6 સુપરફૂડ જે મહિલાઓને લાંબા સમય સુધી રાખશે ફિટ અને જવાન, જાણો કયા કયા

Women Healthy Diet And Food: દરેક સ્ત્રી લાંબા સમય સુધી યુવાન અને સુંદર દેખાવા માંગે છે. જોકે, એ પણ સાચું છે કે પુરુષો કરતાં સ્ત્રીઓના ચહેરા પર ઉંમર વહેલા દેખાવા લાગે છે. ઘણી વખત ખાવામાં બેદરકારી અને ત્વચાની યોગ્ય કાળજી ન લેવાને કારણે આવું થાય છે. એમાં પણ સ્ત્રીઓ પોતાના સ્વાસ્થ્ય પ્રત્યે ખૂબ જ બેદરકાર હોય છે. જેના કારણે શરીરમાં રોગો પણ ઝડપથી વિકસે છે. એવામાં જો તમે ઇચ્છો છો કે 40 વર્ષની ઉંમરે તમારા ચહેરા પરથી ચમક ન જાય અને તમે એકદમ યુવાન દેખાવા ઇચ્છતા હોય તો, તો તમારી ડાયેટમાં આ વસ્તુઓ ચોક્કસ સામેલ કરો.

મહિલાઓના સ્વાસ્થ્ય માટે આ છે સુપરફૂડ

1. દૂધ

સ્ત્રીઓએ તેમના આહારમાં દૂધનો સમાવેશ કરવો જ જોઇએ. દૂધ શરીરને કેલ્શિયમ, પ્રોટીન અને વિટામિન ડી પૂરું પાડે છે. આ તમારી ત્વચાને સુંદર અને શરીરને સ્વસ્થ રાખે છે. 

2. નારંગી 

આ ઉપરાંત, તમારે દરરોજ તમારા આહારમાં નારંગી પણ સામેલ કરવી જોઈએ. આ શરીરમાં વિટામિન ડી અને કેલ્શિયમની ઉણપને પૂર્ણ કરશે અને ત્વચામાં ચમક લાવે છે. 

3. દહીં

ત્વચાને સુંદર બનાવવા માટે દહીં સુપરફૂડ છે. તમારે દરરોજ તમારી ડાયટમાં દહીંનો સમાવેશ કરવો જોઈએ. દહીં ખાવાથી પેટની સમસ્યાઓ ઓછી થાય છે. તે ત્વચાને સ્વચ્છ રાખે છે. તેમજ હાડકાં અને શરીરને મજબૂત બનાવવા માટે દહીં જરૂરી છે.

4. ટામેટાં

ટામેટાં સ્ત્રીઓ માટે ખૂબ જ ફાયદાકારક છે. ટામેટાંમાં લાઇકોપીન નામનું તત્ત્વ હોય છે, જે બ્રેસ્ટ કેન્સરથી બચાવે છે. ટામેટાં એન્ટીઑકિસડન્ટથી ભરપૂર હોય છે જે ત્વચાને સ્વસ્થ બનાવે અને વૃદ્ધત્વ અટકાવવામાં મદદ કરે છે.

આ પણ વાંચો: વારંવાર પેટ ખરાબ રહેતું હોય તો ડાયટમાં આ 5 ગટ ફ્રેન્ડલી ફૂડ સામેલ કરો

5. બેરીઝ

બેરીઝ મહિલાઓના સ્વાસ્થ્ય માટે ખૂબ જ ફાયદાકારક છે. તમારે તમારી ડાયટમાં સ્ટ્રોબેરી, રાસબેરી, બ્લુબેરી અને ક્રેનબેરીનો સમાવેશ કરવો જ જોઈએ. બેરીઝ મહિલાઓને સ્તન કેન્સરથી બચાવે છે. તેમાં વિટામિન સી અને ફોલિક એસિડ હોય છે. ગર્ભાવસ્થા દરમિયાન પણ બેરી ખાવાની સલાહ આપવામાં આવે છે.

6. આમળા

મહિલાઓએ આમળા ખાવા જોઈએ જે વિટામિન એ, બી, સી, પોટેશિયમ, મેગ્નેશિયમ, ફાઇબર, પ્રોટીન અને આયર્નથી ભરપૂર હોય છે. આમળા ખાવાથી રોગપ્રતિકારક શક્તિ મજબૂત થાય છે. આમળા ત્વચા, આંખો અને વાળ માટે પણ ખૂબ ફાયદાકારક છે.