- શહેરમાં વિદ્યોતેજક મંડળ સંચાલિત ઈમારતમાં પોલીસ- હોમગાર્ડ અને જીઆરડીના ૩૦૯૯ જવાનો માટે કાર્યવાહી

જામનગર,તા.24 નવેમ્બર 2022,ગુરૂવાર

જામનગર જિલ્લાની પાંચ વિધાનસભા બેઠકો માટે કાયદો- વ્યવસ્થા જાળવવા માટે જેમને ફરજ સોંપવામાં આવી છે તેવા પોલીસ- હોમગાર્ડ અને જી. આર.ડી. ના જવાનો માટે બેલેટથી મતદાન કરવામાં આવી રહ્યું છે.  જામનગર જિલ્લાની કાલાવડ (અનામત), જામનગર (ગ્રામ્ય), જામનગર (ઉત્તર), જામનગર (દક્ષિણ) તેમજ જામજોધપુર વિધાનસભા બેઠકો માટે આગામી તા. 1 નારોજ મતદાન થવાનું છે. આ માટે ચૂંટણી તંત્ર દ્વારા ફરજ પર મુકાયેલા ૩૦૯૯ સુરક્ષા દળના જવાનો માટે શહેરના પ્રભુલાલ સંઘરાજ શાહ વિદ્યાલય ખાતે આજે બેલેટથી મતદાન કરવાની વ્યવસ્થા  કરવામાં આવી છે.

આ સ્થળે પોલીસના ૯૫૯ જવાનો, જી.આર.ડી. ના ૭૮૬ તેમજ હોમગાર્ડના ૧૩૫૭ જવાનો મતદાન માટે નોંધાયેલા છે. જેમના દ્વારા મતપત્રકથી મતદાન કરવામાં આવ્યુ છે. 

આ વેળાએ જામનગર જિલ્લાના મુખ્ય ચૂંટણી અધિકારી અને જિલ્લા કલેકટર ડોક્ટર સૌરભ પારધી, જામનગરના જિલ્લા પોલીસવડા પ્રેમસુખ ડેલુ, શહેર વિભાગના પ્રાંત અધિકારી ડી.ડી. શાહ સહિતના અધિકારીઓ ઉપસ્થિત રહ્યા હતા.