કોરોનાએ ફરી માથું ઉંચક્યું : છેલ્લા ૨૪ કલાકમાં ૨૮૩ કેસ-૧નું મૃત્યુ

અમદાવાદ, રવિવાર

ગુજરાતના ૬ મહાનગરોમાં સ્થાનિક સ્વરાજની ચૂંટણી સંપન્ન થતાં જ કોરોનાના કેસમાં પણ ફરી વધારો થવા લાગ્યો છે. છેલ્લા ૨૪ કલાકમાં ૨૮૩ નવા કેસ નોંધાયા હતા જ્યારે એકમાત્ર મૃત્યુ પંચમહાલમાં નોંધાયું હતું. આ સાથે જ રાજ્યમાં  કુલ કેસનો આંક ૨,૬૭,૧૦૪ જ્યારે કુલ મરણાંક ૪,૪૦૫ છે. હાલમાં ૧૬૯૦ એક્ટિવ કેસ છે જ્યારે ૨૯ દર્દી વેન્ટિલેટર પર છે.

છેલ્લા ૨૪ કલાક દરમિયાન અમદાવાદ શહેરમાંથી ૬૬-ગ્રામ્યમાંથી ૨ એમ ૬૮ નવા કેસ નોંધાયા હતા. અમદાવાદમાં ફેબુ્રઆરીમાં નોંધાયેલા કોરોનાના સર્ચોચ્ચ કેસ છે. વડોદરા શહેરમાં ૫૭-ગ્રામ્યમાં ૮ સાથે ૬૫ કેસ સામે આવ્યા છે. અન્યત્ર સુરત ૪૬-ગ્રામ્યમાં ૧ સાથે ૪૭ અને રાજકોટ શહેરમાં ૧૬-ગ્રામ્યમાં ૬ સાથે ૨૨ નવા કેસ નોંધાયા છે. કુલ કેસનો આંક હવે અમદાવાદમાં ૬૨,૧૬૩-સુરતમાં ૫૩,૩૦૭-વડોદરામાં ૨૯,૩૪૬ અને રાજકોટમાં ૨૩,૦૧૫ છે. અન્ય જિલ્લાઓ કે જ્યાં છેલ્લા ૨૪ કલાકમાં કોરોનાના કેસમાં વધારો નોંધાયો તેમાં ૧૧ સાથે કચ્છ, ૯ સાથે ગાંધીનગર, ૭ સાથે જામનગર, ૬ સાથે મોરબી, ૫ સાથે પંચમહાલ-મોરબી-સાબરકાંઠા, ૪ સાથે દાહોદ-આણંદ,૩ સાથે મહેસાણા-ભાવનગર-જુનાગઢ- ખેડા-ગીર સોમનાથ, ૨ સાથે અરવલ્લી-દેવભૂમિ દ્વારકા, ૧ સાથે નર્મદા-મહીસાગર-વલસાડ-બોટાદનો સમાવેશ થાય છે.

બનાસકાંઠા-ભાવનગર-છોટા ઉદેપુર-ડાંગ-નવસારી-પાટણ-પોરબંદર-સુરેન્દ્ર એમ ૮ જિલ્લામાં છેલ્લા ૨૪ કલાકમાં કોરોનાનો એકપણ નવો કેસ નોંધાયો નથી. ગુજરાતમાં હાલ કોરોનાથી સૌથી વધુ મરણાંક ૨,૩૦૭ સાથે અમદાવાદમાં-૯૭૬ સાથે સુરતમાં અને ૨૪૦ સાથે વડોદરામાં છે. છેલ્લા ૨૪ કલાકમાં અમદાવાદમાંથી ૫૬-વડોદરામાંથી ૫૦-સુરતમાંથી ૩૬ એમ રાજ્યભરમાંથી ૨૬૪ દર્દીઓ સાજા થયા છે. અત્યારસુધી ૨,૬૧,૦૦૯ દર્દીઓ સાજા થતાં રીક્વરી રેટ ૯૭.૭૨% છે.

કયા જિલ્લામાં વધુ એક્ટિવ કેસ?

જિલ્લો       એક્ટિવ કેસ

અમદાવાદ     ૫૨૮

સુરત          ૩૨૧

વડોદરા       ૧૫૭

રાજકોટ         ૮૭

ગીર સોમનાથ   ૫૨

કચ્છ             ૪૯

ગાંધીનગર       ૪૫

જામનગર        ૪૪

મહીસાગર        ૪૦

ભાવનગર        ૩૭