હોટલ સંચાલક પર હુમલો કરી રિવોલ્વરની લૂંટ કરનાર ઝડપાયો
Updated: Jan 23rd, 2023
ભક્તિનગર રેલ્વે સ્ટેશન પાછળ થોડા દિવસ પહેલા
આરોપી પાસેથી રિવોલ્વર કબ્જે ઃ બે દિવસના રિમાન્ડ પર મેળવી પૂછપરછ
પ્રાપ્ત માહિતી મુજબ વૃધ્ધ સવજીભાઈ ગઇ તા. ૧૮મીએ ભક્તિનગર
રેલ્વે સ્ટેશન પાછળ પટ્ટમાં કબુતરોને ચણ નાખવા ગયા હતા ત્યારે અજાણ્યા શખ્સ ભડકો
કરી બાજુમાં પાણીની ડોલ લઇ બેઠો હોય તેને ભડકો કરવાની ના પાડી પાણી ઢોળી નાખતા
ઉશ્કેરાયેલા શખ્સે તેના પર હુમલો કરી ઇજા કરી તેણે કમરે બાંધેલી પરવાનાવાળી
રિવોલ્વર લૂંટી ભાગી ગયો હતો.
રેલ્વે પી.આઈ. એ.બી. અંસારી સહિતના સ્ટાફે આ મામલે ગુનો
દાખલ કરી તપાસ શરૃ કરી હતી. પોલીસે ઘટનાસ્થળની આસપાસ સીસીટીવી કેમેરા ચેક કર્યા
બાદ આરોપી જે તરફ ભાગ્યો હતો તે રુટના પણ કેમેરા ચેક કરતા છેલ્લે પગેરૃ કાલાવડ રોડ
વિસ્તારમાં મળતા પોલીસે ત્યાં પહોંચી એક પટ્ટમાંથી આરોપીને પકડી લઇ રિવોલ્વર કબ્જે
કરી હતી. દરમિયાન આરોપીને કોર્ટમાં રજૂ કરી બે દિવસના રિમાન્ડ પર મેળવી પોલીસે વધુ
પુછપરછ જારી રાખી છે.