5 રાજ્યોનો ઓપિનિયન પોલ, બંગાળમાં ભાજપ માટે 'મિશન ઇમ્પોસિબલ', કોંગ્રેસ માટે કપરા ચઢાણ

Assembly Elections Opinion Poll: આજે દેશના 5 રાજ્યોમાં ચૂંટણીનો 'એલાન-એ-જંગ' થઈ ગયો છે. ચૂંટણી પંચે તારીખોની જાહેરાત કરવાની સાથે જ આચારસંહિતા લાગુ થઈ ગઈ છે. ત્યારે MATRIZE-IANSના ઓપિનિયન પોલ જાહેર કર્યો છે, તમિલનાડુમાં 23 એપ્રિલે અને બંગાળમાં 23 અને 29 એપ્રિલે મતદાન તો આસામ, કેરલમ અને પુડુચેરીમાં 9 એપ્રિલે એક જ તબક્કામાં મતદાન થશે. બધા રાજ્યોના પરિણામો 4 મેના રોજ જાહેર કરવામાં આવશે.

કેવા સમીકરણો બની રહ્યા છે?

ભાજપ માટે આ ચૂંટણીઓમાં ગુમાવવા માટે ખાસ કંઈ નથી, પરંતુ મેળવવા માટે ઘણું બધું છે. પશ્ચિમ બંગાળમાં ભાજપ માટે આ 'મિશન ઇમ્પોસિબલ' જેવી ચૂંટણી છે, કારણ કે અત્યાર સુધી ત્યાં ભાજપે ક્યારેય સરકાર બનાવી નથી. આવી જ સ્થિતિ તમિલનાડુમાં પણ છે. કેરલમમાં ભાજપ અત્યાર સુધી શૂન્ય પર હતું, જ્યારે આસામમાં ભાજપ હેટ્રિક ફટકારી શકે છે. જો કોંગ્રેસ આસામ હારશે તો તેની હારની હેટ્રિક થશે. બીજી તરફ પુડુચેરીમાં હાલ NDAની સરકાર છે. હિમંતા બિસ્વા સરમા આસામની નસને સારી રીતે સમજી રહ્યા છે અને તે મુજબ પોતાના પત્તા ફેંકી રહ્યા છે. તમિલનાડુમાં અભિનેતા વિજય 'X ફેક્ટર' બનીને આવ્યા છે, જેમણે NDA અને INDI ગઠબંધન બંનેની ઊંઘ ઉડાવી દીધી છે. કેરલમમાં ભાજપને આશા છે કારણ કે ત્યાં પહેલીવાર ભાજપના સાંસદ જીત્યા છે અને તિરુવનંતપુરમમાં ભાજપના મેયર બન્યા છે. વિજયન સરકાર સામે 10 વર્ષની એન્ટી-ઈન્કમ્બન્સી અને કોંગ્રેસમાં આંતરિક ડખાનો ફાયદો કોને થશે? 

જુઓ MATRIZE-IANSના ઓપિનિયન પોલના આંકડા

પશ્ચિમ બંગાળ: મમતાનું વર્ચસ્વ કે ભાજપનો ઉદય?

બંગાળની 294 બેઠકો પર રસાકસી જામશે. ઓપિનિયન પોલ મુજબ મમતા બેનર્જીની TMC ફરી સરકાર બનાવી શકે છે, પરંતુ ભાજપ તેને જોરદાર ટક્કર આપી રહ્યું છે. અહીં AIMIMનું પણ જોર જોવા મળી શકે છે.

TMC: 155-170 બેઠકો (43-45% વોટ)

ભાજપ: 100-115 બેઠકો (41-43% વોટ)

AIMIM+ : 5-6 બેઠકો (13-15% વોટ)

અન્ય: 00-01 બેઠકો 

આસામ: ભાજપની હેટ્રિકના સંકેત

આસામમાં ભાજપ મજબૂત સ્થિતિમાં દેખાઈ રહ્યું છે. 126 બેઠકોવાળી વિધાનસભામાં ભાજપ સ્પષ્ટ બહુમતી મળી શકે તેવો અંદાજો છે.

ભાજપ: 96-98 બેઠકો

કોંગ્રેસ: 26-28 બેઠકો

અન્ય: 02-08 બેઠકો

તમિલનાડુ: શું ભાજપ પહેલીવાર સરકાર બનાવશે?

તમિલનાડુમાં આ વખતે મોટો ઉલટફેર જોવા મળી શકે છે. ઓપિનિયન પોલ મુજબ NDA અને DMK વચ્ચે કાંટાની ટક્કર છે.

NDA: 114-127 (39-40% વોટ)

DMK ગઠબંધન: 104-114, (37-38% વોટ)

TVK (વિજય): 06-12, (14-15% વોટ)

અન્ય:  (10-12% વોટ)

કેરલમ: LDF અને UDF વચ્ચે ટક્કર

કેરલમમાં 140 બેઠકો માટે જંગ જામશે. અહીં ડાબેરી ગઠબંધન (LDF) અને કોંગ્રેસના ગઠબંધન (UDF) વચ્ચે નજીકની સ્પર્ધા છે, જ્યારે ભાજપ પણ પોતાનું ખાતું ખોલાવી શકે છે.

LDF: 61-71 બેઠકો

UDF: 58-69 બેઠકો

ભાજપ: 02 બેઠકો

ચૂંટણીની જાહેરાત સાથે જ તમામ પક્ષોએ પ્રચારની તૈયારીઓ તેજ કરી દીધી છે. શું ભાજપ બંગાળમાં ઇતિહાસ રચશે કે પછી મમતા બેનર્જી પોતાનો ગઢ બચાવવામાં સફળ રહેશે? કોંગ્રેસની નાવડી ફરી આ ચૂંટણીમાં ડૂબતી હોય તેવું દેખાઈ રહ્યું છે. હાલ તો આ આંકડા પ્રાથમિક અનુમાન છે તેમાં મતદાન નજીક આવતા લોકોનો રસ બદલાઈ શકે છે ત્યારે શું થશે તે જોવું રસપ્રદ રહેશે.

આ પણ વાંચો: બંગાળ-આસામ સહિત 5 રાજ્યોમાં વિધાનસભા ચૂંટણીની જાહેરાત, ગુજરાતની એક બેઠક પર યોજાશે પેટા-ચૂંટણી

પશ્ચિમ બંગાળ: બે તબક્કામાં મતદાન, 23 અને 29 એપ્રિલે મતદાન તો 4 મેના રોજ પરિણામ

તમિલનાડુ: 23 એપ્રિલે એક તબક્કામાં મતદાન, 4 મેના રોજ પરિણામ

કેરલમ: 9 એપ્રિલે એક જ તબક્કામાં મતદાન, 4 મેના રોજ પરિણામ

આસામ: 9 એપ્રિલે એક જ તબક્કામાં મતદાન, 4 મેના રોજ પરિણામ

પુડુચેરી: 9 એપ્રિલે એક જ તબક્કામાં મતદાન, 4 મેના રોજ પરિણામ