India

અડવાણી સહિત BJPના મોટા નેતાઓને ECની નોટિસથી ખડગે ભડક્યા, SIR પ્રક્રિયાને ગણાવી ‘ફ્રેન્કેસ્ટાઇન મોન્સ્ટર’

By GS Team

21 Sep 20263 mins read

Mallikarjun Kharge Slams EC Over SIR Notice : દિલ્હીમાં મતદાર યાદીના વિશેષ સઘન SIRની કામગીરી દરમિયાન ચૂંટણી પંચ દ્વારા પૂર્વ નાયબ વડાપ્રધાન લાલકૃષ્ણ અડવાણી સહિતની અનેક જાણીતી રાજકીય હસ્તીઓને નોટિસ પાઠવવામાં આવી છે. ચૂંટણી પંચની આ કાર્યવાહીને પગલે રાજકીય ગરમાવો આવી ગયો છે. કોંગ્રેસ અધ્યક્ષ મલ્લિકાર્જુન ખડગેએ આ મુદ્દે સોશિયલ મીડિયા પર આકરા પ્રહારો કરતાં ચૂંટણી પંચ પર નિશાન સાધ્યું છે અને આ સમગ્ર પ્રક્રિયાને એક ‘ફ્રેન્કેસ્ટાઇન મોન્સ્ટર’ ગણાવી છે. બિહારથી શરૂ થયેલી ખામીયુક્ત પ્રક્રિયા હવે દિલ્હી પહોંચી કોંગ્રેસ અધ્યક્ષ મલ્લિકાર્જુન ખડગેએ સોશિયલ મીડિયા પોસ્ટમાં જણાવ્યું છે કે, 'બિહારથી શરૂ થયેલી SIR પ્રક્રિયા હવે દિલ્હીના દરવાજે પહોંચી ગઈ છે, કદાચ હવે સત્તાધીશોને સમજાઈ રહ્યું હશે કે કોંગ્રેસ પક્ષ શા માટે પહેલા જ દિવસથી આ સમગ્ર પ્રક્રિયાને ખામીયુક્ત ગણાવી રહ્યો હતો.' https://x.com/kharge/status/2101920793273720961?s=20 પોતાના જ લોકો ફસાયા હોવાનો ખડગેનો દાવો ખડગેએ વધુમાં પ્રહાર કરતાં કહ્યું છે કે, 'SIR એ માત્ર ભાજપ દ્વારા મત ચોરી અને લોકશાહીને ખતમ કરવાનું હથિયાર જ નથી, પરંતુ આ ખામીયુક્ત પ્રક્રિયા હવે એક એવું ફ્રેન્કેસ્ટાઈન મોન્સ્ટર બની ગઈ છે જેણે હવે પોતાના જ લોકોને સકંજામાં લઈ લીધા છે.' તેમણે ઉમેર્યું કે, 'ભાજપના સૌથી વરિષ્ઠ નેતા લાલકૃષ્ણ અડવાણી, વર્તમાન વિદેશ મંત્રી, દિલ્હીના ઉપરાજ્યપાલ (LG), રાજ્યસભા સાંસદ, પૂર્વ કેન્દ્રીય મંત્રી અને પૂર્વ મુખ્યમંત્રી સહિતના દિગ્ગજોને નોટિસ આપવામાં આવી છે. સ્થિતિ તો એવી બની છે કે આ પહેલાં ભારત રત્નથી સન્માનિત વૈજ્ઞાનિક અને પૂર્વ નૌસેના પ્રમુખને પણ નોટિસ ફટકારવામાં આવી ચૂકી છે.' બંગાળમાં 93% લોકો અપીલ જીત્યા મતદારોના અધિકાર અંગે ચિંતા વ્યક્ત કરતાં તેમણે લખ્યું છે કે, 'બંગાળમાં જે લોકોના નામ કાપીને તેમને મતદાન કરતાં રોકવામાં આવ્યા હતા, તેમાંથી અત્યાર સુધીના ચુકાદા આવેલા કેસોમાં 93% લોકો પોતાની અપીલ જીતી ગયા છે. તેનો અર્થ એ થયો કે 1,13,943 લોકોને ફરીથી મતદાર યાદીમાં સામેલ કરવામાં આવશે. આખરે કયા આધારે તેમનો મતાધિકાર છીનવી લેવામાં આવ્યો હતો?' VIP વોટ વધારે કિંમતી બની ગયો? ખડગેના EC પર પ્રહાર ચૂંટણી પંચ દ્વારા બહાર પાડવામાં આવેલી પ્રેસ રિલીઝ સામે સવાલ ઉઠાવતાં ખડગેએ જણાવ્યું છે કે, 'ચૂંટણી પંચ હવે સત્તાવાર પ્રેસ રિલીઝ બહાર પાડીને VIP અથવા માર્ક્ડ મતદારોનો ઉલ્લેખ કરી રહ્યું છે. શું હવે ભારતના સાર્વત્રિક પુખ્ત મતાધિકારમાં મતદારોની કોઈ વિશેષ કેટેગરી ઊભી થઈ ગઈ છે, જેમ કે VIP મતદાર અને સામાન્ય મતદાર? શું આપણા બંધારણે આપેલા ‘વન પર્સન, વન વોટ, વન વેલ્યૂ’ ના સિદ્ધાંતનું આ ઉલ્લંઘન નથી? શું હવે VIP વોટ વધારે કિંમતી બની ગયો છે?' સામાન્ય મતદારો માટે ચૂપ અને VIP લોકો માટે પ્રેસ રિલીઝ : ખડગેને ચૂંટણી પંચ પર આક્ષેપ ખડગેએ આંકડાકીય વિગતો રજૂ કરતાં વધુમાં લખ્યું છે કે, 'SIRના પ્રથમ 3 તબક્કામાં 31 રાજ્યો અને કેન્દ્રશાસિત પ્રદેશોમાં 13.8 કરોડ લોકો મતદાર યાદીમાંથી બહાર થઈ ગયા છે, જે કુલ 94.78 કરોડ મતદારોના લગભગ 14.61% જેટલા થાય છે. આટલી મોટી સંખ્યા બાદ પણ કોના ઈશારે હાથ પર હાથ ધરીને બેસી રહેવામાં આવ્યું છે? VIP લોકો માટે પ્રેસ રિલીઝ અને કરોડો સામાન્ય મતદારો માટે માત્ર ખામોશી!'

Summarized by AI; it may make mistakes. Check important info

અડવાણી સહિત BJPના મોટા નેતાઓને ECની નોટિસથી ખડગે ભડક્યા, SIR પ્રક્રિયાને ગણાવી ‘ફ્રેન્કેસ્ટાઇન મોન્સ્ટર’

Mallikarjun Kharge Slams EC Over SIR Notice : દિલ્હીમાં મતદાર યાદીના વિશેષ સઘન પુનરીક્ષણ(SIR)ની કામગીરી દરમિયાન ચૂંટણી પંચ દ્વારા પૂર્વ નાયબ વડાપ્રધાન લાલકૃષ્ણ અડવાણી સહિતની અનેક જાણીતી રાજકીય હસ્તીઓને નોટિસ પાઠવવામાં આવી છે. ચૂંટણી પંચની આ કાર્યવાહીને પગલે રાજકીય ગરમાવો આવી ગયો છે. કોંગ્રેસ અધ્યક્ષ મલ્લિકાર્જુન ખડગેએ આ મુદ્દે સોશિયલ મીડિયા પર આકરા પ્રહારો કરતાં ચૂંટણી પંચ પર નિશાન સાધ્યું છે અને આ સમગ્ર પ્રક્રિયાને એક ‘ફ્રેન્કેસ્ટાઇન મોન્સ્ટર’ ગણાવી છે.

બિહારથી શરૂ થયેલી ખામીયુક્ત પ્રક્રિયા હવે દિલ્હી પહોંચી

કોંગ્રેસ અધ્યક્ષ મલ્લિકાર્જુન ખડગેએ સોશિયલ મીડિયા પોસ્ટમાં જણાવ્યું છે કે, 'બિહારથી શરૂ થયેલી SIR પ્રક્રિયા હવે દિલ્હીના દરવાજે પહોંચી ગઈ છે, કદાચ હવે સત્તાધીશોને સમજાઈ રહ્યું હશે કે કોંગ્રેસ પક્ષ શા માટે પહેલા જ દિવસથી આ સમગ્ર પ્રક્રિયાને ખામીયુક્ત ગણાવી રહ્યો હતો.'

Loading tweet...

પોતાના જ લોકો ફસાયા હોવાનો ખડગેનો દાવો

ખડગેએ વધુમાં પ્રહાર કરતાં કહ્યું છે કે, 'SIR એ માત્ર ભાજપ દ્વારા મત ચોરી અને લોકશાહીને ખતમ કરવાનું હથિયાર જ નથી, પરંતુ આ ખામીયુક્ત પ્રક્રિયા હવે એક એવું ફ્રેન્કેસ્ટાઇન મોન્સ્ટર બની ગઈ છે જેણે હવે પોતાના જ લોકોને સકંજામાં લઈ લીધા છે.' તેમણે ઉમેર્યું કે, 'ભાજપના સૌથી વરિષ્ઠ નેતા લાલકૃષ્ણ અડવાણી, વર્તમાન વિદેશ મંત્રી, દિલ્હીના ઉપરાજ્યપાલ (LG), રાજ્યસભા સાંસદ, પૂર્વ કેન્દ્રીય મંત્રી અને પૂર્વ મુખ્યમંત્રી સહિતના દિગ્ગજોને નોટિસ આપવામાં આવી છે. સ્થિતિ તો એવી બની છે કે આ પહેલાં ભારત રત્નથી સન્માનિત વૈજ્ઞાનિક અને પૂર્વ નૌસેના પ્રમુખને પણ નોટિસ ફટકારવામાં આવી ચૂકી છે.'

બંગાળમાં 93% લોકો અપીલ જીત્યા

મતદારોના અધિકાર અંગે ચિંતા વ્યક્ત કરતાં તેમણે લખ્યું છે કે, 'બંગાળમાં જે લોકોના નામ કાપીને તેમને મતદાન કરતાં રોકવામાં આવ્યા હતા, તેમાંથી અત્યાર સુધીના ચુકાદા આવેલા કેસોમાં 93% લોકો પોતાની અપીલ જીતી ગયા છે. તેનો અર્થ એ થયો કે 1,13,943 લોકોને ફરીથી મતદાર યાદીમાં સામેલ કરવામાં આવશે. આખરે કયા આધારે તેમનો મતાધિકાર છીનવી લેવામાં આવ્યો હતો?'

VIP વોટ વધારે કિંમતી બની ગયો? ખડગેના EC પર પ્રહાર

ચૂંટણી પંચ દ્વારા બહાર પાડવામાં આવેલી પ્રેસ રિલીઝ સામે સવાલ ઉઠાવતાં ખડગેએ જણાવ્યું છે કે, 'ચૂંટણી પંચ હવે સત્તાવાર પ્રેસ રિલીઝ બહાર પાડીને VIP અથવા માર્ક્ડ મતદારોનો ઉલ્લેખ કરી રહ્યું છે. શું હવે ભારતના સાર્વત્રિક પુખ્ત મતાધિકારમાં મતદારોની કોઈ વિશેષ કેટેગરી ઊભી થઈ ગઈ છે, જેમ કે VIP મતદાર અને સામાન્ય મતદાર? શું આપણા બંધારણે આપેલા ‘વન પર્સન, વન વોટ, વન વેલ્યૂ’ના સિદ્ધાંતનું આ ઉલ્લંઘન નથી? શું હવે VIP વોટ વધારે કિંમતી બની ગયો છે?'

‘સામાન્ય મતદારો માટે ચૂપ અને VIP લોકો માટે પ્રેસ રિલીઝ’

ખડગેએ આંકડાકીય વિગતો રજૂ કરતાં વધુમાં લખ્યું છે કે, 'SIRના પ્રથમ 3 તબક્કામાં 31 રાજ્યો અને કેન્દ્રશાસિત પ્રદેશોમાં 13.8 કરોડ લોકો મતદાર યાદીમાંથી બહાર થઈ ગયા છે, જે કુલ 94.78 કરોડ મતદારોના લગભગ 14.61% જેટલા થાય છે. આટલી મોટી સંખ્યા બાદ પણ કોના ઈશારે હાથ પર હાથ ધરીને બેસી રહેવામાં આવ્યું છે? VIP લોકો માટે પ્રેસ રિલીઝ અને કરોડો સામાન્ય મતદારો માટે માત્ર ખામોશી!'