Samsung Hike Price: સેમસંગે તેના ગેલેક્સી સ્માર્ટફોન અને ટેબ્લેટ સિરીઝના અનેક મોડેલોના ભાવ વધાર્યા છે. આ વધારો હાલમાં અમેરિકામાં કરવામાં આવ્યો છે. જોકે એની અસર દુનિયાભરના દરેક દેશમાં જોવા મળશે. ભારતમાં પણ ઘણાં મોબાઇલની કિંમતમાં બદલાવ કરવામાં આવ્યો છે. હાઇ-એન્ડ મોબાઇલમાં પણ બહુ જલદી આ વધારો કરવામાં આવી શકે છે. દુનિયાભરમાં હાલમાં મેમરીની અછતને કારણે આ ભાવ વધારો કરવામાં આવ્યો છે. આ કારણે RAM અને SSD માટે ઉપયોગમાં લેવાતી NAND ફ્લેશ મેમરીના ખર્ચમાં વધારો થઈ રહ્યો છે. આ ભાવવધારો પ્રીમિયમ ડિવાઇસ જેવા કે Galaxy Z Flip 7, S25 Edge તેમજ મીડિયમ સિરીઝના મોડેલ્સ જેમ કે S25 FE પર પણ વધારવામાં આવ્યો છે.
પ્રીમિયમ ડિવાઇસમાં $40-$80નો વધારો
સેમસંગના પ્રીમિયમ ડિવાઇસમાં $40-$80 સુધીનો ભાવ વધારો જોવા મળ્યો છે, પરંતુ બેઝ મોડેલનો ભાવ એટલો જ રાખવામાં આવ્યો છે.
• Galaxy Z Flip 7 (512GB) નો ભાવ $1,299.99 (અંદાજે ₹1,08,549.17) થયો છે, જે પહેલા $1,219.99 હતો.
• Galaxy S25 FE (256GB) નો ભાવ $709.99માંથી વધીને $749.99 (અંદાજે ₹62,624.17) થયો છે.
• Galaxy S25 Edge (512GB) હવે $1,299.99 (અંદાજે ₹1,08,549.17)માં મળે છે, જે પહેલા $1,219.99 હતો.
ટેબ્લેટના ભાવમાં પણ વધારો
આ વધારો માત્ર સ્માર્ટફોન સુધી મર્યાદિત નથી. સેમસંગના ટેબ્લેટ લાઇનઅપમાં પણ કેટલાક મોડેલોના ભાવમાં $280 સુધીનો વધારો થયો છે.
• Galaxy Tab S11 (128GB) હવે $899.99 (અંદાજે ₹75,149.17)માં મળે છે, જે પહેલા $799.99 હતો.
• Galaxy Tab S11 Ultra (256GB) નો ભાવ $1,199.99 (અંદાજે ₹1,08,549.17)માંથી વધીને $1,299.99 થયો છે.
આ બે મોડલ સેમસંગના સૌથી વધુ વેચાતા મોડલ છે. આથી એમાં $100નો જ વધારો કરવામાં આવ્યો છે.
આ પણ વાંચો: Metaના સ્માર્ટ ચશ્મા પર વિવાદ: પ્રાઇવસી ગ્રુપ્સે ફેશિયલ રિકગ્નિશન બંધ કરવાની કરી માંગ
બજેટ મોડેલ્સ પર પણ અસર
બજેટ ફ્રેન્ડલી મોડેલ્સ જેમ કે Galaxy Tab A11 Plus (128GB) ના ભાવમાં પણ વધારો થયો છે.
• હવે આ ડિવાઇસ $299.99 (અંદાજે ₹25,049.17)માં મળે છે, જે પહેલા $249.99 હતી.
• આ મોડેલના 5G વેરિઅન્ટનો ભાવ પણ $279.99માંથી વધીને $329.99 (અંદાજે ₹27,554.17) થયો છે.
