PM Modi Meets President Droupadi Murmu : વડાપ્રધાન નરેન્દ્ર મોદીએ આજે (3 ઓગસ્ટ) રાષ્ટ્રપતિ ભવન પહોંચી રાષ્ટ્રપતિ દ્રૌપદી મુર્મુ સાથે મુલાકાત કરી છે. એકતરફ જ્યારથી સંસદનું ચોમાસુ શરૂ થયું છે, ત્યારથી વિપક્ષના હોબાળાના કારણે સંસદની કાર્યવાહી ઠપ છે, વિપક્ષો ઓપરેશન સિંદૂર, ભારત-પાકિસ્તાન ઘર્ષણ અંગે અમેરિકાના રાષ્ટ્રપતિ ડોનાલ્ડ ટ્રમ્પના નિવેદન અને બિહાર વિધાનસભા ચૂંટણી પહેલા સ્પેશિયલ ઇન્ટેન્સિવ રિવિઝન (SIR) મામલે સંસદમાં સવાલો ઉઠાવી રહ્યા છે. આ ઉપરાંત ઉપરાષ્ટ્રપતિ જગદીપ ધનખરે પણ રાજીનામું આપી દીધું છે. આ તમામ ઘટનાક્રમ વચ્ચે વડાપ્રધાને રાષ્ટ્રપતિ સાથે મુલાકાત કરી છે. જોકે તેમણે કયા કારણોસર મુલાકાત કરી તે હજુ સુધી સ્પષ્ટ થયું નથી.
રાષ્ટ્રપતિ ભવને મુલાકાતની માહિતી આપી
રાષ્ટ્રપતિ ભવનના સત્તાવાર એક્સ હેન્ડલ પર વડાપ્રધાન મોદી અને રાષ્ટ્રપતિ વચ્ચે મુલાકાતની તસવીરો શેર કરવામાં આવી છે. વડાપ્રધાન અને રાષ્ટ્રપતિ વચ્ચે એવા સમયે મુલાકાત થઈ છે, જ્યારે ભારતના આગામી ઉપરાષ્ટ્રપતિની ચૂંટણીની ઔપચારિક પ્રક્રિયાઓ શરૂ થઈ ગઈ છે. ચૂંટણી પંચે પહેલી ઓગસ્ટના રોજ ઉપરાષ્ટ્રપતિ પદની ચૂંટણીના કાર્યક્રમની જાહેરાત કરી છે.
9 સપ્ટેમ્બરે ઉપરાષ્ટ્રપતિ પદની ચૂંટણી
ચૂંટણી પંચના જણાવ્યા મુજબ, ઉપરાષ્ટ્રપતિ પદ માટેની ચૂંટણી 9 સપ્ટેમ્બરે યોજવામાં આવશે. ચૂંટણી પંચ દ્વારા જાહેર ચૂંટણી કાર્યક્રમ મુજબ, સાતમી ઓગસ્ટે ચૂંટણી માટે નોટિફિકેશન જારી કરવામાં આવશે. ત્યારબાદ ઈચ્છુક ઉમેદવારો પોતાનું ઉમેદવારી ફોર્મ 21 ઓગસ્ટ સુધીમાં નોંધાવી શકશે. પછી ઉમેદવારી પત્રોની ચકાસણી 22 ઓગસ્ટે યોજાશે.
આ પણ વાંચો : 7 ઓગસ્ટે રાહુલ ગાંધીના નિવાસ સ્થાને વિપક્ષનું મહત્ત્વપૂર્ણ બેઠક, ભાજપનું વધશે ટેન્શન
વડાપ્રધાને અગાઉ 7 મેએ રાષ્ટ્રપતિ સાથે મુલાકાત કરી હતી
આ પહેલા 16 જુલાઈના રોજ વડાપ્રધાન મોદીએ રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુ સાથે મુલાકાત કરી હતી. બંને વચ્ચે સંસદના ચોમાસા સત્ર પહેલા મુલાકાત થઈ હતી. રાષ્ટ્રપતિ ભવને કહ્યું હતું કે, 7 મેના રોજ વડાપ્રધાન મોદીએ રાષ્ટ્રપતિ સાથે મુલાકાત કરી હતી અને તેમણે ઓપરેશન સિંદૂર અંગે માહિતી આપી હતી.
આ પણ વાંચો : સ્પાઈસ જેટના 4 સ્ટાફ મેમ્બર્સ પર યાત્રીનો નિર્દયતાપૂર્વક હુમલો, ગંભીર ઈજાઓ પહોંચી
