આઇફોન 16ની નવી ફરિયાદ: મોબાઇલ ચાલુમાં ફ્રીઝ થવાની સાથે રિસ્ટાર્ટ પણ થઈ રહ્યો છે

iPhone 16 Freeze Issue: આઇફોન 16 સીરિઝ લોન્ચ થયાને હજી બે મહિના નથી થયા, પરંતુ એમાં એક પછી એક ઘણાં પ્રોબ્લેમ આવી રહ્યા છે. એક પ્રોબ્લેમ સોલ્વ થતાં બીજો નવો શરુ થઈ રહ્યો છે. આ પ્રોબ્લેમ એપલની આઇઓએસ 18ના કારણે થઈ રહ્યો છે. ઘણાં યુઝર્સના આઇફોન ચાલુમાં ફ્રીઝ થઈ જાય છે અને રિસ્ટાર્ટ થઈ રહ્યા છે.

ઇશ્યુ હજી સોલ્વ ન થયો

આઇફોન 16 સીરિઝની સાથે જૂની આઇફોન સીરિઝના પણ ઘણા આઇફોનમાં ફ્રીઝ અને રિસ્ટાર્ટનો ઇશ્યુ હતો. આઇફોન 16માં ટચ સ્ક્રીનનો ઇશ્યુ હતો. આ ઇશ્યુને આઇઓએસ 18.0.1 દ્વારા સોલ્વ કરવામાં આવ્યો છે. જોકે સ્પ્રિન્ગ બોર્ડ એટલે કે કોઈ પણ ઍપ્લિકેશનનો ઉપયોગ કરતાં હોય ત્યારે એ ફ્રીઝ થઈ જાય છે અને ઓટોમેટિક રિસ્ટાર્ટ થાય છે. આ ઇશ્યુને હજી પણ સોલ્વ કરવામાં નથી આવ્યો.

પડ્યો-પડ્યો રિસ્ટાર્ટ થાય

આઇફોનનો ઉપયોગ કરી રહ્યા હોવ અને ત્યારે કોઈ પ્રોબ્લેમ આવવાથી એ બંધ થઈ જાય અને સ્પ્રિન્ગ બોર્ડ રિસ્ટાર્ટ થાય એ સમજી શકાય, પરંતુ આઇફોનનો ઉપયોગ પણ ન કરી રહ્યા હોય ત્યારે પણ એ ઓટોમેટિક રિસ્ટાર્ટ થઈ રહ્યો છે. એપલ દ્વારા કેટલાક ડિવાઇઝને રિપ્લેસ પણ કરી આપવામાં આવ્યા હતા. જો કે રિપ્લેસ ડિવાઇઝમાં પણ આ ઇશ્યુ ફરી આવી રહ્યા છે.

હેરાનગતિ

આ ઇશ્યુ એક વાર કે બે વાર નહીં, પરંતુ દિવસભરમાં 10થી 20 વાર થઈ રહ્યા છે. મોટાભાગે આ ઇશ્યુ આઇફોન 16 પ્રો સીરિઝમાં થઈ રહ્યા છે. જો કે જૂની સીરિઝમાં જેમણે નવું વર્ઝન અપડેટ કર્યું હોય એમાં પણ આ ઇશ્યુ શરુ થયા છે. થોડી-થોડી વારે આ ઇશ્યુ થવાથી યુઝર્સને હેરાનગતિ થઈ રહી છે.

આ પણ વાંચો: ઘરની વસ્તુ ખરીદવા માટે 2100 રૂપિયાની ભોજન માટેની કૂપનનો ઉપયોગ કરતાં મેટાએ 24 કર્મચારીને નોકરીમાંથી કાઢી મૂક્યા

શું છે સોલ્યુશન?

એપલ દ્વારા નવી અપડેટ દ્વારા એને ફિક્સ કરવામાં આવે તો એનો ઉકેલ થઈ શકે છે. જો કે ત્યાં સુધી રાહ ન જોવી હોય તો આઇફોનને રિસ્ટોર કરી શકાય છે. જો કે આ રિસ્ટોર કરતી વખતે એક વસ્તુ ધ્યાન રાખવી કે આઇક્લાઉડ પરથી બેકઅપને રિસ્ટોર ન કરવું. તેમ જ આઇફોન નવો હોય તે રીતે ઉપયોગ કરતાં જ આ ઇશ્યુ સોલ્વ થઈ શકશે. બેકઅપ લીધો હોય અને એનો ફરી ઉપયોગ કરવાથી એ ઇશ્યુ ફરી આવી શકે છે. જો કે આ સ્ટેપ પણ દરેક ડિવાઇઝમાં કામ કરે એ જરૂરી નથી, પરંતુ મોટાભાગે બેકઅપમાં કોઈ ફાઇલ કરપ્ટ થઈ હોવાથી પણ એ થઈ શકે છે.