LPG સંકટ વચ્ચે રાહતના સમાચાર, અમેરિકા બાદ હવે રશિયાથી કાર્ગો શિપ ભારત પહોંચ્યું
Summarized by AI; it may make mistakes. Check important info
Summarized by AI; it may make mistakes. Check important info
America Russia LPG Supply In India : દેશમાં એલપીજી સંકટ વચ્ચે મોટા રાહતના સમાચાર સામે આવ્યા છે. અમેરિકાના ટેક્સાસથી એલપીજી ટેન્કર લઈને નિકળેલું પાયક્સિસ પાયોનિયર (Pyxis Pioneer) ટેન્કર મેંગલુરુ પોર્ટ પર પહોંચ્યા બાદ હવે રશિયન એક્વા ટાઈટન (Aqua Titan) જહાજ ક્રૂડ ઓઈલના ટેન્કરો પણ ન્યૂ મેંગલુરુ પોર્ટ પર પહોંચી ગયા છે.
25 માર્ચે 26687 ટન ગેસ ભારત આવશે
આગામી સપ્તાહે વધુ બે એલપીજી કાર્ગો શિપ ભારત આવવાના છે. આમાંથી એપોલો ઓસિયન નામનું ટેન્કરમાં લગભગ 26687 ટન ગેસ લઈને 25 માર્ચે ભારત આવશે. આ ગેસથી ઈન્ડિયન ઑઈલ અને ભારત પેટ્રોલિયમ પોતાની જરૂરીયાત પુરી કરશે.
30,000 ટન ગેસ ભરેલું ટેન્કર 29 માર્ચે મેંગલુરુ પહોંચશે.
આ ઉપરાંત વધુ એક 30,000 ટન ગેસ ભરેલું ટેન્કર 29 માર્ચે ભારત આવશે. આ ગેસથી HPCL પોતાની જરૂરીયાત પુરી કરશે. એટલે કે આગામી સપ્તાહે મેંગલુરુમાં 72700 ટનથી વધુ રસોઈ ગેસ પહોંચી જશે.
દક્ષિણ ભારતના રાજ્યોમાં પહોંચાડાશે ગેસ
આ ગેસ ઈન્ડિયન ઑઈલ, ભારત પેટ્રોલિયમ અને એચપીસીએલ પાસે પહોંચ્યા બાદ ત્રણેય કંપનીઓ દક્ષિણ ભારતના રાજ્યોમાં રસોઈ ગેસની જરૂરીયાત પુરી કરશે.
