‘દુનિયાને ઊંચા ભાવે અમેરિકન તેલ-ગેસ ખરીદવા મજબૂર કરી રહ્યા છે’ ટ્રમ્પના બળાપા બાદ રશિયાનો જવાબ

Russia Slams Donald Trump : અમેરિકાના રાષ્ટ્રપ્રમુખ ડોનાલ્ડ ટ્રમ્પે સંયુક્ત રાષ્ટ્રની મહાસભામાં બળાપો કાઢ્યો હતો. તેમણે ભારત, ચીન, નાટો, સંયુક્ત રાષ્ટ્રની ટીકા કરવાની સાથે રશિયાને પણ આડે હાથ લીધું હતું. ત્યારે હવે રશિયાએ ટ્રમ્પને સણસણતો જવાબ આપ્યો છે. રશિયાએ ટ્રમ્પને બિઝનેસમેન ગણાવ્યા છે અને કહ્યું કે, તેઓ દુનિયાને મોંઘા ભાવે અમેરિકન તેલ અને ગેસ ખરીદવા મજબૂર કરી રહ્યા છે.

UNમાં ટ્રમ્પની ચેતવણી બાદ રશિયા ભડક્યું

ટ્રમ્પે મંગળવાર 23 સપ્ટેમ્બરે સંયુક્ત રાષ્ટ્ર મહાસભાને સંબોધન કર્યું હતું, જેમાં તેમણે ચેતવણી આપી હતી કે, ‘જો રશિયા યુક્રેનમાં યુદ્ધ સમાપ્ત નહીં કરે તો તેના પર નવા અને કડક ટેરિફ લગાવવામાં આવશે. તેમણે ભારત અને ચીન પર રશિયન તેલ ખરીદીને યુક્રેન યુદ્ધને ફંડિંગ કરવાનો આરોપ લગાવ્યો હતો. આ સાથે જ તેમણે યુરોપિયન દેશોને પણ રશિયા સામે આ પ્રકારની કાર્યવાહી કરવા અપીલ કરી હતી. તેમણે કહ્યું હતું કે, ‘યુરોપીયન દેશો હજુ પણ રશિયા પાસેથી ઉર્જા ખરીદી રહ્યા છે, જ્યારે હું રશિયા સાથે લડી રહ્યો છું, તેથી તેમણે શરમ આવવી જોઈએ.’

આ પણ વાંચો : આટલો મોટો ભૂવો નહીં જોયો હોય, અચાનક જ આખો રસ્તો ગાયબ જ થઈ ગયો

અમે કાગળ પરના સિંહ નહીં, રીંછ છીએ : રશિયા

ટ્રમ્પે સોશિયલ ટ્રુથ પર પોસ્ટ કરીને રશિયાને 'કાગળનો સિંહ' ગણાવ્યો હતો. આ નિવેદન પર ક્રેમલિનના પ્રવક્તા દિમિત્રી પેસ્કોવે (Dmitry Peskov) જવાબ આપતા કહ્યું કે, ‘રશિયા કાગળનો સિંહ નથી, પરંતુ રીંછ છે અને કાગળનું રીંછ ક્યાંય હોતું નથી. રશિયાના રાષ્ટ્રપતિ વ્લાદિમીર પુતિન યુક્રેન વિવાદને ઉકેલવામાં મદદ કરવાની ટ્રમ્પની ઈચ્છાની પ્રશંસા કરે છે, પરંતુ રશિયન સેના યુક્રેનમાં ઝડપથી આગળ વધી રહી છે.’

આ પણ વાંચો : ટ્રમ્પને સંયુક્ત રાષ્ટ્રની ટીકા કરવી ભારે પડી, ચીને આપ્યો જડબાતોડ જવાબ