જોડીયા તાલુકાના કેશિયા ગામે 55 વર્ષીય મહિલાનું અચાનક તબિયત બગડતાં અપમૃત્યુ

Jamnagar: જામનગર જિલ્લાના જોડીયા તાલુકાના કેશિયા ગામમાં રહેતી 55 વર્ષીય મહિલાનું અચાનક તબિયત બગડ્યા બાદ મૃત્યુ નીપજ્યું હતું. આ બનાવ અંગે જોડીયા પોલીસ સ્ટેશનમાં અપમૃત્યુની નોંધ કરવામાં આવી છે.

પોલીસના રિપોર્ટ મુજબ, કેશિયા ગામે રહેતાં ચંદ્રીકાબેન રમેશભાઈ ગોધાણી પટેલ (ઉ.વ. 55)ની તા. 10 ઓક્ટોબરના રોજ સવારે આશરે 8:00 વાગ્યે અચાનક તબિયત બગડી હતી અને તેમને ઊલટીઓ થવા લાગી હતી. ત્યારબાદ તેમને ધ્રોલની સરકારી હોસ્પિટલમાં લઈ જવામાં આવ્યાં હતાં.

હોસ્પિટલમાં ફરજ પરના તબીબે તપાસ કરતાં હૃદયરોગનો હુમલો આવવાના કારણે તેમનું મૃત્યુ થયું હોવાનું જાહેર કર્યું હતું.

આ બનાવ અંગે તેમના પતિ રમેશભાઈ દામજીભાઈ ગોધાણી પટેલે પોલીસમાં જાહેર કરતાં ભારતીય નાગરિક સુરક્ષા સંહિતાની કલમ 194 હેઠળ જોડીયા પોલીસ સ્ટેશનમાં અપમૃત્યુની નોંધ કરવામાં આવી છે. જોડીયા પોલીસ સ્ટેશનના પોલીસ હેડ કોન્સ્ટેબલ બી.એચ. લાંબરીયા વધુ તપાસ ચલાવી રહ્યા છે.