T20ના ઇતિહાસમાં પહેલીવાર એક ઈનિંગમાં 2 ખેલાડી રિટાયર્ડ આઉટ, મેચ ટાઈ!
Summarized by AI; it may make mistakes. Check important info
Summarized by AI; it may make mistakes. Check important info
Northern Knights vs Otago In Super Smash 2025-26: T20 ક્રિકેટમાં, અનોખા શોટ અને નવી-નવી બોલિંગ એક્શનની સાથે-સાથે ટીમોની અલગ-અલગ પ્રકારની અનોખી રણનીતિઓ પણ જોવા મળે છે. રવિવાર, 4 જાન્યુઆરીના રોજ એક એવો જ નજારો ન્યુઝીલેન્ડમાં યોજાઈ રહેલી સુપર સ્મેશ 2025-26 ડોમેસ્ટિક T20 ટુર્નામેન્ટ દરમિયાન જોવા મળ્યો. રિટાયર્ડ આઉટ થવું એ હવે T20 ક્રિકેટમાં સામાન્ય બની ગયું છે, પરંતુ એક ઈનિંગમાં ઘણા ખેલાડીઓનું રિટાયર્ડ આઉટ થવું એ કંઈક નવું છે. આવું જ કંઈક નોર્ધન નાઈટ્સ vs ઓટાગો મેચ દરમિયાન થયું, જ્યારે નોર્ધન નાઈટ્સની ટીમ 167 રનના ટાર્ગેટનો પીછો કરી રહી હતી.
આ રન ચેઝ દરમિયાન એક સમયે નોર્ધન નાઈટ્સનો સ્કોર 16 ઓવર પછી 3 વિકેટના નુકસાન પર 109 રન હતો. છેલ્લી ચાર ઓવરમાં ટીમને જીત માટે 58 રનની જરૂર હતી. જીત રાવલ 27 બોલ પર 23 રન બનાવીને ખૂબ ધીમી ઈનિંગ રમી રહ્યો હતો. 17મી ઓવરનો પહેલો ડોટ કરતા જ જીત રાવલે રિટાયર્ડ આઉટ થવાનો નિર્ણય લીધો, જેનાથી આગામી બેટ્સમેન ઝડપથી રન બનાવીને ટીમને જીત અપાવી શકે.
T20ના ઇતિહાસમાં પહેલીવાર એક ઈનિંગમાં 2 ખેલાડી રિટાયર્ડ આઉટ
છઠ્ઠા નંબર પર ઉતરેલા કેપ્ટન બેન પોમારે આવતાની સાથે જ ઝડપથી રન બનાવવાનું શરૂ કરી દીધું. પ્રથમ 4 બોલ પર જ તેણે બે ચોગ્ગા ફટકારી દીધા. બીજા છેડે ઝેવિયર બેલ પણ સારી લયમાં નહોતો દેખાઈ રહ્યો. તે 13 બોલ પર 9 રન બનાવીને રમી રહ્યો હતો. જીત રાવલથી પ્રેરાઈને તેણે પણ 18મી ઓવરના પહેલા બોલ પર રિટાયર્ડ આઉટ થવાનો નિર્ણય લીધો. આમ, T20 ક્રિકેટના ઇતિહાસમાં પહેલી વાર એવું થયું કે, એક ઈનિંગમાં એકથી વધુ ખેલાડી રિટાયર્ડ આઉટ થયા.
આ પણ વાંચો: મેરિટમાં આગળ હોય તો જનરલ કેટેગરીની નોકરીમાં પણ SC/ST/OBCનો હક : સુપ્રીમ કોર્ટ
મેચ થઈ ગઇ ટાઈ
જીત રાવલ અને ઝેવિયર બેલનો રિટાયર્ડ આઉટ થવાનો નિર્ણય ટીમના કામ આવ્યો. કેપ્ટન બેન પોમારે 10 બોલમાં 20 રન બનાવ્યા તો બીજી તરફ સ્કોટ કુગેલેઈજને 12 બોલમાં 34 રન બનાવ્યા. જોકે, બંને પણ ટીમને જીત ન અપાવી શક્યા અને મેચ ટાઈ થઈ ગઈ. નોર્ધન નાઈટ્સ પણ પોતાના નિર્ધારિત 20 ઓવરમાં 166 રનનો સ્કોર કરવામાં સફળ રહી.
