. રાજેશ ખન્નાનું સાચું નામ શું હતું? તેમનો જન્મ ક્યારે અને ક્યાં થયો હતો?
- આદિત્ય પરીખ (જૂનાગઢ)
* રાજેશ ખન્નાનું સાચું નામ જતીન ખન્ના હતું અને તેમનો જન્મ ૨૯ ડિસેમ્બર, ૧૯૪૨માં પંજાબના અમૃતસરમાં થયો હતો.
. વિનોદ ખન્નાના કેટલા સંતાનો છે? તેમણે બે લગ્ન કર્યા હતા?
- અભિમન્યુ જાડેજા (ભૂજ)
* વિનોદ ખન્નાએ બે લગ્ન કર્યા હતા. પહેલા લગ્ન ગીતાંજલિ સાથે (૧૯૭૧થી ૧૯૮૫) અને બીજા લગ્ન કવિતા સાથે (૧૯૯૦થી ૨૦૧૭). તેમના ચાર સંતાનો છે- અક્ષય ખન્ના, રાહુલ ખન્ના, સાક્ષી ખન્ના અને શ્રધ્ધા ખન્ના.
. 'ચાંદની' ફિલ્મનું ટાઇટલ સોંગ કોના પર ફિલ્માવાયું હતું, એ ફિલ્મમાં સંગીત કોનું હતું?
- હરિ આનંદ (વડોદરા)
* 'ચાંદની' ફિલ્મમાં સંગીત શિવ-હરિનું હતું અને ટાઇટલ સોંગ રિશી કપૂર અને શ્રીદેવી પર ફિલ્માવાયું હતું.
. ૧૯૯૨માં આવેલી રોમેન્ટિક-એક્શન ફિલ્મ 'દીવાના'ના કલાકાર-ફિલ્મસર્જકો કોણ હતા?
- ધીરજ પંડયા (ભૂજ)
* 'દીવાના' ફિલ્મના નિર્માતા ગુડ્ડુ ધનુઆ અને લલિત કપૂર છે અને દિગ્દર્શક રાજ કંવર છે. કલાકારોમાં રિશી કપૂર, દિવ્યા ભારતી, શાહરૂખ ખાન અને અમરિશ પુરી છે.
. 'સાજન' ફિલ્મસર્જક, દિગ્દર્શક કોણ હતા?
* ૧૯૯૧માં આવેલી 'સાજન' ફિલ્મના નિર્માતા સુધાકર બોકાડે અને દિગ્દર્શક લોરેન્સ ડિ'સોઝા હતા.
. રાજશ્રીની 'મૈંને પ્યાર કિયા' ફિલ્મ કેટલામાં બની હતી અને તેણે બોક્સ ઓફિસ પર કેટલી કમાણી કરી હતી?
- અમૂલ શાહ (ભૂજ)
* 'મૈંને પ્યાર કિયા' ફિલ્મ બે કરોડમાં બની હતી અને આ ફિલ્મે બોક્સઓફિસ પર રૂા.૨૮૦ મિલિયનથી વધુની કમાણી કરી હતી. સલમાન ખાનની હીરો તરીકેની આ પ્રથમ ફિલ્મ હતી, જે ૨૯ ડિસેમ્બર, ૧૯૮૯માં રિલિઝ થઈ હતી.
. 'હા મૈંને ભી પ્યાર કિયા'ના કલાકારો કોણ કોણ હતા?
- પ્રદીપ શાહ (સુરત)
* આ ફિલ્મમાં અભિષેક બચ્ચન, કરિશ્મા કપૂર અને અક્ષયકુમાર, શક્તિ કપૂર, હિમાની શિવપુરી અને કાદર ખાન હતા.
. 'દિલવાલે દુલ્હનિયા લે જાયેંગે' ફિલ્મમાં શાહરૂખ ખાન, કાજોલનું નામ શું હતા અને સંગીત કોનું હતું?
- રશ્મિ ખત્રી (ભૂજ)
* આ ફિલ્મમાં શાહરૂખ ખાનનું નામ રાજ અને કાજોલનું નામ સિમરન હતું અને સંગીત જતીન-લલિતે આપ્યું હતું.
. 'વીર-ઝારા' ફિલ્મમાં કોના વચ્ચે પ્રેમ થાય છે?
- રમણલાલ જગ્ગડ
* આ ફિલ્મમાં ભારતીય હવાઈદળના પાઇલોટ (શાહરૂખ ખાન) અને પાકિસ્તાની યુવતી ઝારા (પ્રીતિ ઝિન્ટા) વચ્ચે પ્રેમ થાય છે અને વકીલ બનેલી રાણી મુકરજી પાઇલોટને પાકિસ્તાની જેલમાંથી મુક્તિ અપાવે છે.
. 'દિલ તો પાગલ હૈ' ફિલ્મમાં ટાઈટલ સોંગ કોના પર ફિલ્માવાયું છે? આ ફિલ્મની સ્ટોરી કોની હતી?
- રતિલ યાજ્ઞિાક (વડોદરા)
* 'દિલ તો પાગલ હૈ..' આ ગીત માધુરી દીક્ષિત અને અક્ષયકુમાર પર ફિલ્માવાયું હતું. આ ફિલ્મની સ્ટોરી આદિત્ય ચોપરાએ લખી હતી અને પટકથા તેમની સાથે તનુજા ચંદ્રા, પમેલા ચોપરા અને યસ ચોપરાએ લખી હતી.
. ૨૦૦૪માં આવેલી 'અમેલી' ફિલ્મનું દિગ્દર્શન કોણે કર્યું હતું?
- રવિ રાઠોડ (નવસારી)
* કરિના કપૂર, રિન્કી ખન્ના અને રાહુલ બોઝ અભિનીત આ ફિલ્મના દિગ્દર્શક અનંત બાલાની હતા, પણ ફિલ્મ પૂરી થાય એ પહેલાં જ તેમનું નિધન થતાં બાકીની ફિલ્મ સુધીર મિશ્રાએ પૂરી કરી હતી.
. 'લગા ચુનરી મેં દાગ' કઈ સાલમાં આવી હતી અને તેના મુખ્ય કલાકારો કોણ કોણ હતા?
- રોહિણી પાઠક (અમદાવાદ)
* આ ફિલ્મ ૨૦૦૭માં રિલિઝ થઈ હતી અને તેના મુખ્ય કલાકારોમાં જયા બચ્ચન, અભિષેક બચ્ચન, રાની મુકરજી, કોંકણા સેન અને કૃણાલ કપૂર હતા.
. 'ઝંકાર બિટ્સ' નામની કોઈ ફિલ્મ આવી હતી? ક્યારે આવી હતી અને તેના કલાકાર કોણ કોણ?
- રવિ જાની (અમદાવાદ)
* 'ઝંકાર બિટ્સ' ફિલ્મ ૨૦ જૂન, ૨૦૦૩માં રિલિઝ થઈ હતી પ્રીતિશ નાંદી કોમ્યુનિકેશનની આ ફિલ્મના દિગ્દર્શક સુજોય ઘોય છે અને તેના મુખ્ય કલાકારોમાં સંજય સુરી, રાહુલ બોસ, શયાન મુન્સી, જુહી ચાવલા, રિન્કી ખન્ના અને રિયા સેનનો સમાવેશ થાય છે.
. કઈ ફિલ્મમાં અનિલ કપૂરે તેની પૂછ કાઢી નાખી હતી?
- રણદીપ ગુજ્જર (ધેડ)
* યશ ચોપરાની 'લમ્હેં' ફિલ્મમાં અનિલ કપૂરે તેની મૂછ કાઢી હતી.
. 'પ્રાણ જાયે પર શાન ના જાયે' ફિલ્મમાં અમન વર્મા સાથે અન્ય ક્યાં કલાકારો હતા?
- રાજશ્રી ભટ્ટ (ભાવનગર)
* આ ફિલ્મમાં અમન વર્મા સાથે રિન્કી ખન્ના, દિયા મિર્ઝા, રવિના ટંડન અને ભરત જાધવ જેવા કલાકારો હતા.
. 'વાસ્તવ: ધ રિયાલિટી' નામની એક્શન - ક્રાઈમ ફિલ્મ સત્યઘટના પર આધારિત હતી?
- રાજેશ પટેલ (સુરત)
* 'વાસ્તવ' ફિલ્મની કથા-દિગ્દર્શન મહેશ માંજરેકરના હતા, પણ આ ફિલ્મ સત્ય ઘટના પર આધારિત નહોતી. એ એક ફિક્શન ફિલ્મ હતી, જેમાં સંજય દત્ત, નમ્રતા શિરોડકર, મોહનીશ બહલ, શિવાજી સાતમ, રીમા લાગુ, પરેશ રાવલ અને સંજય નાર્વેકર જેવા કલાકારો હતા.
. 'આન: મેન એટ વર્ક'ના ત્રણ મુખ્ય કિરદાર કોણ કોણ હતા? અને તેના દિગ્દર્શક કોણ હતા?
- ઇબ્રાહિમ ઝાલા
* મધુર ભંડારકરની આ એક્શન - થ્રિલર ફિલ્મના ત્રણ મુખ્ય કલાકાર અક્ષયકુમાર, સુનીલ શેટ્ટી અને શત્રુઘ્ન સિંહા હતા. તેમની સાથે જેકી શ્રોફ, પરેશ રાવલ, રવિના ટંડન, લારા દત્તા અને ઇરફાન ખાન હતા.
. 'અક્સ' ફિલ્મના નિર્માતા અને કલાકાર કોણ હતા? એ ક્યાં જોનરની ફિલ્મ હતી?
- પંકજ પંડયા (અમદાવાદ)
* 'અક્સ' સુપરનેચરલ એક્શન-થ્રિલર ફિલ્મ હતી, જેના નિર્માતા અમિતાભ બચ્ચન અને જામુ સુગંધ હતા. મુખ્ય કલાકારોમાં અમિતાભ બચ્ચન, રવિના ટંડન, મનોજ બાજપેયી અને નંદિતા દાસનો સમાવેશ થાય છે.
