ગાંધીધામ શહેરમાં કારમાંથી બે શખ્સો 36 હુક્કા સાથે ઝડપાયા

- ચાર કોલ પેકેટ, સિગરેટના ફિલ્ટર પેપર, માટીના કોડિયા સહિત રૂ.૮.૭૬ લાખથી વધુનો મુદ્દામાલ કબ્જે કરાયો

પૂર્વ કચ્છ એલસીબીની ટીમે ગાંધીધામ શહેરમાંથી એક કારને રોકીને તલાશી લેતા તેમાંથી ૩૬ જેટલા હુક્કા અને તેને સંલગ્ન સામગ્રી સાથે બે શખ્સોને ઝડપી લઈને ધોરણસરની કાર્યવાહી હાથ ધરી છે.

જાણવા મળતી વિગતો મુજબ ગાંધીધામના ટાગોર રોડ પર આવેલ પેટ્રોલ પંપ નજીક પોલીસે કાર નંબર જી.જે.૧ર ડી.એસ.૩૧૯૭ને ચેક કરતા તેમાંથી અલગ અલગ પ્રકારના હુક્કાઓ તેમજ પીવાના ઉપયોગમાં લેવાતી ચીજવસ્તુઓ મળી આવી હતી જેના કોઈપણ જાતના આધાર-પુરાવા મળી ન આવતા એ ડીવીઝન પોલીસે ગાંધીધામના મહેશ નારાણદાસ મગનાણી, વિનોદ ભગવાનદાસ વરલાણી સામે કાર્યવાહી કરી છે. સ્થળ પરથી હુંકા સેટ નં.૩૬, ચાર કોલ પેકેટ   ર૦૪, ફ્લેવરના પેકેટો નં.૮૦૦, માટીના કોડીયા નં.૪૦, સિગરેટના ફિલ્ટર પેપર નં.પપર, ઈલેકટ્રીક સગડી ત્રણ સહિત ૮,૭૬,૦૬૦નો મુદ્દામાલ કબ્જે કરવામાં આવ્યો છે.