NEET PGના ઉમેદવારો અંગે સુપ્રીમ કોર્ટનો મોટો નિર્ણય, પરીક્ષા એક શિફ્ટમાં યોજાશે

NEET 2025: NEET (NATIONAL ELIGIBILITY CUM ENTRANCE TEST) 2025ની પરીક્ષાનું આયોજન દેશભરમાં નક્કી કરેલા વિવિધ કેન્દ્રો પર એક જ શિફ્ટમાં યોજાશે. બે શિફ્ટમાં પરીક્ષાના આયોજનને પડકારતી અરજી પર સુનાવણી દરમિયાન શુક્રવારે (30 મે) સુપ્રીમ કોર્ટે પરીક્ષાનું એક જ શિફ્ટમાં આયોજન કરવાનો નિર્ણય લીધો છે. પરીક્ષાનું આયોજન 15 જૂનથી સીબીટી મોડમાં કરવામાં આવશે. નોંધનીય છે કે, આ પહેલા પરીક્ષા બે શિફ્ટમાં આયોજિત કરવાનો કાર્યક્રમ જાહેર કરાયો હતો. 

એક જ શિફ્ટમાં યોજાશે પરીક્ષા

સુપ્રીમ કોર્ટે શુક્રવારે નેશનલ બોર્ડ ઑફ એગ્ઝામિનેશનને નિર્દેશ કર્યો કે, તે NEET PG 2025ની પરીક્ષાનું આયોજન બે શિફ્ટમાં ન કરવું પરંતુ, એક શિફ્ટમાં જ ગોઠવો. કોર્ટે NBE (National Board of Examinations in Medical Sciences)ને નિર્દેશ આપ્યો કે, પારદર્શિતા સુનિશ્ચિત કરવા માટે પરીક્ષાને એક જ શિફ્ટમાં આયોજિત કરવાની વ્યવસ્થા કરો. 15 જૂને યોજાનારી પરીક્ષા માટે આવશ્યક વ્યવસ્થા કરવા અને કેન્દ્રોની ઓળખ કરવા માટે હજુ પણ પૂરતો સમય છે.

આ પણ વાંચોઃ રાહુલ ગાંધી PM હોત તો PoK પાછું લઈ લીધું હોત..' તેલંગાણાના મુખ્યમંત્રીના નિવેદનોથી રાજકીય ગરમાવો

કોર્ટના નિર્ણય પર પ્રતિવાદી તરફથી બીજી દલીલ એ હતી કે જો પરીક્ષાનું આયોજન કરતી સંસ્થા વધુ કેન્દ્રોની ઓળખ કરવા માટે એક સંદર્ભ આપે છે, પરંતુ તેને વધુ સમયની જરૂર પડી શકે છે. જેના પરિણામ સ્વરૂપ પરીક્ષા આયોજિત કરવામાં મોડું થઈ શકે છે અને તમામ પરિણામી કાઉન્સેલિંગ અને પ્રવેશ વગેરેમાં મોડું થઈ શકે છે, જે આ કોર્ટ દ્વારા નિર્ધારિત સમય મર્યાદા મુજબ નહીં હોય. જોકે, કોર્ટે આ તર્કનો અસ્વીકાર કર્યો હતો અને કહ્યું કે, પરીક્ષા પૂરી થયા બાદ બીજા રાહત દાવાને લગતા મુદ્દા પર વિચારણા કરવામાં આવશે. 

NEET PG 2025: ક્યારે જાહેર થશે સિટી સ્લીપ?  

નીટ પીજી પરીક્ષામાં સામેલ થનાર ઉમેદવારો માટે પરીક્ષાની સિટી સ્લિપ 2 જૂને રજૂ કરવામાં આવશે. આ સ્લિપ સત્તાવાર વેબસાઇટ પર જાહેર નહીં થાય. ઉમેદવારના સત્તાવાર ઈમેલ આઈડી પર આ સ્લિપ મોકલવામાં આવીશે, જેને ઉમેદવારો ડાઉનલોડ કરી શકશે. 

આ પણ વાંચોઃ 'દારૂ પીને વ્યક્તિ હેવાન બની જાય છે...', ડૉક્ટર પિતા દ્વારા દીકરીના યૌન શોષણ મામલે સુપ્રીમ કોર્ટની ટિપ્પણી

નીટ પીજી એડમિટ કાર્ડ ક્યારે આવશે? 

એડમિટ કાર્ડ પરીક્ષા તારીખથી આશરે ચાર દિવસ પહેલા જાહેર કરવામાં આવશે. પ્રવેશ પત્ર પરીક્ષા બોર્ડની સત્તાવાર વેબસાઇટ natboard.edu.in પર જાહેર કરવામાં આવશે, જેને ઉમેદવાર એપ્લિકેશન નંબર અને જન્મ તારીખ દ્વારા ડાઉનલોડ કરી શકશે. ઉમેદવાર એ વાતનું ખાસ ધ્યાન રાખે કે, એડમિટ કાર્ડ વિના પરીક્ષા સેન્ટરમાં પ્રવેશ આપવામાં નહીં આવે.