'બિગ બોસ' :
વિવાદાસ્પદ હોવા છતાં આ શોની નાનીમોટી સેલિબ્રિટીઓએ 'બિગ બોસ'ને ખરા અર્થમાં 'બોસ'નું સ્થાન અપાવી દીધું.
'ઇન્ડિયન આઇડલ' :
આ રીઆલિટી શોના એક એકથી ચડિયાતા ગાયક-ગાયિકાઓએ દર્શકોને ડોલાવીને બતાવી આપ્યું હતું કે તેમના કંઠના કામણ શોને મહત્વનું સ્થાન લેતાં નહીં અટકાવી શકે.
'કૌન બનેગા કરોડપતિ' :
કરોડપતિ બનવાની હોડમાં સામેલ થયેલા સ્પર્ધકો અને અમિતાભ બચ્ચનના સંચાલનને પગલે વર્ષોથી લોકપ્રિય રહેલા આ શોએ આ વર્ષે પણ તેનું નામ ટોચના ૧૦ શોમાં નોંધાવ્યું હતું.
'ખતરોં કે ખિલાડી' :
કેટલીક વખત સૂગ ચડાવે અને ક્યારેક જીવ ઊંચા કરી દે એવા સ્ટંટ દર્શાવતા આ શોમાં ભાગ લેનારા સ્પર્ધકોની મૃદુ-કઠોર નીતિ કામ કરી ગઈ અને શોને ટોપ-૧૦માં સ્થાન અપાવ્યું.
'સુપર ડાન્સર' :
આ વર્ષના જૂલાઈ માસમાં શરૂ થયેલા આ રીઆલિટી શોના ડાન્સરોએ લોકોના મન મોહવામાં કોઈ મણા નથી રાખી.
'રોડીઝ' :
લાંબા વર્ષોથી ચાલી રહેલા આ સાહસિક શોના યુવાન હરીફોએ તેમાં નાટકીયતા ઉમેરીને મહત્વનું સ્થાન સફળતાપૂર્વક અકબંધ રાખ્યું હતું.
'ધ કપિલ શર્મા શો' :
આ ટોક શોના પુન:પ્રસારણે દર્શકોને ફરીથી પેટ પકડીને હસાવવા સાથે રેંકિંગમાં અગત્યનું સ્થાન મેળવી લીધું હતું.
'સા રે ગ મ પ' :
વર્ષોથી ચાલી રહેલા 'સા રે ગ મ પ'નાં ગાયક-ગાયિકાઓના અફલાતૂન પરફોર્મન્સે આ વર્ષે પણ લોકોના દિલમાં સફળતાપૂર્વક જગ્યા બનાવી છે.
'શાર્ક ટેંક' :
પ્રાઈમ ટાઈમ ઓડિયન્સને આ એન્ટ્રપ્રેન્યોરશીપની પ્રેરણા આપતો શો ખાસ્સો ગમી રહ્યો છે.
'પતિ પત્ની ઔર પંગા' :
નવા નવા સેલિબ્રિટી યુગલોના જીવનમાં ડોકિયા કરવાની તકે આ શોને ટોપ-૧૦ની યાદીમાં લાવી મૂક્યો.
