UNમાં યુક્રેન મુદ્દે અમેરિકા-ચીન ઝઘડતા રહ્યા ને બીજી બાજુ રશિયાએ જુઓ શું કર્યુ

US-China Clash at UN: રશિયા અને યુક્રેનનું યુદ્ધ છેલ્લા ત્રણ વર્ષથી ચાલી રહ્યું છે. પરંતુ, હવે આ યુદ્ધ ફક્ત જમીન પૂરતું સીમિત નથી રહ્યું. આ યુદ્ધ હવે વૈશ્વિક તરીકે પહોંચી ગયું છે. હકીકતમાં સંયુક્ત રાષ્ટ્ર સુરક્ષા પરિષદમાં શુક્રવારે કંઈક એવું થયું, જેની છેલ્લા ઘણા સમયથી આશંકા સેવાઈ રહી હતી. અમેરિકાએ ચીનને સીધી રીતે રશિયાની મદદ કરવા માટે જવાબદાર ગણાવ્યું અને જવાબમાં ચીને પણ વળતો પ્રહાર કર્યો હતો. બંને દેશો વચ્ચે થયેલા વાકયુદ્ધે સાબિત કરી દીધું કે, યુક્રેનનું યુદ્ધ હવે બે દેશો વચ્ચે નથી રહ્યું પરંતુ, વૈશ્વિક સ્તરે પહોંચી ગયું છે. 

અમેરિકાનો આરોપ

અમેરિકાના કાર્યકારી રાજદૂત ડોરોથી શિયાએ ખૂબ જ કઠોર સ્વરમાં કહ્યું કે, 'ચીન ભલે દાવો કરી રહ્યું હોય કે, તેણે રશિયાને બેવડા ઉપયોગવાળી ટૅક્નોલૉજી નથી આપી, પરંતુ યુક્રેનની જમીન પર ચીનમાં બનેલા ડ્રોન, વાહન અને હથિયારોના કાળમાળ રોજ મળી રહ્યા છે. જો ચીન ખરેખર શાંતિ ઇચ્છે છે, તો તેણે રશિયા-યુક્રેન યુદ્ધની આગમાં ઘી નાંખવાનું બંધ કરી દેવું જોઈએ.' 

આ પણ વાંચોઃ પુતિન ભારત આવે એટલી વાર, ભારત-રશિયા મોટી જાહેરાત કરવાની તૈયારીમાં

શું છે બેવડા ઉપયોગ ધરાવતી ટૅક્નોલૉજી? 

બેવડા ઉપયોગ ધરાવતી ટૅક્નોલૉજી એટલે એવી વસ્તુ અથવા સામાન જેનો ઉપયોગ નાગરિક પણ કરી શકે અને સેના પણ. આ જ સામાનોને લઈને અમેરિકાએ આરોપ લગાવ્યો કે, ચીન છાનામાના ચાલાકીથી રશિયન સેનાને શક્તિ પૂરી પાડે છે. 

ચીન કેવી રીતે કરે છે રશિયાની મદદ? 

એક આંતરરાષ્ટ્રીય અહેવાલમાં દાવો કરવામાં આવ્યો છે કે, ચીની કંપની 'ઇન્ડસ્ટ્રિયલ રેફ્રિજરેશન યુનિટ્સ' એટલે કે, ફ્રીજના નામથી રશિયાને સરકારી ડ્રોન ફર્મના એન્જિન મોકલી રહી છે. તેનો હેતુ પ્રતિબંધોથી બચવાનો છે. 

ચીને અમેરિકાને આપ્યો જવાબ

જોકે, ચીને આ આરોપોને પાયાવિહોણા અને રાજકીય સ્ટંટ જણાવી દીધું. સંયુક્ત રાષ્ટ્રમાં ચીનના ઉપરાજદૂત ગેંગ શુઆંગે કહ્યું કે, 'અમે કોઈ જીવલેણ હથિયાર નથી મોકલ્યા. ડ્રોન અને બેવડા ઉપયોગવાળા સામાન પર અમારું નિરીક્ષણ વિશ્વમાં સૌથી કડક છે. અમેરિકાએ શાંતિના માર્ગ પર અવરોધો ઊભા ન કરવા જોઈએ.'

આ પણ વાંચોઃ ભંગારમાં વેચી દેવાશે રશિયાનું ઍરક્રાફ્ટ કેરિયર, બ્રિટને કહ્યું આ તો 'શિપ ઓફ શેમ' છે

રશિયા-યુક્રેન યુદ્ધની સ્થિતિ

યુક્રેન પ્રમુખ વોલોદિમીર ઝેલેન્સ્કીએ શુક્રવારે કહ્યું હતું કે, ડોનેટ્સ્ક વિસ્તારના વ્યૂહનૈતિક શહેર પોક્રોવ્સ્કની આસપાસ આક્રામક લડાઈ શરુ છે, જ્યાં રશિયા લગભગ દરરોજ કોઈના કોઈ ગામ પર કબ્જો કર્યા હોવાનો દાવો કરે છે. યુક્રેનના સૈન્ય પ્રમુખ ઓલેક્ઝેન્ડર સર્સ્કી અનુસાર, પોક્રોવ્સ્ક અને પાંચ અન્ય વિસ્તારોમાં સૌથી વધુ તણાવ છે. 

રશિયાએ હાલમાં જ પોક્રોવ્સ્ક પાસેની જવીરોવે, નોવોઇકોનોમીચને અને નોવોતોરેટ્સકે ગામને મુક્ત કરવાનો દાવો કર્યો છે. જોકે, યુક્રેને આ દાવાની પુષ્ટિ નથી કરી.