વડોદરા : પ્રતાપગનર - એકતાનગર વચ્ચે દોડતી મેમુ ટ્રેનને ફરીથી એક સપ્તાહ માટે બંધ કરવાનો નિર્ણય પશ્ચિમ રેલવે દ્વારા લેવામાં આવ્યો છે. અગાઉ દિવાળી વેકેશન વખતે પણ પ્રતાપનગર-એકતાનગર વચ્ચે ટ્રેનો રદ્દ કરવામાં આવી હતી. એકતાનગર એટલે કે સ્ટેચ્યૂ ઓફ યુનિટી જેવા પ્રવાસન સ્થળોની ટ્રેન વારંવાર રદ્દ કરવામાં આવતી હોવાથી પ્રવાસીઓમાં ભારે રોષ જોવા મળી રહ્યો છે.

સ્ટેચ્યૂ ઓફ યુનિટીને જોડતી રેલવે લાઇન શરૃ કરવા ઉતાવળે કરાયેલી કામગીરીના કારણે વારંવાર ટ્રેકમાં સર્જાતી ખામી

આ ઉપરાંત અમદાવાદ-વિરમગામ વચ્ચે સાણંદ અને ગોરા ઘુમા સ્ટેશનોને કનેક્ટિવિટી પૂરી પાડવાના સંબંધમાં ટ્રાફિક વર્ક ઓર્ડર કાર્ય માટે વડોદરા -જામનગર ઇન્ટરસિટી એક્સપ્રેસ રદ રહેશે. તા.૨૭મી રવિવારે વડોદરા-જામનગર અને તા.૨૮મી સોમવારે જામનગર-વડોદરા ઇન્ટરસિટી ટ્રેન દોડશે નહી.