Election Commission : બિહાર બાદ હવે દેશના પાંચ રાજ્યો આસામ, તમિલનાડુ, પુડુચેરી, કેરળ અને પશ્ચિમ બંગાળમાં મતદાર યાદીના વિશેષ સઘન પુનરીક્ષણ (SIR)ની પ્રક્રિયા શરૂ થઈ ગઈ છે અને આ માટે ચૂંટણી પંચે વ્યાપક તૈયારીઓ શરૂ કરી દીધી છે. આ પાંચેય રાજ્યોમાં આવતા વર્ષે એપ્રિલ અને મે મહિનામાં વિધાનસભાની ચૂંટણીઓ યોજાવાની છે.
દિલ્હીમાં યોજાઈ ચૂંટણી પંચની પરિષદ
વાસ્તવમાં નવી દિલ્હીમાં બે દિવસીય રાષ્ટ્રીય પરિષદ યોજાઈ હતી, જેમાં મુખ્ય ચૂંટણી કમિશનર જ્ઞાનેશ કુમાર, ચૂંટણી કમિશનર ડૉ. સુખબીર સિંહ સંધુ, ડૉ. વિવેક જોશી, મુખ્ય ચૂંટણી અધિકારીઓ અને જિલ્લા ચૂંટણી અધિકારીઓ ઉપસ્થિત રહ્યા હતા. આ પરિષદમાં તમામ રાજ્યો અને કેન્દ્ર પ્રદેશ શાસિતના અધિકારીઓ પણ ઉપસ્થિત રહ્યા હતા.
તમામ રાજ્યો-કેન્દ્રશાસિત પ્રદેશોમાં SIR પ્રક્રિયા શરૂ કરવા નિર્દેશ
પરિષદ દરમિયાન મુખ્ય ચૂંટણી કમિશનરે તમામ રાજ્યો અને કેન્દ્રશાસિત પ્રદેશોમાં SIRની તૈયારીઓને અંતિમ રૂપ આપવાનો મુખ્ય ચૂંટણી અધિકારીઓને સ્પષ્ટ નિર્દેશ આપ્યો હતો. પરિષદ યોજવાનો મુખ્ય ઉદ્દેશ્ય પારદર્શન અને ભૂલ વગરની મતદાર યાદી તૈયાર કરવાનો તેમજ ચૂંટણી પ્રક્રિયા નિષ્ફળ અને અસરકાર પૂર્ણ કરવાનો હતો.
આ પણ વાંચો : નવા મુખ્ય ન્યાયાધીશની નિમણૂક પ્રક્રિયા શરૂ, જસ્ટિસ સૂર્ય કાંતનું નામ મોખરે
પાંચ રાજ્યોના ચૂંટણી અધિકારીઓ સાથે વિશેષ વાતચીત
ચૂંટણી પંચે આસામ, તમિલનાડુ, પુડુચેરી, કેરળ અને પશ્ચિમ બંગાળના ચૂંટણી અધિકારીઓ સાથે વિશેષ વાતચીત કરી છે, કારણ કે આ રાજ્યોમાં આગામી વર્ષ 2026માં વિધાનસભા ચૂંટણી યોજાઈ શકે છે, તેથી ચૂંટણી પંચે આ રાજ્યોમાં SIR માટેની અધિકારીઓની તૈયારીની સમીક્ષા કરી છે.
આ પણ વાંચો : નાગ મિસાઈલથી માંડી તોપ સુધી... ત્રણેય સૈન્યને મળશે ઘાતક હથિયાર, 79000 કરોડ મંજૂર
