની આવકમાાંથી કરકપાત-ટીડીએસ ન કરવાની સૂચના આપી દઈને ફોર્મ ૧૫-એચ જમા કરાવવાની જફામાંથી મુક્તિ અપાવવાનું પગલું સરકારે લેવી જોઈએ.&nbsp;સહકાર ભારતીએ આ સંદર્ભમાં એક પત્ર ગુજરાતના ચીફ ઇન્કમટેક્સ કમિશનરને ૧૫મી માર્ચે સુપરત કર્યો છે. તેમની એવી દલીલ છે કે ભૂતકાળમાં વાર્ષિક રૃા. ૩ લાખથી ઓછી આવક હોય તો તેમને ૧૫-એચ ન ભરવાની જૂની જોગવાઈ હતી, હવે આ જોગવાઈ સુધારીને વાર્ષિક રૃા. ૪ લાખથી ઓછી આવક હોય તેવા કરદાતાઓની વ્યાજની આવક હોય તો પણ તેમાં કરકપાત ન કરવાની જોગવાઈ દાખલ કરવામાં આવી છે. પરંતુ હવે રૃા. ૧૨.૭૫ લાખની આવક વેરામુક્ત ગણાવાની હોવાથી ૯૦ ટકા સિનિયર સિટીઝનને વેરો ભરવો પડશે નહિ. બહુધા સિનિયર સિટીઝનની વ્યાજ સહિતની વાર્ષિક આવક રૃા. ૪થી ૧૨ લાખની રેન્જમાં જ છે. તેમની વ્યાજની આવકમાંથી કરકપાત કરવામાં આવે તો તેમને રિફંડ લેવાની પ્રક્રિયા કરવી પડશે. તેમના નાણાં રિફંડ ન મળે ત્યાં સુધી એટલે કે એકથી દોઢ વર્ષ માટે બ્લોક થયેલા રહેશે. તેથી તેમની આવકમાંથી ટીડીએસ કરવાનું જ બંધ કરી દેવું જોઈએ. બીજું મહિને રૃા. ૯૦,૦૦૦થી ૧ લાખનું પેન્શન મેળવનારી વ્યક્તિઓ તેમના પ્રોવિડન્ટ ફંડની કે અન્ય બચત પરના વ્યાજની આવક પત્નીને નામે લેતા હોવાથી તેમની અંદાજે રૃા. ૨૫ લાખ સુધીની આવક વેરામુક્ત બની જવાની હોવાથી પણ ઘણાં સિનિયર સિટીઝનને કરકપાત કરાવવાની જરૃર ઊભી થશે નહિ. આ સ્થિતિમાં ફોર્મ ૧૫-એચ ભરાવવાની જફામાંથી મુક્તિ આપી દેવાનું પગલું સિનિયર સિટીઝનની અનેક સમસ્યાઓનો ઉકેલ લાવી દેશે.ફોર્મ ૧૫-એચ ભરવામાં તકલીફ પણ વધારે છે. ફોર્મ ૧૫-એચ એક કરતાં વધુ સંસ્થામાં આપવાનું આવે છે. બેન્ક સહિતની દરેક સંસ્થાની મુલાકાત લેવી પડે છે. દરેક સંસ્થાને આપેલા ફોર્મ ૧૫-એચની એક નકલ સિનિયર સિટીઝને સાચવીને રાખવી પડે છે. આ નકલ સાચવીને ન રાખી હોય તો બેન્ક તેમને ૧૫-એચ ન મળ્યું હોવાનું જણાવીને કરકપાત કરવાનું ચાલુ રાખી શકે છે. બેન્કોનું કામ પણ લાહડિયું છે. ફોર્મ ૧૫-એચ ઓનલાઈન ભરવાની પણ વ્યવસ્થા છે. પરંતુ ૮૦ટકાથી વધુ સિનિયર સિટીઝન ફોર્મ ૧૫-એચ ઓનલાઈન ભરી શકતા નથી. સિનિયર સિટીઝન માટે ૧૫-એચ ભરવાની વ્યવસ્થા કાઢી નાખવામાં આવે તો બેન્ક કર્મચારીઓના કામનો બોજ પણ ઓછો થઈ શકે છે.&nbsp; &nbsp; &nbsp;

Pension

Form-15-H

remove form 15 H system for senior citizens

Gujarat-Samachar

<img src="https://static.gujaratsamachar.com/content_image/content_image_c27196dc-302d-49a0-82e9-bfadddb16c91.jpeg" data-filename="maskati mahajan.jpg"> (પ્રતિનિધિ તરફથી) 							અમદાવાદ,શુક્રવારપહેલી એપ્રિલ ૨૦૨૫થી અમદાવાદના કાપડ માર્કેટમાં અનરજસ્ટર્ડ દલાલ, એજન્ટ કે પછી એજન્સી કે પેટાા દલાાલ સાથે કોઈ જ વેપાર કરવામાં આવશે નહિ. કાપડ બજારમાંથી માલ ખરીદીને પોબારા ગણી જવાની ઘટનાઓ અંકુશમાં ન આવતી હોવાથી પહેલી એપ્રિલથી ૨૦૨૫થી ૯૦થી ૧૦૦ દિવસમાં પેમેન્ટ સેટલ કરી દેવાનો નિયમ લાગુ કરવામાં આવ્યો છે. તેમ જ ૨૦૦ દિવસથી વધુ સમયના પેમેન્ટ બાકી હોય તેવા વેપારીઓ પૂરા પેમેન્ટ થયા પછી જ નવા વેપારો કરવાનો નિર્ણય લેવામાં આવ્યો છે. ૨૦૦ દિવસ સુધી પેમેન્ટ ન કર્યું હોય તેવા વેપારી સાથે બજારના એક પણ વેપારી વેપાર કરી શકશે નહિ.&nbsp; ૨૦૦ દિવસથી વધુ સમયના પેમેન્ટ બાકી હોય તેવી પેઢીના નામો મહાાજનની ઑફસિમાં ૩૧મી મે ૨૦૨૫ સુધીમાં&nbsp; આપી દેવાની સૂચના આપવામાં આવી છે.સત્તરમી માર્ચે મળેલી મસ્કતી કાપડ મહાજનની બેઠકમાં પ્રસ્તુત નિર્ણયલ લેવામાં આવ્યો હોવાનું જણાવતા મહાજનના પ્રમુખ ગૌરાંગ ભગતનું કહેવું છે કે મહાજનના હોદેદારો, શટગ, શૂટિંગ, લમ્પ અને ડ્રેસમટીરિયલના વેપાર સાથે&nbsp; સંકળાયેલા સભ્યોની ઉપસ્થિતિમાં અને મંજૂરીથી ઠરાવો કરીને સર્વાનુમતે નિર્ણય લેવામાં આવ્યા છે. કાપડનું વેચાણ કરતાં પહેલા અને ડિલીવરી આપતા પહેલા ખરીદનારનું કેવાયસી-તમારા કસ્ટમરને ઓળખોના પુરાવાઓ લેવાનું ફરજિયાત કરવામાં આવ્યું છે.&nbsp; નવા વેપારી હોય તો તેમને ત્રણ વર્ષ સુધી રાતીપાઈનો માલ ઉધારમાં આપવાનો રહેશે નહિ. મસ્કતી કાપડ મહાજનમાં નોંધાયેલા દલાલ, એજન્ટે, એજન્સી કે પેટા દલાલના માધ્યમથી જ સોદો કરવાનો પણ નિર્ણય ેલવામાં આવ્યો છે. આજની તારીકે જે દલાલ, એજન્ટ, એજન્સી કે પછી સબબ્રોકરનુંે રજિસ્ટ્રેશન કરાવવાનું બાકી હોય તો તેમણે મહાજનની ઓફિસમાંથી ફોર્મ મેળવીને પહેલી એપ્રિલ ૨૦૨૫ પહેલા જમા કરાવી દેવાનું રહેશે. રજિસ્ટ્રેશન ન ધરાવતા એજન્ટ કે દલાલની માર્કેટમાં એન્ટ્રી જ ન આપવાનો નિર્ણય લેવામાં આવ્યો છે. દેશના અન્ય શહેરોમાથી કામ કરતાં એજન્ટોે માટે પણ આ નિયમ લાગુ કરવામાં આવ્યો છે.મહાજનના સભ્યોએ કાપડનું વેચાણ ડાયરેક્ટ પેઢીને કે લોકલ કે પછી દેશાવરના દલાલ કે એજન્ટ અથવા તો એજન્સી કે સબબ્રોકરના માધ્યમથી કરતાં પહેલા જ કાપડની ક્વોલિટીના સ્પેસિફિકેસન, કાપડના ભાવ, ઓવરડયૂ ઇન્ટ્રેસ્ટ તથા વેપાર વહેવારને લગતા નિયમો અંગેનો કોન્ટ્રાક્ટ કરવાનો ફરજિયાત કરવામાં આવ્યો છે. લોકલ પેઢી કે રાજ્યબહારની પેઢીએ વેપારીને આપેલ કાપડના બિલના નાણા ચૂકવવાના ૨૦૦ દિવસથી વધુ સમય વીતી ગયો હોય તો તેવી પેઢીએ વેપારી તથા તેની સાથે સંકળાયેલ એજન્ટ, દલાલ કે એજન્સીની પૂરી વિગત સાથે રૃા. ૩૦૦ના સ્ટેમ્પ ઉપર લખીને તથા નોટરી કરાવીને તેની એક નકલ મહાજન કાર્યાલયમાં આપવી ફરજિયાત છે. આ વિગતો મહાજનની વેબસાઈટ પર અને બજારમાંના કિયોસ્ક પર મૂકીને અન્ય વેપારીઓને ચેતવી દેવામાં આવશે. આ નિયમનો ભંગ કરનારા વેપારીઓના નામ, જીએસટી નંબર અને ફોટા સાથે સોશિયલ મિડીયામાં તથા સ્થાનિક અખબારોમાં જાહેર કરી દેવામાં આવશે.&nbsp; મસ્કતી મહાજનના બંધારણની કલમ ૭૮-એ અને ૭૮એએનો બિલમાં કે વેપારને લગતા દરેક દસ્તાવેજમાં કરવો જરુરી છે.

only registered agents to be allowed to do busines

Textiel

Agents

Maskati

textile fraud

<img src="https://static.gujaratsamachar.com/content_image/content_image_0ffb8ea1-6619-4b94-929f-fcd34bd13921.jpeg" data-filename="gujarat assembly.jpeg" style="width: 100%;"> (પ્રતિનિધિ તરફથી) અમદાવાદ, બુધવારભાજપ સરકારે ગુજરાતમાં સત્તા ગ્રહણ કરી ત્યારે ભય, ભૂખ અને ભ્રષ્ટાચાર નાબૂદ કરવાનો દાવો કર્યો હતો, પરંતુ આજે&nbsp; પરિસ્થિતિ તેનાથી વિપરીત છે અને ગુજરાતમાં ભ્રષ્ટાચાર, ભય અને ભૂખ વધી છે. ભાજપ સરકારની ઇચ્છા શક્તિના અભાવને પરિણામે જ હપ્તાખોરી વધી છે અને તેના જ પરિણામ સ્વરૃપે ગુજરાતની ગલીએ ગલીમાં બેફામ દારૃ વેચાઈ રહ્યો છે. યુવાનો બરબાદ થઈ રહ્યા છે. યુવતીઓ વિધવા બની રહી છે. પરિવારો બરબાદ થઈ રહ્યા છે. દેશી દારૃને બદલે કેમિકલયુક્ત દારૃ વેચાઈ રહ્યો હોવાથી નડિયાદ અને બોટાદ જેવા લઠ્ઠાકાંડ પર સર્જાય છે.<img src="https://static.gujaratsamachar.com/content_image/content_image_19a318a7-672d-43a9-be71-5a6cc9e3859c.jpeg" data-filename="gujarat assembly.jpeg">બજેટમાં ગૃહ વિભાગે મૂકેલી માગણીઓ અંગેની ચર્ચામાં આજે વિધાનસભામાં બોલતા ગુજરાત કોન્ગ્રેસના નેતા અમિત ચાવડાએ જણાવ્યું હતું કે ગુજરાતના પોલીસ વિભાગમાં તોડબાજી કરતાં, જમીનમાં સેટિંગ કરી આપીને રૃા. ૨૨ કરોડ જેટલી તગડી રકમ મેળવતા પોલીસ અધિકારીઓ મોજૂદ છે. મહાત્મા ગાંધીના ગુજરાતમાં કાયદો માત્ર કાગળ પર જ દેખાઈ રહ્યો છે. બુટલેગરો પાસેથી પોલીસ હપ્તા લેતી હોવાથી ગુજરાતના ગામેગામ અને ગલીએ ગલીએ દારૃ વેચાઈ રહ્યો છે. રાજસ્થાન, મધ્યપ્રદેશ, દમણ, સેલવાસથી ગુજરાતમાં દારૃ પહોંચી રહ્યો છે. રાજસ્થાન અને મધ્ય પ્રદેશથી આવતો દારૃ અમદાવાદમાં કે નડિયાદમાં પહોંચે તે પૂર્વે તે બનાસકાંઠા, સાબરકાંઠા, અમદાવાદ, ખેડા અને નડિયાદ પહોંચે છે. આ તમામ જિલ્લાની પોલીસ ગેરકાયદે દારૃને ઘૂસતો અટકાવવા માટે શું કરી રહી છે તે જ એક મોટો સવાલ છે. આ રીતે દારૃ આવતો રોકવા માટે બનાસકાંઠા, મહેસાણા, ગાંધીનગર જિલ્લાના સુપરિન્ટેન્ડન્ટ ઓફ પોલીસ, પોલીસ ઇન્સ્પેક્ટર તથા પોલીસ સબ ઇન્સ્પેક્ટરને સસ્પેન્ડ કરી દેવા જોઈએ.&nbsp; તેમણે કહ્યું હતું કે ગુજરાતમાં જમીનના કબજા લેવાના હોય, વિવાદા સ્પદ જમીનોમાં પતાવટ કરવાની હોય તેવા કેસમાં કેટલાક પોલીસ અધિકારીઓ જરૃર કરતાં વધારે રસ લે છે. આ પ્રકારના એક કેસમાં રૃા.૨૨ કરોડનો તોડ થયો હતો.ગુજરાતના એ કેટેગરીના અધિકારીઓ તેમની આવક કરતાં વધુ વૈભવી જિંદગી જીવી રહ્યા છે. ગુજરાતમાં ગુંડાંગીરી કરનારાઓની યાદી તૈયાર કરવાનો થોડા સમય પહેલા જ નિર્ણય લેવાયો છે. આ જ રીતે ગુજરાતના પોલીસ વિભાગના અપ્રામાણિક અધિકારીઓની યાદી પણ તૈયાર કરવી જરૃરી છે.&nbsp; ગુજરાતમાં ટપોરીએ, ગુંડાઓ ખુલ્લેઆમ તલવાર, લાકડીઓ લઈને પ્રજાને બાનમાં લઈ રહ્યા હોવાથી પ્રજાજનોએ ભય હેઠળ જીવવું પડી રહ્યું છે. પ્રજા ભય હેઠળ છે, પરંતુ ખનન માફિયા, ડ્રગ માફિયા બેફામ બની રહ્યા છે. પોલીસે તેમની સામે પગલાં લેવા જોઈએ.&nbsp;દેશમાં આવતા ડ્રગ્સમાંથી ૬૫ ટકા ગુજરાતના બંદરો પર ઉતર્યું જુદા જુદાં દેશોમાંથી ભારતમાં આવી રહેલા ડ્રગ્સમાંથી ૬૫ ટકા ડ્રગ્સ ગુજરાતના બંદરો પર ઉતર્યું હોવાનું જણાવતા અમિત ચાવડાએ કહ્યું હતું કે ગુજરાતમાંથી રૃા. ૭૩૫૦ કરોડનું ડ્રગ્સ પકડાયું છે. ગુજરાત ઇન્ટરનેશનલ ડ્રગ્સ માટે લેન્ડિંગ હબ બની ગયું છે. ફાર્માસ્યૂટિક કંપનીઓ દવા બનાવવાના ઓઠાં હેઠળ ફાર્મા કંપનીઓ ગુજરાતમાં ડ્રગ્સ બનાવીને સીધું માર્કેટમાં ઠાલવી રહી છે. તેથી જ આજે ભજિયાની દુકાને, પાનના ગલ્લે કે નુક્કડ પર ડ્રગ્સ મળતા થઈ ગયા હોવાથી દરેક માબાપને તેમના યુવાન દીકરા-દીકરીઓ ડ્રગ્સને રવાડે ચઢી જાય તેવો ભય સતાવી રહ્યો છે. તેથી જ ટીનેજરને શાળાએ કે કૉલેજે મોકલતા માતાપિતાને ભય લાગી રહ્યો છે. ગુજરાત ભાજપના જ કાર્યકરો ડ્રગ્સની હેરાફેરી કરવામાં પકડાયા છે. આ મુદ્દે વર્તમાન સરકાર તરફથી કોઈ જ ખુલાસાઓ આપવામાં આવતા નથી.

BJP-corruption

MBBS-Resutls

corruption is on the rise during BJP Rule

<img src="https://static.gujaratsamachar.com/content_image/content_image_5275a702-773b-4e25-a41b-2d4be4ecfbd9.jpeg" data-filename="gujarat assembly.jpeg"> (પ્રતિનિધિ તરફથી) અમદાવાદ,બુધવાર&nbsp; &nbsp; &nbsp;&nbsp;હેમચંદ્રાચાર્ય ઉત્તર ગુજરાત યુનિવર્સિટીના એમ.બી.બી.એસ.ન ા વિદ્યાર્થીઓની પરીક્ષામા ગુણ સુધારણામાં વિસંગતતા જોવા મળતા હાથ દરવામાં આવેલી તપાસના અહેવાલમાં યુનિવર્સિટીના કુલપતિ જે. જે. વૉરા સહિતના સ્ટાફને જવાબદાર ગણી તેમની સામે શિસ્તભંગના પગલાં લેવાની ભલામણ કરવામાં આવી તે પછીય વરસો બાદ સ્વીકારવામાં આવેલી ફરિયાદમાંથી કુલપતિ જે.જે.વૉરાનું નામ કાઢી નાખવામાં આવ્યું હોવાને મુદ્દો પાટણનાા વિધાનસભાના સભ્યે કિરીટ પટેેલે સખત વિરોધ નોંધાવ્યો હતો. ગૃહ વિભાગ બજેટમાં મૂકેલી માગણીઓ અંગે બોલતા તેમણે કહ્યું હતું કે ગુજરાતમાં આજે પણ વરસોના વરસ સુધી પોલીસ ફરિયાદ પણ લેવામાં આવતી નથી. આ કેસમાં ઉચ શિક્ષણ કમિશનરની કચેરીએ મૂલ્યાંકનની કામગીરી સાથે સંકળાયેલા તમામ સ્ટાફ સામે શિસ્ત ભંગના પગલાં લેવાની ભરામણ કરવામાં આવી છે. તેમ જ તેમની સામે શાં પગલાં લેવા તેનો વિગતવાર અધવાલા પણ રજૂ કરવા જણાવવામાં આવ્યું છે.&nbsp; ગુજરાતમાં પોલીસ ફરિયાદ લેવામાં આવતી જ નથી. પોલીસ ફરિયાદ કરનારા પાસેથી ફરિયાદ લેવામાં ગલ્લાંતલ્લાં કરવામાં આવી રહ્યા છે. હાઈકોર્ટના આદેશ પછી ૨૦૨૧૮ની સાલમાં બનેલી ઘટના અંગેની ફરિયાદ ૨૦૨૫મં લેવામાં આવી છે. ૧૭મી માર્ચ ૨૦૨૫ના લેવામાં આવેલી ફરિયાદમાં જણાવવામાં આવ્યું છે કે પરિમલ અરવિન્દ પટેલ, દિવ્ય મહેશ પટેલ, ઉદય રમેસ ઓઝાએ અન્ય રોજમદાર તરીક ેકામ કરતાં બે કર્મચારી સાથે મળીને ગુનાઈત હાવતરું રચીને એમબીબીએસના પ્રથમ વર્ષના નાપાસ થયેલા વિદ્યાર્થીઓની ઓરિજિનલ ઉત્તરવહીઓ ગુમ કરી દઈ તેને સ્થાને પરીક્ષા ખડ સિવાય અન્ય સ્થળે લખીને ખોટી ઉત્તરવહીઓ તૈયાર કરીને ખોટી રીતે ગુણ વધારી આપીને ખોટું રિએસેસમેન્ટ કરીને નાપાસ થયેલા વિદ્યાર્થીઓને પાસ થયેલા જાહેર કરવામાં આવ્યા છે. આ કામગીરી કરીને તેમણે અપ્રામાણિક લાભ પમ મેળવ્યો હોવાનું પોલીસ ફરિયાદમાં જણાવવામાં આવ્યું છે. જોકે આરોપીઓની યાદીમાં ભૂતકાળમાં કુલપતિ જે.જે. વોરાનું નામ પણ હતું. પરંતુ વાસ્તવમાં ફરિયાદ કરવામાં આવી ત્યારે જે.જે.વૉરાનું નામ કાઢી નાખવામાં આવ્યું હતું. આ મુદ્દે સરકાર મૌન તોડીને વાત સરે તે જરુરી છે. ગુજરાતમાં અનેક પ્રકારની પોલીસ ફરિયાદો લેવામાં બિનજરૃરી વિલંબ કરવામાં આવી રહ્યો હોવાની વાત તેમણે કરી હતી.&nbsp;<div> </div>

MBBA

Exam

Resut-declared

Answersheet replacement scam in Uttar gujarat college

<img src="https://static.gujaratsamachar.com/content_image/content_image_0c28100a-f7c1-4539-b22b-64c53e26a260.jpeg" data-filename="gujarat assembly.jpeg" style="width: 100%;"> (પ્રતિનિધિ તરફથી) અમદાવાદ, મંગળવારકપાસનો સૌથી વધુ પાક લેતા ખેડૂતો સાથે કપાસની ખરીદીનો સોદો કરી લીધા બાદ ખેડૂત કપાસ અડધો ખાલી કરી દે તે પછી કપાસની ક્વોલિટી બરાબર ન હોવાનું જણાવીને મણે રૃા. ૨૦૦નો ભાવ ઘટાડી દઈને ખેડૂતોને લૂંટવામાં આવી રહ્યા છે. બોટાદ જિલ્લાના ગઢડામાં તો કોટન કોર્પોરેશન ઑફ ઇન્ડિયાના અધિકારીએ ખેડૂતના કપાસના કુલ જથ્થામાંથી કેટલોક જથ્થો તેને લાંચ રૃપે આપી દેવાની માગણી કર્યાનો અને સીસીઆઈના એ અધિકારીને એન્ટિ કરપ્શન બ્યુરોમાં પકડાવી દેવાની ઘટના બની હોવાનું આજે ગુજરાત વિધાનસભામાં આમઆદમી પાર્ટીના ધારાસભ્ય ઉમેશ મકવાણાઓ જણાવ્યું હતું.&nbsp;ખેડૂત કલ્યાણ અને સહકાર વિભાગની માગણીઓ અંગેની ચર્ચામાં બોલતા ઉમેશ મકવાણાઓ જણાવ્યું હતું કે ખેતીવાડી અધિકારીઓ ખેતરમાં સરવે કરવા માટે જતાં જ નથી. સરવે કર્યા વિના જ આ અધિકારીઓએ જણાવી દીધું છે કે બોટાદ કે ભાવનગર જિલ્લાના ખેડૂતોને કોઈ જ નુકસાન થયું નથી.&nbsp; ઉમેશ મકવાણાએ કહ્યું હતું કે ગૌશાળાને પ્રતિદિન પશુદીઠ આપવામાં આવતી રૃા. ૩૦ની સહાયમાં હવે વધારો કરવો જોઈએ. પશુ માટે રોજના રૃા.૧૦૦ની સહાય આપવી જોઈએ.&nbsp;ગુજરાતની મંડીઓમાં વેપારીઓની કાર્ટેલ ખેડૂતોને રીતસર લૂંટી રહી છે વેપારીઓ કાર્ટેલ રચીને ખેતીની ઉપજના પૂરતા નાણાં ન મળે તેવી ગોઠવણ કરી રહ્યા છે. ખેડૂતો છ મહિનાની મહેનતને અંતે ન કમાય તેનાથી દસ ગણુ વધારે છથી બાર કલાલકની મહેનતમાં વેપારીઓ કમાઈ રહ્યા છે. આ પરિસ્થિતિ બદલાય તો જ ખેડૂતોને ખરેખર તેમની ઉપજના તેમને મહેનત પ્રમાણેના ભાવ મળી શકશે.

APMC traders changing payment due  after political game

APMC

Cotton-Price

ask-for-free-cotton

cotton price ian APMC

<img src="https://static.gujaratsamachar.com/content_image/content_image_d37865ae-f6a4-4128-9c2d-91b151c46b20.jpeg" data-filename="gujarat assembly.jpeg"> (પ્રતિનિધિ તરફથી) 	અમદાવાદ, મંગળવાર ખેડૂતોની આવક બમણી કરવાના સપનાંઓ દેખાડવાનું ગુજરાતની ભાજપ સરકારે બંધ કરી દેવું જોઈએ. કારણ કે ગુજરાતમાં વેપારીનો દીકરો વેપારી બનવા માગે છે, ડોકટરનો દીકરો ડોકટર બનવા માગે છે, રાજકારણીના દીકરા પણ રાજકારણમાં આવવા માગે છે પરંતુ ખેડૂતનો દીકરો ખેડૂત રહેવા માગતો નથી કારણ કે એક તરફ ખેડૂતોની આવક બમણી કરવાના સ્વપ્નો બતાવ્યા કરે છે. વાસ્તવમાં તેમની આવક બમણી થતી નથી, એમ આજે ગુજરાત વિધાનસભામાં બોલતા વિપક્ષના નેતા અમિત ચાવડાએ જણાવ્યું હતું.જમીનની માપણી સદંતર ખોટી હોવા છતાંય તેના નિરાકરણ લાવવામાં આવતા ન હોવાની ખેડૂતોની વધી રહેલી ફરિયાદ બીજી તરફ ખાતર મોંઘું, બિયારણ મોંઘું, વીજળી મોંઘી, પાણી મોંઘું બધી જ રીતે જે ઉત્પાદનનો ખર્ચ મોંઘો થયો પણ તેના પ્રમાણમાં તેને જે બજારભાવ મળવો જોઇએ તે નહીં મળવાના કારણે આજે ખેડૂત આર્થિક રીતે પાયમાલ થયો છે.એમ આજે ગુજરાત વિધાનસભામાં સરકાર પર પ્રહાર કરતાં વિપક્ષી નેતાએ જણાવ્યું હતું.એક બાજુ ખેતીની જમીન માપણી થાય, ભાઇ-ભાઇ વચ્ચે ઝઘડા થાય, શેઢા પાડોશી વચ્ચે વિવાદ થાય, અવાર-નવાર રજૂઆત કરવા છતાં ફરિયાદનો નિકાલ ન આવે. આ ફરિયાદોના સંદર્ભમાં આંદોલનો કરવા છતાં આ માગણીઓનો સ્વીકાર કરવામાં આવે નહીં. આવી ખોટી માપણી રદ કરવાની લડત છે. પરંતુ જમીન માલિક ખેડૂતોનો અવાજ સુધી સરકારના બહેરા કાન સુધી પહોંચતો જ નથી. આજે કરોડો રૃપિયા ખર્ચ્યા પછી ખેડૂતોની જમીનની માપણી ખોટી થયેલી છે. ગુજરાતમાં ચોમેર નકલીનું રાજ ચાલે છે. નકલી કચેરીઓ, નકલી જજ તેના બોલતા પુરાવાઓ છે.વિપક્ષી નેતાએ એવો આરોપ મૂક્યો હતો કે ગુજરાત સરકારનો કોઇ અંકુશ નહીં હોવાના કારણે ચારેય તરફ નકલી બિયારણ વેચાઇ રહ્યું છે, નકલી બિયારણને પકડવા માટે છેક મહારાષ્ટ્રની પોલીસ સાબરકાંઠા સુધી આવે પણ ગુજરાતની પોલીસ, ગુજરાતનું તંત્ર, ગુજરાતનો કૃષિ વિભાગએ નકલી બિયારણને રોકી શકતો નથી, થાનમાં મગફળીના ગોડાઉનમાં આગ લાગી ૭૦ હજાર જેટલી બોરીઓમાં આગ લાગી જેમાં એક ભાજપના જવાબદાર આગેવાન કે જેઓ ઇફ્કો અને ગુજકોમાસોલ જેવી સંસ્થાઓનો વહીવટ કરે છે એમણે જાહેરમાં નિવેદન કર્યું કે કૌભાંડ થયા હોય અથવા કાંઇક છૂપાવવા જેવું હોય તો જ આગ લાગે છે બાકી એમને એમ આગ લાગતી નથી.&nbsp;તેમણે ગૃહમાં જણાવ્યું હતુ કે કે કદાચ અમે કહેતા હોત તો કહેતા કે કોંગ્રેસ તો વિરોધ કરે છે પણ ભારતીય જનતા પાર્ટીના ચૂંટાયેલા ધારાસભ્ય માણાવદરના અરવિંદભાઇ લાડાણીએ જાહેરમાં કહ્યું કે આ ખરીદીમાં મોટા પાયે ભ્રષ્ટાચાર થાય છે. મોટા પ્રમાણમાં ખેડૂતોનું શોષણ થાય છે અને આની તપાસ થવી જોઇએ. આ માગણી કોંગ્રેસના ધારાસભ્યએ નહીં પણ ભારતીય જનતા પાર્ટીના ધારાસભ્યએ કરી છે. આ ઉપરાંત તેમણે વિરમગામમાં થયેલા ડાંગરની ખરીદીમાં કૌભાંડ અને તેમાં મોટા નેતાઓની સાંઠગાંઠના આક્ષેપ કર્યા હતા.&nbsp;બંધ કરેલી ફસલ બીમા યોજના ચાલુ કરેતેમણે કહ્યું હતું કે કુદરતી આફતો મુદ્દે&nbsp; સમયસર પેકેજની સહાય મળે, પિયત અને બિન પિયતની સહાય વ્યવસ્થિત આયોજનપૂર્વકનું કામ થાય તે જરૃરી છે. ગુજરાતમાં બંધ કરવામાં આવેલી પ્રધાનમંત્રી ફસલ વીમા યોજનાના વિકલ્પે ગુજરાત સરકાર પોતાના બજેટમાંથી ફસલ વીમા યોજના લાગુ કરવી જોઈએ.&nbsp;&nbsp;પશુપાલકોને પૂરતા ભાવ અપાવોમોંઘો ઘાસચારો, માવજત, દાણ,&nbsp; દવાઓ મોંઘી થઇ એના કારણે પશુપાલકોને જે દૂધના ભાવ મળે છે એ પુરતા નથી. અન્ય રાજ્ય સરકારો પ્રતિ લિટર સબસિડી આપે છે. ગુજરાતમાં ૩૦ લાખ કરતા વધારે પશુપાલકો છે એમને દૂધમાં પ્રતિ લિટરે ઓછામાં ઓછી રૃ.પ સબસિડી આપવી જોઈએ.

double-income

Farmers

Gujarat assembly

<img src="https://static.gujaratsamachar.com/content_image/content_image_5c7b6cce-0053-4ef5-b802-df907ad88390.jpeg" data-filename="income tax.jpg" style="width: 100%;">(પ્રતિનિધિ તરફથી) અમદાવાદ,મંગળવાર&nbsp; &nbsp; &nbsp;&nbsp; રૃપિયા ૫૦ લાખથી વધુુની ટેક્સ ઇફેક્ટના કેસોમાં સરકારે કમ્પાઉન્ડેબલ ઓફેન્સ-આવકવેરાના કાયદા હેઠળના અન્ય કેસો તથા એન્ફોર્સમેન્ટ ડિરેક્ટોરેટ તથા સીબીઆઈએ કરેલા કેસો સહિતના કેસો જોડી દેવાની જોગવાઈ દાખલ કરીને ભરવાપાત્ર વેરો ભરી દઈને જેલની સજામાંથી બચવાનો રસ્તો ખોલી આપ્યો છે.&nbsp;એન્ફોર્સમેન્ટ ડિરેક્ટોરેટ અને સીબીઆઈ દ્વારા કરવામાં આવેલા કેસો પણ આવકવેરા ખાતાના કેસ સાથે જોડી શકાશે અને માફી પણ મેળવી શકાશે. ભૂતકાળમાં ઈડી અને સીબીઆઈના કેસો આવકવેરા ખાતાના અન્ય કેસો સાથે જોડી શકાતા નહોતા. સીબીડીટી દ્વારા હવે માત્ર રાષ્ટ્ર વિરોધી પ્રવૃત્તિને લગતા ગુનાઓ સિવાયના તમામ પ્રકારના ગુનાઓના કેસોને કમ્પાઉન્ડેબલ બનાવવામાં આવ્યા છે. કરદાતા કમ્પાઉન્ડિંગ માટે ગમે તેટલીવાર અરજી કરી શકશે. કમ્પાઉન્ડેબલ બનાવવા માટે અગાઉ નક્કી કરવામાં આવેલી ૩૬ માસની મર્યાદાને પણ સીબીડીટીએ હટાવી લીધી છે. ચોક્કસ પ્રકારના કેસોમાં કમ્પાઉન્ડિંગની જોગવાઈનો લાભ લેવા માટે અરજદારે પહેલા સીબીડીટીના ચેરમેનને મંજૂરી મેળવવાની રહેશે.&nbsp; આવકવેરાના જાણકાર પ્રમોદ પોપટનુ કહેવું છે કે આવકવેરા ધારા હેઠળ તમામ ગુનાઓને કમ્પાઉન્ડેબલ ગણીને બીજા કેસો સાથે જોડી દેવાનો રસ્તો ખોલવામાં આવ્યો છે. આવકવેરા કાયદા હેઠળ ગુનાઓ વધી જાય અને ટેક્સ લાયેબિલીટી રૃ. ૫૦ લાખથી વધારેની હોય તો તેમાં કોર્ટ કાર્યવાહી અને જેલની સજા થવાની શક્યતા પણ રહેલી છે. હવે આ ગુનાઓને એક સાથે જોડી દઈને તેમાંથી મુક્તિ મેળવી શકાશે. હા, તેને માટે કરદાતાએ વેરા પેટે ભરી આપવાની નક્કી કરેલી રકમ ચૂકવવી પડશે. આ રકમ ચૂકવ્યા પછી જ તેને જેલની સજામાંથી મુક્તિ મળી શકશે અથવા તો કોર્ટકાર્યવાહીમાંથી છૂટકારો મળશે.&nbsp;સેન્ટ્રલ બોર્ડ ઓફ ડાયરેક્ટ ટેક્સિસે બહાર પાડેલા એફએક્યુ-ફ્રિક્વન્ટલી આસ્ક્ડ ક્વેશ્ચનમાં કરવામાં આવેલી સ્પષ્ટતા મુજબ કમ્પાઉન્ડિંગ ઓફેન્સ એક એવી સિસ્ટમ છે કે જેમાં આવકવેરાના ડિફોલ્ટરને ગંભીર રાજકીય પરિણામોમાંથી મુક્તિ અપાવે છે. હા, કરદાતાને સજામાંથી મુક્ત થવા માટે આવકવેરા ખાતાએ કરવેરો જમા કરાવવાની ઊભી કરેલી જવાબદારી પ્રમાણેના નાણાં તેણે જમા કરાવી દેવા પડશે.કમ્પાઉન્ડેબલ બનાવવા માટે ૩૬ મહિનાની અંદર જ અરજી કરવાની સમય મર્યાદા પણ હટાવી લેવામાં આવી

compoundable

IT-ACT

New-FAQ

new provision of compoundable

<img src="https://static.gujaratsamachar.com/content_image/content_image_3b05056f-f95b-415a-b057-a5cda6577174.jpeg" data-filename="income tax 3.jpg" style="width: 100%;">(પ્રતિનિધિ તરફથી)	અમદાવાદ, બુધવાર હવે આવકવેરા અધિકારી તમારા ઇમેઇલ એકાઉન્ટ, સોશિયલ મિડીયા એકાઉન્ટમાં પ્રવેશી શકશે. આવકવેરાના નવા કાયદામાં કરવામાં આવેલી જોગવાઈ હેઠળ આવકવેરા અધિકારીને આ સત્તા મળી રહી છે. પહેલી એપ્રિલ ૨૦૨૬થી નવો કાયદો અમલી બનશે. ત્યારબાદ આવકવેરા અધિકારી ઇચ્છે તેના ઇ-મેઈલ એકાઉન્ટ, વોટ્સ એપ એકાઉન્ટ, ઇન્સ્ટાગ્રામ, ફેસબુક, ટ્વિટર એકાઉન્ટની ચકાસણી કરી શકશે. ડિજિટલ યુગમાં ભારત પ્રવેશી ચૂક્યું છે. આ સ્થિતિમાં આવકવેરાની ચકાસણી કે તપાસ પણ ડિજિટલ યુગની બરોબરી કરી શકે તેવી હોવી જોઈએ તે ગણતરીથી આ જોગવાઈ કરવામાં આવી છે.પહેલી એપ્રિલ ૨૦૨૬થી અમલમાં આવનારા નવા ઇન્કમટેક્સ એક્ટ હેઠળ આવકવેરા ખાતાને કરદાતાના સોશિયલ મિડીયા એકાઉન્ટની ચકાસણી કે તપાસ કરવાના અધિકાર મળશે. આવકવેરા અધિકારી કરદાતાના પ્રોફાઈલની, ઇ-મેઈલની, બેન્ક એકાઉન્ટની, ઓનલાઈન ઇન્વેસ્ટમેન્ટની અને ટ્રેડિંગ એકાઉન્ટની ચકાસણી કરી શકશે. આ ચકાસણી પછી તેમને લાગે કે સંબંધિત કરદાતાએ વેરાની ચોરી કરી છે, તમારી પાસે જાહેર ન કરેલી મિલકત છે, તમારી પાસે રોકડ, સોનું કે પછી દાગીના છે કે અન્ય કોઈ મૂલ્યવાન વસ્તુઓ છે તો તે તમારા ખાતાની ચકાસણી કરી શકશે. આવકવેરા ખાતા ૧૯૬૧ની કલમ ૧૩૨ હેઠળ આવકવેરા અધિકારીને લાગે કે સંબંધિત કરદાતાએ કરચોરી કરવાના ઇરાદાથી તેની આવક છુપાવી છે, નાણાંકીય રેકોર્ડ સંતાડી રાખ્યા છે તો આવકવેરા અધિકારી તે કરદાતાને ત્યાં દરોડો પાડી શકે છે.આવકવેરા ધારા ૧૯૬૧માં કરવામાં આવેલી જોગવાઈ હેઠળ આવકવેરા અધિકારી કરદાતાએ જાહેર ન કરેલી આવકને પકડી પાડવા માટે તેમની ઓફિસમાં ઘૂસી જવાની, સેફ-લોકર્સની તપાસ કરવાની સત્તા ધરાવે છે. પરંતુ પહેલી એપ્રિલ ૨૦૨૬ પછી આવકવેરા અધિકારી કરદાતાના ડિજિટલ એકાઉન્ટમાં પણ ડોકિયું કરી શકશે. કરદાતાની કોમ્પ્યુટર સિસ્ટમમાં એન્ટ્રી લઈ શકશે. તેમ જ તેના ઓનલાઈન એકાઉન્ટ્સની ચકાસણી કરી શકશે. આ ખાતાઓમાંથી કરચોરીની કોઈ વિગતો સાંપડી શકે તેમ છે કે નહિ તેની ચકાસણી કરી શકશે. આજકાલ નાણાંકીય વહેવારો ડિજિટલી કરવાનું વલણ અને ચલણ વધી રહ્યું છે. તેથી આવકવેરા અધિકારીઓ પણ મોડર્ન બની રહ્યા છે. તેને માટે ડિજિટલ ફોરેન્સિકનો આધાર લેવામાં આવશે. કરદાતાએ એકવાર એન્ટર કરેલી વિગતો ડિલીટ પણ કરી દીધી હશે તો ડિજિટલ ફોરેન્સિક એક્સપર્ટ તે શોધી શકશે. જોકે તેની સાથે કરદાતાની પ્રાઈવસીનો ભંગ થવાની સમસ્યા પણ ઊભી થઈ શકે છે. પરિણામે કરદાતાએ તેનું આવકવેરાનું રિટર્ન કોઈપણ જાતની માહિતી છૂપાવ્યા વિના જ ભરવું પડશે. તેમ જ તેણે કરેલા રોકાણની કોઈપણ વિગતો સંતાડવાનો પ્રયાસ કરવાનો રહેશે નહિ. કરદાતાએ ભવિષ્યમાં કોઈ જ તકલીફ ન પડે તે માટે તેના વેરાના નિષ્ણાતની સલાહ લઈને પછી જ આગળ કરદાતાએ કામ કરવું જોઈએ.

New-IT-ACT

Simplified-ACT

new IT Act bill tabled in Pariliament

<img src="https://static.gujaratsamachar.com/content_image/content_image_90bf820c-d788-4ce1-9d9f-2c090a9efaf5.jpeg" data-filename="gujarat assembly.jpeg"> (પ્રતિનિધિ તરફથી)		અમદાવાદ,બુધવારગુજરાત વિધાનસભામાં અને કેન્દ્રની સંસદમાં ગુજરાત સરકારના માથે પરના દેવા અંગે રજૂ કરવામાં આવતા આંકડાઓમાં જમીન આસમાનનો તફાવત હોવાથી ગુજરાત સરકાર જાહેર દેવાને મુદ્દે ગુજરાત વિધાનસભા અને ગુજરાતની જનતાને ગેરમાર્ગે દોરી રહી હોવાનો નિર્દેશ મળી રહ્યો છે. ૨૦૨૩-૨૪ના અંતે ગુજરાત સરકારે દર્શાવેલા આંકડા પ્રમાણે ગુજરાત સરકારનું જાહેર દેવું રૃા. ૩,૭૭,૯૬૨ કરોડનું છે. તેની સામે દેશની સંસદમાં પાચમી ફેબુ્રઆરી ૨૦૨૪ના રજૂ કરવામાં આવેલા આંકડાઓ મુજબ ગુજરાત સરકારના માથા પરનું જાહેર દેવું રૃ. ૪,૬૭,૪૬૪.૪૦ કરોડનું હોવાનું દર્શાવવામાં આવ્યું હતું. આમ ગુજરાત સરકાર અને કેન્દ્ર સરકારે ગુજરાતના માથા પરના દેવા અંગે દર્શાવેલા આંકડાંમાં જમીન આસમાનનો તફાવત છે, ગુજરાત વિધાનસભાના કોન્ગ્રેસના નેતા શૈલેશ પરમારે આજે ગુજરાત વિધાનસભામાં બજેટ અંગેની ચર્ચા દરમિયાન બોલતા જણાવ્યું હતું. આ આંકડાંઓ વચ્ચેના તફાવત અંગે ગુજરાતના નાણાં મંત્રી કનુભાઈ દેસાઈએ વહેલામાં વહેલી સ્પષ્ટતા કરવી જરૃરી છે.ગુજરાત સરકારનું જાહેર દેવું ૨૦૨૩-૨૪માં રુ. ૩,૭૭,૯૬ કરોડનું હતું. તેની સામે ૨૦૨૫-૨૬ના વર્ષમાં જાહેર દેવું વધીને રૃા. ૪,૫૫,૫૩૭ કરોડનો અંદાજ આપવામાં આવ્યો છે. આમ છેલ્લા બે વર્ષમાં ગુજરાત સરકારે તેના દેવામાં રોજના રૃા. ૧૦૬.૨૬ કરોડનો વધારો કર્યો છે. આ દેવાનું વ્યાજ ચૂકવવા માટે રોજના ગુજરાત સરકાર રૃા. ૬૮.૮૨ કરોડ ખર્ચી રહી છે. ગ્રોસ ડોમેસ્ટિક પ્રોડક્ટ્સના મૂલ્ય સાથે જાહેર દેવાની ટકાવારી કાઢવામાં આવે તો તે ૧૪.૯૬ ટકાની આસપાસની છે. ગુજરાત સરકારે ૨૦૨૪.-૨૫ના વર્ષમાં રૃા. ૭૬૦૦૦ કરોડનું નવું દેવું લીધું છે. ગુજરાતના એક નાગરિકને માથે અંદાજે રૃા. ૨,૫૯,૩૦૮ કરોડનું દેવું છે. આમ ગુજરાત સરકારની રૃા.૧ની આવકમાંથી ૮.૮૩ પૈસા તો રાજ્યના દેવા પરના વ્યાજની ચૂકવણી કરવામાં જ ખર્ચાઈ જાય છે.&nbsp;- ગુજરાત સરકાર જાહેર દેવાની બાબતમાં કંઈક છુપાવી રહી હોવાની આશંકા વધી રહી છે- જાહેર દેવાના વ્યાજ પેટે ગુજરાત સરકાર રોજના રૃા.૬૮.૮૨ કરોડનું વ્યાજ ચૂકવે છે

public-debt

Gujarat-s

2025-26

public debt of Gujarat

<img src="https://static.gujaratsamachar.com/content_image/content_image_c0aaa2d7-23f3-4490-af54-3394be1fc5d2.jpeg" data-filename="canadas.jpg" style="width: 100%;"> (પ્રતિનિધિ તરફથી) અમદાવાદ,સોમવાર કેનેડા સરકારે હેલ્થકેર અને ટ્રેડ વર્કની કેટેગરીમાં હળવા નિયમો સાથે વિઝા આપવાનું નક્કી કર્યું છે. હેલ્થકેરના સેક્ટરમાં એનિમલ હેલ્થ ટેકનોલોજિસ્ટ, વેટરનરી ટેકનિશિયન, કાર્ડિયોલોજી ટેકનોલોજિસ્ટ, ડેન્ટલ હાઈજિનિસ્ટ, ડેન્ટલ થેરપિસ્ટ, , મેડિકલ ટેક્નોલોજીસ્ટ, ફાર્માસિસ્ટ, ફાર્મસી ટેકનિશિયન, સોશિયલ એન્ડ કોમ્યુનિટી સર્વિસ વર્કર, સોશિયલ વર્કરને થોડા ઉદાર બનીને એન્ટ્રી આપવામાં આવશે. ૨૦૨૫ના વર્ષ માટેની એક્સપ્રેસ એન્ટ્રીમાં કેટેગરી આધારિત એન્ટ્રી આપવાનો નિર્ણય લેવામાં આવ્યો છે. ૨૦૨૫માં એક્સપ્રેસ એન્ટ્રી આપવા માટે શિક્ષણના ક્ષેત્રનો પણ સમાવેશ કરવામાં આવ્યો છે. ખેતી કામ સાથે સંકળાયેલા કુશળ કારીગરોને પણ ૨૦૨૫ની સાલમાં એક્સપ્રેસ એન્ટ્રીમાં પ્રવેશ આપવા કેનેડા સરકાર ઉત્સુક છે.&nbsp;ટ્રેડ વર્કરની કેટેગરીમાાં ઓઈલ એને ગેસ ડ્રિંલિંગ સર્વિસ, ફ્લોર કવરિંગ ઇન્સ્ટોલર, પેઈન્ટર, ઇન્ટિરિયર ડેકોરેટર સિવાયના ડેકોરેટર, રુફર્સ, શિન્ગર્સ, કોન્ક્રિટ ફિનિશર, પાણીના કૂવા ડ્રિલ કરનારા, ઇલેક્ટ્રિક મિકેનિક્સ, હેવી ડયૂટી ઇક્વિપમેન્ટ મિકનિક્સ, બ્રિકલેયર્સ, કેબિન મેકર્સ, ગેસફિટર્સ, ઇન્ડસ્ટ્રીયલ ઇલેક્ટ્રિશિયન વગેરોને એક્સપ્રેસ એન્ટ્રીમાં સ્થાન આપવાનો નિર્ણય લેવામાં આવ્યો છે.&nbsp; ઉપરોક્ત તમામ કેટેગરીમાં નવો ડ્રો કરીને ઓછામાં ઓછા મેરિટ પર પણ પ્રવેશ આપવાનો નિર્ણય લેવામાં આવ્યો છે. આમ બહારથી આવનારા નાગરિકોની એન્ટ્રીને નિયંત્રિત કરનાર કેનેડા સરકારે હવે થોડો ઉદાાર અભિગમ અપનાવવા માંડયો છે.<div> </div>

canada-visa

canada visa liberalised

https://play.google.com/store/apps/details?id=com.gujaratsamachar&pcampaignid=web_share

GUJARAT SAMACHAR APP NEWS